¹ Ku manimi ma bimi bini, yi wudi ndingi mosi yi tumbukidiwu ku zulu yi fanakene nga makoso nga malokoso ma kibuku ki batu ba vulu vulu yi hoyele:" Aleluya, kimfumu, mukembu, we ngolo biene ku Nzambi betu. ² Kusambisi kunu kwene ku wana we ku kiediki, mu diambu Nzambi ka sambisi ki ta mbongi. wu busidi nsi mutoto we mbongi yandi. Ka vutese mbele mu diambu di menge ma bisadi bi yandi ma ka tiamwene yandi bene." ³ Ba hoyele mbala yi zolo:" Aleluya! Musi ka tomboko di hiki ha ntandu yandi mamvulu yi mamvulu." ⁴ Minunu ma ku molo yi mi ya we batu ba ya ba fokomene we ku sambidi Nzambi wu kele zakelewu ha ntandu kiti ki kimfumu, ba hoyelewu:" Ku kala bwabunu,aleluya!" ⁵ Ndingi yi lubukidi ha kiti ki kimfumu yi hoyele:" Lu mu kembidi Nzambietu benukulu bi sadi bi yandi, benu mu wa bomo, ku ba ba kondo mfunu holo ku ba nkwa ngolo ⁶ Di hiki, yi wudi ndingi yi fanakene we ndingi kibuku ki batu ba vulu vulu nga malokoso ma mikoko mi vulu, we n ga malokoso ma mubandala nzasi ma hoyele:"Aleluya, mu diambu mfumu ka yala, Nzambi wu yalawu biakulu." ⁷ Ntu mono kise, mana ntu kala mu mukembu, we ku mu heke kizamba ki mwana mukoko ki fene, mana munketu yandi yilmene. ⁸ Yi ba mu hele di ve di ku vata milele mi ntalu mi ngelamawu bungi"( Mu diambu milele mi ntalu miene bisalu bi kiediki bi batu ba kondo masumu.) ⁹ Mbasi yi nkambawu:"Soniki bu:Kiese ku ba mbele ba telele ku kizamba ki mwana mukoko."Ka nkambawu di hiki"Miene misamu mi kiediki mi Nzambi." ¹⁰ Yi fokomene ha di se di yandi mu malu mu ku mu sambidi, mana ka nkambawu:"Yaku sala bu! Mene yene mpangi nge wu kisalu we mosi wu ba mpangi ba nge wu tuku ta kimbangi ki Yesu. Mu sambidi Nzambi, mu diambu kimbangi ki Yesu kiene mpefu yi kingunzu." ¹¹ Di yi mwene dihiki zulu di yangukidi, bu yi taddi yi mwene mpundu mosi wu kaseme! Wu matini ha ntandu zini diandi wu tambusulawu masumu. Ka sambisi we mu kiediki mana mviti. ¹² Mesu ma yandi mene nga kizangi ki mbawu ki vulu vulu, mana ha ntandu mutwe ba ntetiki mampu ma kimfumu ma vulu vulu, kene yi ini ba soniki ha ntandu yandi we mutu mosi ka yaboko ku di tendulu zini diene ho yandi bene lo. ¹³ Ka vete mvele yi ba vitikidi mu menge mana zini ba di telelewu ndingi Nzambi. ¹⁴ Basuta ba ku zulu, ba landasenewu ha ntandu bampundu ba kaseme, ba vete milele mi bunkete bungi. ¹⁵ Mu munwa yandi mu lubukidiwu mbele menu molo mana ya yini ka kusu kabisi ma nsi mana ka ma yala we mvala yi kibendi, ka tiamunu nzungu ma nkabu za vulu vulu za Nzambi mu ngolo za kulu. ¹⁶ Ka kele we zini ba soniki mu milele mi yandi we mu masini ma malu:" Mfumu bambutu ba bamfumu ba mbutu we mfumu wu bamfumu." ¹⁷ Yi mwene mbasi mosi yi kele mu tangu yi hoyelewu mu ndingi ngolo ku banuni ba mpulumukiniwu ku zulu, " Lusu, lu kutukana mu diambu di ma dia ma Nzambi. ¹⁸ Lusu lu dia misuni mi mfumu, misuni mi wu matisawu, misuni mi batu ba ngolo, misuni mi bampundu we mi ba ba natawu, we musuni wu batu bakulu ba kondele yi diambu we batu ba bu mbwa, we ba ba kondo ngolo, yi ba bene ngolo." ¹⁹ Yi mwene mbisi we bamfumu ba mafu, we basuta bandi, ba kutukenewu mu ku nwana mviti we wu zakele ha ntandu mpundu yi basuta bandi. ²⁰ Mbisi yi mu kwete mana we yandi, bangunzu ba bumpala ba basadidi bidimbu mu mesu ma yandi. We binsisu biene, ba bungidi ba ba kondele kinsisu ki mbisi, we ku fokomini kizisi ki yandi. ²¹ Ba ba sele, ba ba hondele ku mbele we wu kele zakelewu ha ntandu mpundu. Banuni bakulu ba didiwu misuni mi bawu.