¹ Kidimbu ki mbutu mbutu ki monokene ku zulu: Munketu mosi wu vete tangu mana ka kele yi ngondo ku nsi bikanzu bi yandi; we mpu yi kimfumu yi bambwetete kumi yi bolo yi kele ha mutwe yandi. ² Ka kele we kifundu yi ka bandikidi ku totolo mu ndunzi za ku butu. ³ Kidimbu ki hiki yi ki monokene ku zulu: Tala! Ku kele mufu mosi wu mbutu wu kabenge wu kele we mitwe nsambwadi we misengu kumi, we ka kele we mampu ma kimfumu ha ntandu mutwe yandi. ⁴ Mukidi yandi ka bongele kitini ki tatu ki bambwetete ku zulu mana yi ka ba busidi ha nsi. Mufu yi ka telemenwu ku di se di munketu wu wu hingididiwu ku butu ka zolele ka mu dia bunu ka butawu. ⁵ Yi ka butidi mwana , mwana yakala, wu natisi ma nsi makulu we mvala yi kibendi. Mwana yandi yi ba mu nete kwene Nzambi we ha kiti ki kimfumu ki yandi. ⁶ Mana munketu yi ka tinini ku nsi zelu yi kondo ata kimi kwakunu Nzambi ka yidikidi kiziki mu diambu di yandi mu diambu ka kala ku moko ma Nzambi bilumbu fundu di mosi nkama zolo yi ma ku ma sambanu (260 jours.) ⁷ Mana, ku kumini mizingu ku zulu. Mikayele we mambasi mandi yi ba nwene we mufu, we mufu we mambasi mandi ba tuku vutulu. ⁸ Mana mufu ka keloko ngolo yi ngolo zengi mu ku nwana mana, ku keloko yi kiziki ku zulu mu diambu di yandi we mambasi mandi. ⁹ Mufu wu mbutu, nioko wunu wu ntama ba telelewu mufu holo satana, yandi busawu batu mu masumu nsi yakulu yi ba mu losele ha nsi we mambasi mandi we yandibene. ¹⁰ yi wudi ndingi yi mbutu mbutu ku zulu:" Tangu di ku huluku, ngolo we kimfumu ki Nzambi betu kisidi, we kimfumu ki Kidisitu yandi. Mu diambu wu fundawu bampangi ba betu, yandi wu ba fundiwu mpibi yi muni ku kwene Nzambi betu. ¹¹ Yi ba mu nungini mu menge ma mwana mukoko we mu ndingi yi kimbangi kiawu, samu ba zoleloko dizingu diawu tii mu di fwa. ¹² Di, lu kala mu kiese, benu mazulu we ba ba zakalawu kwakunu. Mana mpasi ha nsi mutoto we mu nzadi mu diambu satana kulumukini kwene benu. Kene yi nkabu za kabala samu yebe na tangu di yandi diene di ka nkufi. ¹³ Ha ka yebe mufu na ba mu losele ha nsi, yi ka kudikisi mu munketu wu butidi mwana yakala. ¹⁴ Mana munketu yi ba mu hele ma he molo ma ngo-zulu wu mbutu mu diambu ka mpulumuku kende ku kiziki ki ba mu yidikididi ku nseke yi kondo kimi (Desert), kiziki ki ba mu bongo ba mu sadisawu, mu tangu diadini, mu tangu we mu kitini ki tangu ka kondo ku kala yandi ku di se di nioko. ¹⁵ Nioko yi ka lubele mamba mu munwa yandi nga nzandi, samu ka basisi ka mu tikisi. ¹⁶ Mana mafu yi mese mu sadisi munketu. Mafu yi ma yangwele munwa yi ma minini mamba ka lubele mufu mu munwa yandi. ¹⁷ Mana mufu yi ka mu wudidi nkabu mu munketu yi kele ke nwana mizingu wi ba ba sele mu kikanda ki munketu, ba ba lemvuka bana mu minsiku mi Nzambi we ba ba swekawu kimbangi ki Yesu. ¹⁸ Di mufu yi ka telemenewu ha zelu mu mukulu nzadi.