¹ Tuyantika mu kukitonda diaka bu mpa? Ka tuna ko ye mfunu kimbangi ga mbela kinzungidila kieno e go mu yeno ndambu, bonso bankaka, kua bua koe? ² Beno, luena nkanda'eto u kimbangi, u sonama ga ntandu mintima mieno, mizayakana ye mitanguka ku bantu bakulu. ³ Ye lueti songa go luna nkanda u Klisto, tu lugana. U sonoma ko mu masa ma kinzala kansi mu Mpefi ya Nzambi moyo. Ka u sonama ko ga ntandu dibaya di nsesebele matadi, kansi ga ntandu dibaya di nsesebele ntima mi bantu. ⁴ Ye lumona nsikalalu yo tuvuidi mu Nzambi lutila mu Klisto. ⁵ Katuena ko banunga beto kibeni mu kunuanina kani kima bonso kitukidi ku beno. Nduanunu'eto kutukidi ku Nzambi. ⁶ Yani Nzambi yo u tufuanisa mu kala minanga mi luwawanu lu mpa. Lulo luna luwawanu ka lutukidi mu nkanda kansi mu Mpefi; kadi nkanda u gondanga, kansi Mpefi u gananga moyo. ⁷ Bungangi, salu ki butanga lufua lu manukua mu minkanda ga ntandu matadi kikuisanga mu bonso nkembo nde nkangu Isaeli ka balenda tala mu nsungamanu luse lu Mose ko. Momo mu kuma ki kembo ki zizi kiani, nkembo u kala kiluti nzila. ⁸ Kisalu ki kimpefi ka u lendi kala di sikua beni ko? ⁹ Go kisalu ki nzengolo nkanu u na nkembo, bue lutila diodi gulusu a bantu mu Nzambi difueti kala! ¹⁰ Mu mpangulu, mo ma kala nkumbu mosi ma nkembo ka mena diaka nkembo ko, mu kuma kia nkembo go u lutila. ¹¹ Kadi go kiki kikala kiluti nzila ki vua nkembo bueyi buluta si bukala nkambo u kioki kina tatamana ntangu zazo! ¹² Mu mvuilu minu kimosi ki mpila, tuna kibeni bankua bunkabu. ¹³ Ka tunako bonso Mose, u tula yunga ga ntadisi'ani, mpasi nde nkangu Isaleli ka bakadi ko bafuana mu tala kizuku-zu-ntuka nkembo una kiluti Nzila. ¹⁴ Kansi mayindu mau makala ma kangama. Kani nate ye kio kilumbu, yo mbumbuluka yimosi yeti zinga mu ntangulu luwawanu lu nkulu. Ka yikizibula ko kadi mu mosi kaka Klisto i vempukilanga. ¹⁵ Kansi, kani wunu, konso nkumbu ba tanganga Mose, kia kumosi ku zibulanga ntima miau. ¹⁶ Kansi go muntu mosi gu kibaluedi mu Mfumu, nlele u katukidi. ¹⁷ Mfumu una Mpefi, kuna ku kuena Mpefi Mfumu, kuna kuena kimpuanza. ¹⁸ Bakulu, ye bifu bia zibuka, tutala nkembo u Mfumu, tuna ba sobua mu kifuani kiani mu nkembo diodi ntemo u ta tombuka ye tombuka. I diodi kisalu kitukidi ku Mfumu yu una Mpefi.