¹ Mu diambu tuna bankua lunungu muna lukuikilu, tuna ye ngemba ye Nzambi mu nzila y Mfumu eto Yesu-Klisto. ² Muna yani tuna diaka ye Luve mu nzila lu kuikilu ku nkenda, zo mu zawu tunina. Tu ta yangalala mu kivuvu ki katatugana Nzambi mu diambu di mbasi; kivuvu ki tu ta kabana muna nkembo gu Nzambi. ³ Mboti bulutidi tu ta yangalala diaka muna mpasi zeto. Tuzeyi nde mpasi zi butanga ku tatamana. ⁴ Ku tatamana ku butanga ku tambulula ye kutambulula, lukuikilu mu diambu di tangu yi kuisa. ⁵ Kina kivuvu ka kigananga nkenda ko mu diambu lutondo lu Nzambi luna luguluka muna ntima mieto mu nzila yi Mpeve a nlongo yi katugana. ⁶ Kadi mu ntangu tu kala ye kimolu Klisto gu gua mu ntangu yi fuana mu diambu di ba n'sumuki. ⁷ Kadi, muntu gu fua ye mpasi mu diambu di gu n'kua masonga. Disongila muntu lendele yunsa fioti mu kufua mu diambu di muntu gu ma mboti. ⁸ Kansi Nzambi gu monikisanga lutondo ku beto, mu dambu mu ntangu tu kala diaka ba vila, Klisto gu fua mu diambu di beto. ⁹ Ku mosi ye bungangi tunina, ye lunungu muna menga mani, si tu guluka ku yani mu ngansi zi Nzambi. ¹⁰ Kadi, go butu kala bo mbeni, tu kala mu n'guisana ku mosi ye Nzambi mu lufua lu muana ni gu yakala bue diaka ku nima nguisana, si tu kala ba guluka mu luzingu luani. ¹¹ Kayi buna kaka ko, kansi tu ta ki kembisa diaka muna Nzambi mu Mfumu eto Yesu-Klisto, muna nani tubaka bungangi yo nguisana. ¹² Yi dina, bukina nde disumu di kota mu nza mu nzila muntu mosi, yi buna lufua lukota mu nzila disumu. Ye lufua lumuangana ku bakulu mu diambu bakulu ba sumuka. ¹³ Kadi, tuka muna mi n'siku disumu di kala muna nza, kansi disumu kadi kondolo ndola ko go mu nkatu mi n'siku. ¹⁴ Go ka bua ku, lu fua luyala tuka Adamu ye kuna Mose, kani ku bagu ba ka basumuka ko muna ku kolama kuna ku Adamu, guna kifuanisa ki yani gu kani Wisa. ¹⁵ Kansi kani tuka gana, kabu di mpamba ka dina ko bonso disumu. kadi, go mu diisumu di muntu mosi ba mbidi ba fua, A bue bu fueti kala bu lutla nkenda z Nzambi ye kabu mu nkenda zii muntu mosi, Yesu-Klisto, u fuluka mu diambi di bantu ba mbidi. ¹⁶ Kadi kabu ka dina ko bonso muntu guna gu sumukini. Kadi ku lueka lu n'kaka, mfundusu yi ku zenga n'kanu yi yisa mu kikuma ki mambi ma muntu mosi, kansi ku lueka lu n'kaka kabu di mpamba di di butanga mpendoso lu monikanga ku nima mambi ma mbidi. ¹⁷ Kadi go mu di mbi di yu mosi, lufua lu yala mu yani mosi, A bue bu luta ba ba bakanga ku luluka ku nkenda ye kabu di masonga si ba yala mu luzingu lu muntu nosi, Yesu-Klisto. ¹⁸ I buna kansi, bonso mu nzila di mbi di mosi bakulu ba zengukila n'kanu, I bua buna mu diambu di kisalu ki mosi ki lunungu mu kuisila lunungu lu luzingu lu bantu bakulu. ¹⁹ Kadi, bonso mu ku kolama ku muntu mosi, bakulu bakuma ba mi n'sumuki, I bua buna mu n'lemfu bu muntu mosi, bambidi si ba kala ba n'kua lunungu. ²⁰ Kansi n'siku gu yisa mu kusa nde dimbi di fuluka. Kans gana ga fuluka disumu, nkenda zi fuluka diaka kuluta. ²¹ Mana mayisa mu ku sa nde bukina nde disumu di yala mu lufua, nde nkenda zi yala mu lunungu mu diambu di luzingu lu lembua n'suka, mu Yesu-Klisto Mfumu eto.