¹ Yi wudi ndingi yi ngolo yi tukidi ku kiziki ki kondo masumu ba hoyawu ku mambasi nsambwadi:" Lwende lwe balumunu makobo nsambwadi ma nkabu za Nzambi ha nsi mutoto." ² Mbasi yi ntete yi yi mpusene mana yi balumwene kobo ha nsi mutoto; di mamputu ma mbi we mpasi za lubukidi mu malutu ma batu bana ba bongele kinsisu ki mbisi di yi ba yandikidi ku fokomini biteke biene. ³ Mbasi yi zolo yi yi balumwene kobo mu nkati ka nzadi; yi ku balumukini menge ma mutu wu fwa di bimi biakulu bi moyi mu nkati ka nzadi yi bi fudi. ⁴ Mbasi yi tatu yi balumwene kobo mu nzadi we mu bana banto ba mikoko, bi kumini menge. ⁵ Yi wudi mambasi ma mamba:" Wene wu ku wana wu wene we wukala, wu kondo masumu mu diambu di nge wu yisi nati disakumunu. ⁶ Mu diambu ba tiamunu menge ma ba ba kondo masumu we ma bangenzi bawu, wu ba hele menge ba nwa; ma mana ma ba bongo. ⁷ Yi wudi mese ma vutele:" Bwabunu,(Eh) Mfumu Nzambi mu nkwa ngolo zakulu, we disakumunu diene di kiediki we di ku wana.' ⁸ Mbasi yi ya yi tiamwene kobo ku nsi tangu; di Nzambi yi ka yi di ve samuka yoko batu ku mbawu. Batu ba hidi mu lukutini di ngolo di mbawu. ⁹ Di yi, ba bandikidi ku lewulu zini di nzambi wu hitikidi mpasi za zana ba balumenoko dihiki misamu miawu holo ku heke Nzambi sikisi. ¹⁰ Mbasi yi tanu yi yi bukukidi kobo ha ntandu kiti ki mbisi we kimfumu kiandi kimpibi. Di batu yi ba yandikidi ku zitikisi menu mu diambu di mpasi. ¹¹ Yi ba mu lewele mu Nzambi mu diambu di mpasi we mamputu mawu; mana ba yambweloko mambi mawu. ¹² Mbasi yi sambanu yi yi bukukidi kobo mu nzadi mbutu, wu Frata, di nzadi yi lokele mu diambu di ku hana nzidi ku kimfumu ki tukawu ku kulubukidawu tangu (Est). ¹³ Yi mwene mampefu ma tatu ma fanakana nga biulu bi tukidi kwene mufu, kwene mbisi we kwene ngunzu wu bumpala. ¹⁴ Mu diambu menawu mampefu ma mifu ma fanakisawu binsisu bi bimpa bi lubukidi kwene bamfumu ba nsi mu diambu ba ba sangisi samu di mizingu mi kilumbu ki ngolo ki Nzambi mu nkwa ngolo zakulu. ¹⁵ Tala! Yisidi nga mufi! Kiese ku mutu wunu di tala wunu ,wu tala miele miandi yandi bene mu diambu ka yaku lubuku nkongo, ba yaku mono kinkongo ki yandi. ¹⁶ Yi ba sngene bakulu kiziki ki mosi ki ba telawu Ebeleyo Armaguedon. ¹⁷ Mbasi yi nsambwadi yi yi bukukidi kobo diandi mu nkati ka mfunzi mu nzo Nzambi we mu kiti ki kimfumu ndingi ngolo yi hoyele:"Ku salamene." ¹⁸ Ku kele mikedi kedi, midikitidi, banzasi we ku ningana ku mafu; ku ningana ku mosi ku ngolo ku kondo kala ku salama bandiki diyandikidi di mutu ha nsi mutoto; ku ningana kunu ku kele ku kabala. ¹⁹ Nzambi wu benze mbanza yi kabala yi Babiloni, yi ka mu nusisi kobo di vinu di ka cha nkabu za yandi, mafu ma mbanza yene yi kabala yi ma tiakene mu bitini bitatu di mambanza kakulu ma nsi yi ma tiakene. ²⁰ Bisangi biakulu yi bi ladidi we miongo mpe mi monokenoko dihiki. ²¹ Matadi ma mbutu yi mese bulu batu; dimosi dimosi di kele we kitesidi kete ma ku ma ya. Batu yi ba yandikidi ku sawulu Nzambi mu diambu di mvulu ya yini yi matadi we mpasi zana za kele za kabala.