¹ Nzambi mu nlemvu yani wutugana kisalu kiki, idina betu ka tubebanga ku. ² Betu tulosa maganga mansueki ye mansoni;ka tusadilanga bungubi ku ye betu ka tugoganga mambu mankaka ku ga fulu ki masonukua ma Nzambi. kansi betu tugoganga kedika kiakulu gantadisi yi Nzambi. butuganganga buawu, bantu bakulu mu mintima miawu bawu batumonanga bamboti. ³ Go nsamu wumboti wutusamunanga wukinu wufukua, buna wawu wuna wufukua bawu bazimbalanga. ⁴ Bawu ka bakuikilanga ku mudiambu di Nzambi wimbi yi nza yiyi wutula tombi mu mintima mibawu. buna bawu ka balendi mona ntemu wukalanga ku bawu ku. ntemu wowo yi wawu wumuangusa ku nsamu wumboti wutadidi nkembu wu Klisto, yani wuna kifuani ki Nzambi. ⁵ Kadi betu ka tukukisamuninanga ku butulonganga kansi betu tusamunanga Yesu Klisto wuna Mfumu. ye betu kibeni tuna bonsu bisadi bina mudiambu di Yesu. ⁶ Nzambi yuna wutela nde: iyani kuani mpi wusa nde kia kuyani kukala mu mintima mibetu, mukugana mpisulu yi nkembu wu Nzambi wukalanga ga luse lu Klisto. ⁷ Kansi betu tuna ye kimvuama kiokio kimpevi tuna bonsu binzu ye mimvungu bibudikanga, mpasi nde bantu batoma mona nde lulendu lolo lungitukulu luvuidi ku Nzambi kansi ka kubenu ku. ⁸ Betu tukuamusuanga mu mpasi zimpila mu mpila kansi kaba tubedisanga ku; tumonanga keti keti kansi vuvu kakisukanga ku; ⁹ Bantu bakutulandanga kansi Nzambi kakutuyambulanga ku; tubuanga ga ntotu kansi ka batugondanga ku. ¹⁰ Ntangu zakulu betu tunatanga lufua lu Yesu mu nitu zibetu, mpasi nde moyu wu Yesu mpi wumonika mu nitu zibetu. ¹¹ Kadi mu zingu kibetu, betu tuna ntangu zakulu bantu bayekulua mu gondua mudiambu di Yesu, mpasi nde moyu yani wumonika mu nitu zibetu zifuanga. ¹² Ibonsu bobo, lufua lusalanga mu betu, kansi ku benu moyu wusalanga. ¹³ Masonukua ma Nzambi magoganga: munu yikuikila idina wugogila: betu mpi mu Mpevi yoyo yimosi yi minu, tukuikilanga idiawu tugogilanga. ¹⁴ Kadi betu tuzeyi nde Nzambi wufulukisa MfumuYesu mu bafua, yani wuna kutufulukisa mpi mu bafua bonsu bu kafulukisa Yesu.ye Nzambi wuna kutunata betu yebenu gantadisi yi Yesu. ¹⁵ Mana makulu mena mudiambu di ntomosu benu. mudina nde nlemvu wu Nzambi wutambulua ku bantu bambidi, buna tusambulu tu mvutudulu yi matondu situluta kala tumbidi mudiambu di nkembu wu Nzambi. ¹⁶ Idiawu betu ka tubebanga ku. kani go nkutu nitu betu yi kimuntu yifuanga mu malembi malembi kansi nitu betu yi kimpevi yikitukanga yimona lumbu ka lumbu. tukanga yimona lumbu ka lumbu. ¹⁷ Kadi fimpasi fi ntangu tangu fitumonanga. fitukubikilanga nkembu wulutidi mu neni ye kondolu nsuka. ¹⁸ Kadi betu ka tutulanga mayindu metu mubima bimonikanga ku kansi mu biobio bilembua monikanga.biobio bimonikanga ka bizingilanga ntangu yinda ku, kansi bilembua monikanga biawu bina ntangu zakulu.