¹ Bueyi si tu goga go Abalami, n'kaka eto u mona mu nzila n'suni? ² Kadi go Abalayami u nunga mu mavanga,nga ukala ye kiesi mu kuki sema, kansi ka gantuala Nzambi ku. ³ Kadi bueyi butedi masonukua? { Abalayami kuikidi mu Nzambi ye mana ma ntangidi bonsu lunungu.} ⁴ Butusidi,ku yani ta sala,mfutulu ka yi tangameni ku bonsu yina yi kuisanga mu n'lemvu, kansi yina bonsu kima kina. ⁵ Ye ku yani ka salanga ku, kansi n'kuikidi mu yani u nungisanga n'tantu Nzambi, muna kuani ye tangukidi bonsu lunungu. ⁶ Davidi u zayisa diaka nde lusakumunu mu muntu yuna Nzambi ka tangidi lunungu lu konda mavanga mu goga: ⁷ { Lusakumunu ku bawu mambi ma loloka ye ku bawu masumu mena ma finika. ⁸ Kasakumuna muntu wu mfunu ka ntangilanga sumu ku.} ⁹ Buna,lusakumunuluna,luna kaka lusila ku bawu ba zengua, go ku bawu diaka ba konda zenga? kadi tu zayisa: minu ki tangua ku Abalayami bonsu lunungu.} ¹⁰ Bueyi bu kadila muntangu Abalayami ka kala u zengua kani mu ntangu ka zengulueti ku? ka bu kadila mu nzengolo sutu ku, kansi bu kani ka ba zengeti ku sutu. ¹¹ Abalayami u tula ki dimbu ki nzengolo a sutu. dina,dikala kidimbu ki lunungu mu minu lu kakibakila mu ntangu bukani ka zengisa ku sutu. mvutu yi kidimbu kina yikala u mfunu ku se di bantu bakulu bana ba kuikilanga, kani ka bena ba zengua ku. didi disongidila nde lunungu si lu ba tanginina. ¹² Dina di songidila diaka nde Abalayami u kuma se di nzengolo a sutu ku bawu kaka bena ba zengolo kansi, bana ba diatanga diaka mu bi tambi bi se dieto Abalayami. dina diambu di minu di ka kala ye diawu mu konda zengisa sutu. ¹³ Kadi ka i mu nsiku ku yisila nsilulu ku Abalayami ye ku n'kunani, nsilulu yina si ba kuma mi n'yingidi mi nza. kansi, bukala mu lunungu mu minu. ¹⁴ Kadi go ba bena mu minu bena mi n'yingidi, minu kina ki mpamba ye nsilulu kayina diaka ku. ¹⁵ Kadi n'siku mi tukisanga nganzi,kansi gana ka gena n'siku ku, nsumuka ka yina ku. ¹⁶ Imu diambu dina, mana makuisanga mu minu mukusa nde bukadila mu n'lemvu. bonsu m'vutu, nsilulu si yi lunga ku nkuna wakulu. ye n'kuna wani si wukala ku bawu kaka ba zeyi n'siku,kansi diaka ku bawu ba kabasanga minu ki Abalayami. kadi wuna se di betu mu bakulu. ¹⁷ Bonsu bu sonama: { nsidi mu nge, se di makanda makulu.} Abalayami u kala ga n'tuala yuna kasila vuvu,Nzambi,wu kaganga lu zingu ku ba fua ye u bokilanga bima bina ka bikalanga ku bi kala. ¹⁸ Kadi go mambu ma kuisanga,Abalayami u kala ye lu kuikulu lu kangama mu Nzambi buna si mesa. mudina,kumisi se di makanda makulu,bonsu buna ka zayisa: { buna si bukala n'kunaku.} ¹⁹ kakala u zeza mu minu ku,Abalayami u bakisingi nde nituani kayikala ye kikesa ku mu buta bana( mu diambu u kala mvula zi zingi kitesu ki nkama mvu.) u zaya diaka nde kivumu ki Sala ka kilendi nata nkutu bana ku. ²⁰ Kansi mu diambu di nsilulu yi Nzambi,Abalayami ka geta lukuikulu ku,mukatula kivuvu. kansi u sikila mu minu ye u gana n'zitusu ku Nzambi. ²¹ Uzaya dio kibeni nde mambu Nzambi ma kasila, wuna diaka u mfuana mu kulungisa. ²² Idina,mana ma ntangukila diaka bonsu lunungu. ²⁴ Kansi mana kamasonama mu diambu di n'luta u yani kaka ku, nde mana makala ma tanga bonsu lunungu. ²³ Musonama diaka mu diambu di betu ba si tukala ba tangua,betu tu kuikilanga ku yani u futumuna Yesu Mfumu etu mu ba fua. ²⁵ Yani yuna u kangua mu kuma ki masumu metu, ye futumuka mu diambu di kuvedisa kuetu.