¹ Ku manimi ma bilumbu biabini, yi mwene mbasi mosi yi hiki yi kulumuniwu ku zulu. Yi kele we kimfumu ki kabala di nsi yi kele mu kimfumu ki yandi. ² Yi ka hoyele mu ndingi ngolo ka hoyawu;"Kene wu bwa! Kene wu bwa Babiloni wu mbutu! Kene yi kiziki ki ku zakalala ki kimfumu, kiziki ki ki swekamawu mampefu ma molo ma mbi we kiswekama banuni ba bolo ba mbi we wu ba fene ku lewulu. ³ Mu diambu nsi yakulu ba nuniwu malafu ma mpasi za misamu mi nsoni. Bamfumu ba nsi ba tele mbongi we bawu batu ba ba hiki ba nsi ba kuminiwu bamvwama mu ngolo za dizingu di bunkete." ⁴ Di, yi wudi ndingi mosi dihiki yi hoyawu:" Lubuku mu nkati ka bawu batu ba mene, mu diambu lu yaku bongo ndambu masumu ma bawu, nka lu bongo ndolo kiziki ki mosi we bawu. ⁵ Masumu ma bawu ba ma sangisi tii ku zulu di Nzambi ba banzawu bisalu bi yandi bi mbi. ⁶ Mu vutululu ma ka sadidiwu ku batu ba hiki, lu mu vutululu mbala zolo mu misamu ka sadidiwu; mu kobo dini lu sangisi, lu sangisi mbala zolo mu diambu di yandi. ⁷ Ka di zangwenewu mu diambu di kimvwama, lu mu vutululu mpasi we kiadi. Mu diambu ka tuku hoyi ku mbundu yandi:'Zakelewu nga mfumu wu munketu.' ⁸ Yeku mufudi, mana yi kaloko mufudi "Mu diambu dini, mu kilumbu ki mosi misamu miandi mi mbi mi kusu mu wana: di fwa, ku didiwe nzala, ka hia mbawu, mu diambu mfumu Nzambi kele wu kabala, ka hia ku mbawu mu diambu mfumu Nzambi kene wu kabala, kene mpe mbaku yandi." ⁹ Bamfumu ba nsi ba sadidiwu misamu mi mbi mi mbongi, we ba ba kabisiwu mbongi ba didi ba di yangisi tangu ba mono musi mbawu wunu tuku ba hia. ¹⁰ Ba teleme ku kiana, ba hia mbawu:" Kiadi! Kiadi! Ku mbanza yi kabala, Babiloni, mbanza yi kabala! Mu diambu mu tangu di mosi ndolo yi ku yisidi." ¹¹ Bi teki binkiti mu nsi bi didi bi di yangisi samu mbele sumbu bimi keku: ¹² Bimi bi ku teke bi wolo, mbongo, matadi ma ntalu, misanga, milele mi natalu mi mpidi yi mpidi miti miakulu mi lubulawu nsudi, makobo ma mpungi nzawu, makobo makulu ba salawu we miti ntalu bibendi, ¹³ Bimi bi kumisawu madia bunkete, bilambululu, nsudi bunkete, masi ma nsudi, wenge, malafu, masi, mfufu, bangombo, mikoko, bampundu, bakamewu, bampiku ba kele ba kwata holo ba ba butuku bampiku. ¹⁴ Bimi biakulu bi ku hele kiese bi ku tinini. Bimi biakulu bi bunkete bi belele bi monikoko di hiki. ¹⁵ Batu bakulu ba bongele kimvwama mu kinkiti ba sadidi mu dizolo di babene , ba teleme kiana mu diambu di bomo ba ba ndiki ku didi mu ndingi ngolo. ¹⁶ Ba hoyi:"Mpasi! Mpasi ku mbanza yi mbutu yi kele y vata milele mi bunkete bungi, bimi bi wolo, matadi ma ntalu ma misanga! ¹⁷ Munu tangu di mosi kimvwama kiakulu kele ki bebele." Bankabuteni bakulu ba maswa, batu ba natwu maswa, ba ba bwakawu lungu bakulu ba bongawu dizingu mu nzadi ba teleme kiana. ¹⁸ Tangu ba mwene musi wu ba yambamene yi ba yamukini. Ba hoyawu;"Nki mbanza yi fanakene we mbanza yi mbutu?" ¹⁹ Ba di losidi mbomi ha ntandu mitwe miawu di ba tamukini mu ku didi we ku ku di yyangisi, "Kiadi ku mbanza mbutu holo ku bakulu ba kele yi mabwatu ba vweme kimvwama mu tangu di mosi biakulu bi kele bi bebele." ²⁰ Lu kala yi kiese mu diambu di mazulu, benu batu lu kondo masumu, Bangunzu we Bangenzi, mu diambu Nzambi ka nata ka tabulu misamu mi yandi1" ²¹ Mbasi mosi yi kabala yi yi bongele bisambu nga tadi dini ba sekisawu mbele di yi ka losele mu nkati ka nzadi di yi ka hoyele:"Mu bwabunu, Babiloni, mbanza yi mbutu, yi ngolo zakulu yi ka ba losele yi nkwanga ha nsi di ba zingoko dihiki. ²² Malokoso ma mangomo, yi ba ba yimbawu, yi ba ba sikawu matutu. Mvudi mvudi(Tulumbetu) Ba wakakanoko di hiki ku wene nge. Ku kaloko ata mutu mosi salawu bisalu bi ku moko moniki ku wene nge. Ku wakakanoko misindi mi ba ba tokawu bule ku wene nge. ²³ Wangala dini ka hana mwende di monikoko ku wene kunu nge. Ba waku ndingi yakala holo yi munketu ku wene nge, mu diambu biteki binkiti bi kele bamfumu ba nsi, Batu ba ba huniniwu mu diambu di buloki bu yandi. ²⁴ Ku yandi, menge ma bangenzi we ma ba ba tambusulu ma monokene we ma bakulu bana ba hondele ha nsi."