¹ I diawu,ka bana ku n'lemfukila ku, muntu, ngeyi u zengilanga ba n'kaka nkanu,bu usalanga mana,uta ki zengila nge kibeni n'kanuaku'kadi nge u zenganga n'kanu, u tasala diaka mambu mana. ² Kansi tu zeyi go nzengulu yi Nzambi ye mina buna, muna nkala yi makedika mu bedisa ku bawu ba sadilanga muna nsadulu zina. ³ Kansi mu diambu dina,uta zenga n'kanu mi bawu basalanga mambu ma mpila yina buna ye nge mosi u ta sala ma mambu. yinduleti keti si u vuka ku nzengu yi Nzambi? ⁴ Ngatu u ta vueza ki mvuama kiani ki ma mawete,kitumbu kiani kikuisa ye mvibudulu ani,kondua ku zaya nde mawete mani ma kutuasanga ku luwuluku. ⁵ Kansi,i mu diambu di ntima ngoluaku ye ntima ku wu kangama u ta kubikila ngan'si zi kilumbu ki ngan'si ki Nzambi. disongidila nde,kilumbu ki sa kitengula nzengu yi lunungu yi Nzambi. ⁶ Yandi si ka senda ku bantu bonsu bunina mavanga mawu. ⁷ Ku bawu ba tatameni sala ma mboti baa sosa nkembo,n'zitusu ye (luzingu ka lufua ku),si ka ga luzingu lu mvu ya mvu. ⁸ Kadi ku bena buimi ye ku bawu ka ba tumamanga mu kedika ku,bana ba sadilanga mu kondua ku lunungu,mu ngansi,mu mbinza mbundu. ⁹ Nzambi si ka fidisa zi mpasi ye zi mpasi zi ngolu ku konso muela si usadila ma mbi,nteti nteti ku ba Yudayo ye landila ku besi Eleni. ¹⁰ Kansi bika lu vuvamu,n'zitusu ye nkembo wu kala ku yandi gu salanga ma mboti,nteti nteti ku ba Yudayo, ye diaka ku besi Eleni. ¹¹ Kadi Nzambi ka talanga luse lu muntu ku. ¹² Buna diaka, bana si ba nata masumu mu kondua n'siku si ba fua mu kondua n'siku ye bana si ba nata masumu bena si ba fua miawu. ¹³ Idiawu,ka ku bawu bawanga mi n'sikuku bena basolakana ku Nzambi,kansi ku bawu ba tula miawu mu bisalu si ba nungusua. ¹⁴ Kadi go ba mimpani ba keba wa n'siku, ba ta landa buna bu mfueni bonsu mambu ma n'siku, bena n'siku mu diambu di ba bamosi,kani go buna ka bena ye n'siku ku. ¹⁵ Mumana,ba songilanga nde nsadulu yi bisalu bi mfumu mu mi n'siku mi sonama muna mi ntima miawu. mi ntima miawu diaka mi ba telanga ki mbangi, ye ma banza ma bawu kibeni ntangu zi n'kaka ma ba fundisaka,n'tangu zi n'kaka ma ku ba nungisanga. mu ba ba mosi kibeni. ¹⁶ Ye diaka ku Nzambi.mana si mamonika kilumbu kina Nzambi si ka zenga nzengo ma suekama ma bantu mu nzila n'samu gu mboti wu mu nzila Yesu Klisto. ¹⁷ Mumbandu mu Yudayo wuna,u tatamana mu n'siku, u yangalalanga ngolu ku Nzambi. ¹⁸ Mu zaya luzolu luani,ye lendanga suasisa mambu ye ma n'kaka, u lungisi nkala n'siku. ¹⁹ Ye mu mbandu tomeni zaya nge mosi kibeni nde wuna n'tuadisi wu ba mpovi, kia ku bawu benina mu mpimpa. ²⁰ Nlongi u ba mazengi, nlongi bana,ye mvuidi muna n'siku mpila nzayilu ye yi makedika. ²¹ Buna ngeyi,u longanga ba n'kaka, mu diambu di nki ku ki nlongilanga ku nge mosi? nge u nlonganga ku ba n'kaka ka ba yibi ku, nge ku yiba kue? ²² Nge u longanga ku ba n'kaka ka ba te bizumba ku,ku salanga bio kue? nge ku salanga salu ki biteki ku, ku yiba ku mu nzo Nzambi? ²³ Nge u yangalalanga ye ntoku mu mi n'siku, ku vuezanga Nzambi ku mu sumuna n'siku mina? ²⁴ Kadi nkumbu Nzambi yi vuezuka ku ba mi mpani mu diambu di mpevi,ku mosi bonsu bu sonamana. ²⁵ Nzengolu yi sutu mu yawu yina yi mboti ku ngeyi go tumameni ku n'siku,kansi, go ka ngameni ku n'siku, nzengolu aku yi sutu yi kumini bonsu kuna u zengua ko. ²⁶ Go muntu yu bazenga sutu ku tumameni ku n'siku, ku kondua ku zenga ku sutu kuani ka ku fuaneni ye nzengolu yi sutu kue? ²⁷ Ye yani wuna ba zengisa sutu ka lendi ku n'sambisa ku go ku lungisi n'siku kue? i diawu dina luvuidi masonukua ye nzengolo,a sutu, kansi luna bansumuni ba n'siku. ²⁸ I diawu,mu Yudayo u kedika kenina kue kaka kunzila kue, kani nzengolo sutu yina yinina kaka nzila mu nitu. ²⁹ kansi Yuna wuna Yudayo yandi wunina kiawu muna kati ye nzengolu sutu yina muna ntima,muna mpevi kansi ka muna n'kanda ku. nzitusu yi muntu mpila yina ku ka yi kuisanga ku muntu ku,kansi ku Nzambi.