¹ Mana, yi mbwene ku zulu kinsisu ki mbutu we ku yituku: Mambasi nsambwadi ma simbidi mampasi nsambwadi menawu mpampasi ma bunsuki ma ku wanisi nkabu za Nzambi. ² Yi mbwene nga nzadi; kiawu ki kele nga kimpele ki tuku lemini nga mbawu. Mana mulweke di nzadi yi ba telemene ba ba nungini mu mbisi we biteke; we ka tuku songidi mazini ma bawu. Yi ba simbidi bi dadi ka ba hele Nzambi. ³ Yi ba yimbidi mukungu Mose, kisadi ki Nzambi we mukungu wu mwana mukoko:" bisalu bi nge biene bi mbutu we bi ku yituku! Oh mfumu Nzambi wu ngolo. Manzidi ma nge menawu ma ku fanakana we ma kiediki mfumu ma nsi makulu. ⁴ Mfumu na kondo ku ku wa bomo we ku sikisi zini di nge? Na nge kondele masumu. Ma nsi makulu ma kusu ku wene nge we ku kusikisi mu diambu bisalu bi nge bi fana bi monokene wangala. ⁵ Ku manimi, yi mbwene ku zulu, nzo Nzambi yi yi yangukidi, kunu Nzambi yi ka di songele ku kwene batu. ⁶ Mambasi nsambwadi, yi ma simbidi mampasi nsambwadi yi ma lubukidi mu nzo Nzmi, yi ma vete milele mi ntalu we mi kaseme we nsibu yi wolo mu diketu. ⁷ Mbasi mosi mu nkati ka mambasi ma ya (sheribin) yi ka hene malongo nsambwadi ma wolo, mambasi nkabu za Nzambi wunu wene yi moyi wu mvulu yi mvulu. ⁸ Nzo Nzambi yi yi bese yi musi munkembu wu Nzambi we kimfumu kiandi. Ata mutu mosi ka kukidoko ku koto mu nzo Nzambi, tii mambasi nsambwadi yi ma manisi mampasi nsambwadi.