¹ Buna nki n'luta ku mu Yudayo? ye nki ndandu wuna muna nzengolu sutu? ² Mu mpila zakulu, wu neni kena.di nteti, mbonokono ki Nzambi yi ga nuka ku ba Yudayo. ³ Eh nki! go ba Yudayo ba n'kaka ka ba kuikila ku. ku konda ku lukuikulu luawu keti si kikitula ki kuikisi ki Nzambi? ⁴ Ka mena buna ku,dina Nzambi ka monika ma kedika kani go konsu muntu wuna nte luvunu. bonsu bu sonamana:{Mboti lu kala bamonika ba lunungu mu na n'gogo mienu ye mboti lu nunga mu ntangu si luisa ku nzengo.} ⁵ Kansi go kondua ku lunungu kuetu ku monekesi lunungu lu Nzambi, bue tulendi goga? Nzambi keti kondolu lunungu mu ntangu ka songilanga ngansi zani, keti wuna bune? ngogedi mu ngoga yi bantu. ⁶ I kabuna ku,buna bueyi Nzambi si ka fundisa nza? ⁷ Kansi go kedika ki Nzambi,mu nzila lugunu lumunu lunatini nkembo wu wingi, mu diambu di nki ngita fundisa bonsu kua masumu? ⁸ Mudiambu di nki katu gogi ku bonsu bata ku tutesila mu kutu gogila mambi ye bonsu bantu ba n'kaka ba samunanga go betu tuyisanga nde:{ tusala mbi yibetu, mpasi ma kituka ma mboti?} nzengu yi ba bazingidi yi kedika. ⁹ Buna nki? tu lendi ku ki n'lemvukila? kabuna ku. mudiambu, tu teka kala funda mu ki mvuka ba Yudayo ye bisi Elene go ba kala ku nzi masumu. ¹⁰ Bonsu bu sonama:{ ka kunina n'kua lunungu ku kani umosi.} ¹¹ Ka kuna muntu ku yu ta zaya. ka kuna muntu uta sosa Nzambi. ¹² Bakulu bateka nima, bakulu ba konda n'funu. ka kuna muntu ku uta sala ma mboti, kena ku, ka muntu mosi ku. ¹³ Malaka mawu mena ntoni zi zibuka. tudimi tuawu lu n'ta luvunu. mate ma nioka mena kuna nsi tudimi tuawu. ¹⁴ Nua miawu mizola ku tu singu ye miangala. ¹⁵ Malu mawu ma kuendanga n'sualu mu tiamuna menga. ¹⁶ Mfuilu ye mambu ma mbi mena muna nzila zawu. ¹⁷ Ka ba zaya nzila yi yenge ku. ¹⁸ Nkenda zi Nzambi kun'tuala mesu mawu ka zina ku. ¹⁹ Butusidi, tu zeyi go kani bu tedi n'siku, u ta zayisa ku bawu bena ku nsi n'siku. ma mena mpasi mu minua miakulu mi kangama ye mukusande nsi yakulu yi kala mvuka ga mesu ma Nzambi. ²⁰ Mana mudiambu ka n'suni mosiko si wu nunga mu mavanga n'siku mu mesu mani. kadi i mu n'siku mu kuisanga nzayilu yi masumu. ²¹ Kansi butusidi, kani n'siku nkatu, lunungu lu Nzambi lu ta kisonga. lu tala kimbangi mu n'siku ye ku ba ntumua. ²² I lunungu lu Nzambi mu nzila minu mu Yesu Klisto mu bakulu ba si ba kuikila. kadi kadi ka kuna di suasani ku. ²³ Kadi bakulu ba sumuka ye ba kondua nkembo wu Nzambi. ²⁴ Ba banungisi mu mpamba mu n'lemvuani mu nzila yi nkudulu yina mu Klisto Yesu. ²⁵ I diawu Nzambi utala Yesu Klisto bonsu mbakulu yi minu mu menga mani. gu gana Klisto bonsu ki dimbu ki lunungu kadi i mudiambu mvuesolo ani yi masumu maluta muna mvibudulu ani. ²⁶ Mana makulu mayisa muna ntangu yina mu diambu di ku toma songila lunungu luani. mana mayisa buna mpasi ka lenda ku kisonga wu lunungu,ye musonga nde u nungisa yonsu yonsu mu diambu di minu kuani mu Yesu. ²⁷ Kueyi bonsu bobo kuna diambu di ku ki sema? ka dina ku. mu nki lukuikulu? luna lu mavanga? n'kanu, kansi yi mu lukuikilu lu minu. ²⁸ Tu fokuedi buna nde muntu wuna lunungu mu minu kansi ka mu mavanga ma n'siku ku. ²⁹ Evo Nzambi,wuna kaka Nzambi u ba Yudayu? kenina ku u ba mimpani ku? inga, u ba mimpani diaka. ³⁰ Mu dina Nzambi wuna u mosi, si ka nungisa ba zengi ma sutu mu minu ye ba kondolu zenga ma sutu mu nzila minu. ³¹ Buna keti tu fueni katula n'siku mu diambu di minu? ka malendi kadila buna ku,kansi tu tambuluedi n'siku.