¹ Mbasi mosi mu nkati ka mambasi, ma masimbidi malongo nsambwadi, ma nkambawu na:"Awusu, yi ku songidi nki mpidi Nzambi ka hanawu ndolo ku munketu wunu ta mbongi bungi wu zakelewu bele bele yi nzadi. ² Bamfumu ba nsi ba yelewu we yandi , mana batu ba nsi yakulu ba lawukidiwu mu malafu ma bizumbu bi yandi. ³ Mbasi yi yi ndete mu mpefu ku mseke yi kondo kimi , kwakunu yi mbwene munketu yi ka zakelewu ha ntandu mbisi wu kabenge; lutu di yandi diakulu ba soniki mazini ma ku mu lewulu mu Nzambi. Mbisi wene ka kele mitwe nsambwadi we misengu kumi. ⁴ Munketu wene yi ka vete milele mi sikisi mi kabenge nsoyo we bimi bi wolo; matadi ma ntalu we misanga, ku koko di yandi yi ka simbidi kobo di mosi di wolo, di basa we misamu mi bizumbu bi yandi, miene mi mbembi we mi mvindu. ⁵ Ku kilunzi ki yandi ba soniki zini di mosi di kinsweke, di songese mbanza yi mbutu yi Babiloni, ngudi wu banketu ba bizumbu we wu misamu mi mvindu mi mu nsi." ⁶ Mana yi mbwene munketu wene yi ka lawukidi menge ma batu ba kondele masumu we ba longelewu ndingi Yesu. Mana mbwene munketu wene yi ka lawukidi menge ma batu ba kondele masumu we ba ba longelewu ndingi Yesu. Yi Ngitukidi bungi bu yi mwene. ⁷ Mana mbasi yi mpiulawu:" Samu di nki tuku yituku?" Yi ku kamba kinsweke ki munketu wunu, we mbisi wu mitwe nsambwadi we misengu kumi mi kwe mu nati. ⁸ Mbisi wunu wu mwene nge ka kele wu moyi, mana di keku. Ku sele bi nkein ka lubuku mu dibulu di ba kasa mpefu mbi, mana ka lala kimakulu. Batu ba nsi mutoto ba yituku, ba ba kondo ku soniki mazini ma bawu mu mukanda moyi, bandiki mu diyandikidi di nsi. Ba yituku tangu ba mu mono mbisi wunu, mu diambu yandi ka kala wu moyi mana di keku; ku manimi ka kusu moniki dihiki. ⁹ Mu ku yaba misamu mi, wu kala yi nduku. Mitwe nsambwadi miene miongo nsambwadi ka zakele ka zakele munketu wunu. ¹⁰ Kwene dihiki bamfuu ba tatu. Bamfumu ba tanu ba bwa, mosi wene mana mosi yi hunu keseleku. Tangu ka kusu ka lamoko bungi. ¹¹ Mbisi buta wu kele wu moyi mana keku dihiki, ka kala mfumu wu nana; mana ka kala mu kimfumu ki kibuku ki bamfumu nsambwadi mana ka kwe lala kimakulu. ¹² Misengu mini kumi mwenewu kwene bamfumu kumi ba kondele yi kimfumu mana ba bongo kimfumu kiziki ki mosi we mbisi buta tangu di mosi. ¹³ Bene mabanza mawu ha kimosi, yi ba mu hele mbisi mbutu kimfumu we nduku za ku natisi. ¹⁴ Ba nwana we mwana mukoko. Mana mwana mukoko ka mu nungu mu diambu kene mbutu wu bamfumu ba mbutu we mfumu wu bamfumu mana kwene yandi kwene yi batu ba ba di hana ,ba ba tambusulu, we ba ba solo." ¹⁵ Mbasi yi nkambawu," Manzadi mana mwenewu, kiziki kini ka zakalawu munketu wunu ta mbongi bene batu, bikanda we mandingi ma vulu vulu. ¹⁶ Misengu kumi mini mwenewu, kwene yandi we mbisi ba mu bisi mu munketu wunu ta mbongi. Ba mu sembe mana ba songidi kinkongo ki yandi, ba dia misuni mi yandi mana ba mu yoko mbawu. ¹⁷ Nzambi ka sidi mu mambundu ma bawu mabanza ma ku sala misamu mi ka zolele yandi. Ba hana kimfumu ki bawu ku mbisi wunu tii kunu ka wanisi Nzambi ndingi yandi. ¹⁸ Munketu wunu wu mwenewu kwene mbanza yi mbutu yi tuku natisi bamfumu bakulu ba mu nsi mutoto"