¹ Mana, yi mwne mbisi buta wu lubukidi mu nzadi ka kele misengu kumi we mitwe nsambwadi. Ha ntandu misengu mi yandi ha kele mampu ma kimfumu kumi mana hantandu mutwe yandikulu wu yandi ha kele we zini di ku chala. ² Mbisi buta wene yi mwene ka kele nga ngo; malu ma yandi ma kele nga Ulusu mana munwa yandi nga wu ntambu. Mufu yi ka mu hele kimfumu kiandi we kimfumu kiandi ki mbutu mu ku yala. ⁴ Ba mu fokomenene mpe mu mufu mu diambu ka hene kimfumu kiandi ku mbisi buta. Ba fokomenenewu mana ba hoyelewu: " Na wene nga mbisi buta?" We" na fene ku mu nungu?" ⁵ Munwa wunu tuku lubulu ngusi za nsoni we misamu mi ku sawulu yi ba hene kwene mbisi buta. Ka bongele nswa mu ku sadidi kimfumu ki yandi ngondo ma ku ma ya yi zolo (42 mois). ⁶ Tangu di mbisi yi ka yangwele munwa yandi mu diambu ka sawulu Nzambi; yi ka sawele zini, kiziki ki ka zakalawu Nzambi we ba bene ku zulu mana di hikiyi ba ba zakalwu ku zulu. ⁷ Yi ba mu hele nswa mu mbisi mu diambu ka nwanisi ba ba tambusulawu ndingi Nzambi mana ka ba nungu. Ka bongele kimfumu samu ka yala bikanda biakulu, batu, ndingi we nsi. ⁸ Batu bakulu ba nsi mutoto ba mu fokomini, mutu yandikulu wunu ba kondo ku soniki zini di yandi, bandiki di yandikidi di nsi, mu mukanda moyi, ba benawu ku mwana mukoko wu ba hondele. ⁹ Wu wene yi matu, ka wa. ¹⁰ Na mutu wu ba mu solo mu ku kwata, ka kwende mu ku kwata; wu wene na ba mu hondo ku mbele, ka fwa mpe ku mbele. Ku kwene kuyubulu mu kikese we ku kasa mbundu mu dikwikidi ba ba kondele masumu. ¹¹ Dihiki yi mwene mbisi buta di hiki wu lubukidi mu nsi mafu ka kele yi misengu miolo nga mwana mukoko mana ka hoyelewu nga mufu. ¹² Ka sadidi kimfumu kiakulu nga bunu ka kele mbisi ntete ku di se di yandi yi ka ma fengenene mafu we ba ba zakalawu ha ntandu mafu mu diambu ba mu fokomini mbisi (wu ntete kele we mputu di fwa yi kolo). ¹³ Yi ka sadidi bimpa bi ngolo. Yi ka kulumene mpe mbawu ku zulu ku di se di batu. ¹⁴ We binsisu bi ba mu hele ka sala, ka nungini mu ku ba bisi ba ba zingawu ha nsi mutoto. We ka ba lombele ba sala kizisi mu ku mu sikisi mbisi wunu wu lwele mu mbele menu molo mana ka tuku zingi di hiki. ¹⁵ Mbisi ka kele we nswa mu ku hana mpeme yi moyi mu kizisi ki mbisi mu diambu kizisi ki yandiki ku hoyi holo diyandikidi di ku hondo bakulu bana ba tuku bisi mu ku mu fokomini mbisi. ¹⁶ Yi ka ba tumini bakulu batu ba kondo mfunu we ba bene ngolo, bamvwama we bambwa, bampiku we ba kondele bampiku, mu ku bongo binsisu ku koko di ki tata holo ha mbunzu. ¹⁷ Ku kele mpasi ku mutu yandikulu mu ku sumbu holo mu ku teke na keku yi kinsisu ki mbisi, yenawu ntalu yi tuku songidi zini di yandi.