¹ Mana mbasi yi songidawu nzadi mamba ma dizingu, ma kaseme nga tadi di kaseme. Matikidiwu ku kiti ki kimfumu ki Nzambi we ki mwana mukoko. ² Yi ka labukidi dihiki ha nkati ka bala bala di mbanza. mu lweke diakulu di nzadi ku kele muti dizingi, mi mi butidiwu bibundu bi mpidi kumi yi zolo mana bi hene bibundu woso ngondo. Makayi ma muti menawu mu diambu di ku kodisi ma nsi. ⁴ Bi mono di se di yandi mana zini di yandi di kala ku bilunzi bi bawu. ⁵ Ku kaloko mpibi, ba kaloko yi mfunu ku wanguku ku mwende holo ku tangu; mu diambu mfumu Nzambi ka lemini kwene bawu. Ka yala mvulu yi mvulu. ⁶ Mbasi yi nkambawu:" Ndingi yi yene yi kiediki batu ba fene ku sidi mbundu, mfumu, Nzambi mampefu ma bangunzu, ka hitiki mbasi ku bisadi bi yandi misamu mi kusu ntama yingi lo." ⁷ "Tala! Yi kusawu ntama yingi lo! Ka sakumuku wu lemvukawu ku ndingi ngunzu wu mukanda wu. ⁸ Mene , Zwani, yene wu wudiwu we wu mwenewu misamu mi. Tangu yi wudi we ha yi mwene, yi mfokomene ku di se di malu ma mbasi mu diambu yi mu sambidi, mbasi yi nsongele bimi biakulu. ⁹ Ka nkambawu:" yaku sala bwabunu! Yene mpangi nge wu kisalu, mu diambu di bampangi ba nge ba ba ngunzu, we ku ba ba lemvukawu mu ndingi mukanda wu. Mu kumisi Nzambi! ¹⁰ Ka nkambawu na:"Yaku kasa ndingi bangunzu ba mukanda wu, mu diambu tangu dieku bele bele." ¹¹ Wu wene wu fana, wu sala mbi ka landa mu ka salawu mbi, wu salawu misamu mi mvindi ka landa mu ka salawu misamu mi mvindu, wu salawu misamu mi mboti ka landa mu ka salawu misamu mi mboti, wu wene mutu Nzambi ka landa mu ka kalawu mutu Nzambi. ¹² " Tala! Ntama yingi lo yi kusawu. Difuti diene ku yene mene mu ku hana mu mutu yi mutu bunu kiene kisala kiandi. ¹³ Mene yene mutu ntete we mutu bunsuki, mene yi yandikidi nsi, mene mpe yi nsukisi, yene dibandikidi we bunsuki. ¹⁴ Ba sakumunu ba ba sukele mamvele ma bawu mu diambu ba bongo di ve di ku dia muti wu dizingu mana ba koto ku mbanza ku mwelu. ¹⁵ Ku mpenze kwene ba mbwa, ba ba salawu misamu mi mvindu, ba ba hondawu batu, ba ba sambidawu biteke we bakulu bana ba zolawu ku hunu. ¹⁶ Mene ,Yesu, mpitikidi mbasi mene kese lu tele kimbangi mu misamu mi tadidi manzo ma Nzambi. Yene mwana wu ka lakidi Nzambi mu kikanda kiTavidi, mbwetete nkiesisawu kumu." ¹⁷ Mpefu we munketu ba hoyawu, "Awusu!" Wu wa wunu ka hoyawu!"Awusu!" Wu wene yi huni, kese, mana wu zolele ku nwa mamba ma dizingu kese ka bongo ma nkatu. ¹⁸ Yi tuku ta kimbangi ku mutu yandikulu tu kuwa ndingi yi mukanda wu wu bangunzu: Ho mutu ka yiki kimi ki hiki mu mandingi ma mukanda wu wu bangunzu, Nzambi ka yiki mampasi ma ba soniki mu mukanda wu. Ho mutu ka katulu kimi mu mukanda wu Nzambi ka mu katulu mu ndongo batu bana ba dia muti dizingu, ka mu hekoko kiziki mu mbanza batu bana ba kondele masumu, yandi ba mu yimini biakulu ba soniki mu mukanda wu. ²⁰ Wu tesawu bimi bi ka hoyele, "Eh! Ntama yingi lo yi kusawu."Bwabunu, awusu, mfumu Yesu! ²¹ Mamboti ma mfumuYesu ma kala ku batu bakulu.Bwabunu.