¹ Bu yi tadidi,yi mbwene mwana mukoko ha ntandu mongo Siyoni. Ka kele we batu mafundu nkama mosi yi ma ku ma ya yi ya (144 000) Ba kele we zini di yandi we zini di tatandi ba ba soniki ha mambunzu. ² Yi ngudi ndingi ku zulu yi kele nga malokoso ma mamba we mubandala wu ka bala, ndingi yi wudi yi fanakene di hiki nga batu ba ba tuku siki mangomo. ³ Ba yimbidiwu mikungu ki hiki ku di se di kiti ki kimfumu we ku di se di batu ba ya we minunu. Ku kondo ku tanga mafundu nkama mosi yi ma ku ma ya yi ya ba kele ba ba katulu mu nsi mutoto, ku keloko we mutu wu longokele mukungu wene. ⁴ Ba bana ba ba kondele ku sala masumu we banketu mu diambu ba dikebelewu mu misamu mi kindumbu bene ba ba landawu mwana mukoko kumu kwakulu kunu ka kwende. Ba ba katukidi mu kimutu bekini nga bibundu bi miti ku Nzambi we ku mwana mukoko. ⁵ Ba keloko we bumpala mu minwa mi bawu, beku yi bi fu bi mbi. ⁶ Yi mwene mbasi yi hiki yi kwe mpulumuki ku zulu, yi kele ndingi yi tangu diakulu yi bunkete yi ku longo ba ba zakalawu ha nsi mutoto, mu ma nsi makulu, bikanda, mandingi we batu bakulu. ⁷ Ba tamukininiwu mu ndingi ngolo:" Lu mu wa bomo Nzambi mana lu mu vutululu matondo. Mu diambu tangu di yandi di ku sambisi di fene. Lu mu fokomini wu sadidi zulu, mafu, nzadi we manto ma mikoko. ⁸ Mbasi yi hiki, mbasi yi zolo yi lende yi hoyawu:" Bwabunu Babiloni di mbutu wu nungini ma nsi makulu mu ku nwa vinu di bi fu bi mbi." ⁹ Mbasi yi hiki, mbasi yi tatu, yi mu lende yi hoyawu mu ndingi ngolo:"Na mutu ka fokomini mbisi we kizisi kiandi mana ba soniki ha mbunzu holo mu koko. ¹⁰ Ka nwa dihiki malafu ma nkabu ma Nzambi, malafu ma ba yidikidi yi ma ntu mwene mu ku songidi we ma ma hiki mu kobo di nkabu za yandi mutu wunu nwa malafu mana ma ba mu yangisi ku mbawu, we dilaki di mbawu ku di se mambasi we mwana mukoko. ¹¹ Musi mampasi ma bawu ka tuku tomboko keku we bunsuki mana ba lemboko mpibi yi mu muni ba fokominawu mbisi we kizisi, we wu bongo kinsisu ki zini di yandi. ¹² Kwene ku yubulu ngolo za ku kwaminini ku ba ba kondele masumu, ba ba lemvukawu mu minsiku mi Nzambi we dikwikidi di Kidisitu. ¹³ Ku zulu, yi wudi ndingi yi hoyelewu:" Soniki bu; ba ba sambulu ba ba fudi mu diambu di Kidisitu." Bwabunu," yi hoyele mpefu' mu diambu ba zebe mu bisalu biawu, mu diambu bisalu biawu bi landa.' ¹⁴ Yi tadidi mana yi mwene tuti di mosi di kaseme, we wu zakele ha ntandu tuti ka kele mutu mosi wu fanakana nga mwana mutu. ka kele yi mou kimfumu yi wolo ha ntandu mutwe yandi we mbele menu ma vulu ku koko di yandi. ¹⁵ Mana mbasi yi hiki yi lubukidi mu nzo Nzambi yi mu telele mu wu kele ha ntandu tuti mu ndingi ngolo:"Bongo mbele nge yandiki ku katulu bibundu mu diambu tangu di ku katulu bibundu di wene, mu diambu tangu di ku katulu bibundu di wenakene ¹⁶ Tangu di wu kele ha ntandu tuti yi ka bwaswele mbele yandi mu mafu di yi ka katwele bibundu bi bikele mu mafu. ¹⁷ Mbasi yi hiki yi lubukidi mu nzo Nzambi ku zulu, yi kele we mbele menu mengi mpe. ¹⁸ Mbasi yi hiki yi lubukidi ku mesu ma wenge yi kele we kiyeke ki mbawu yi yi hoyele mu ndingi ngolo ku mbasi yi kele we mbele menu, bwasulu mbele nge wu katulu bibundu bi vinu mu diambu bi yelele. ¹⁹ Mbasi yi bwaswele mbele mana yi ka yandikidi ku tongono bibundu bi kele ha nsi. yi ka bi bwaswele mu nzungu nkabu za Nzambi. ²⁰ Nzungu yi ba yi lubele mu mbanza; mana menge ma tikidiwu bungi we kibendi ki munwa bampundu kitesu ki fundu di mosi yi nkama sambanu di bitesidi (1600).