¹ Mu ntangu Yesu ka kulumuka ku mongo, ndonga bantu yineni yi nlanda. ² Tala muntu nkua buasi wu yisa fukama ga ntuala yani ye wu ntela : "Mfumu, go ngeyi zoledi, lendi kuaku ku mvedisa." ³ Yesu wu lambudi koku kuani ye wu nsmba wu goga : " Monu nzoledi, bika wu vedila." Muna ntangu yina kaka, yani wu beluka mu buasi buani. ⁴ Yesu wu nteledi : " Wu kikeba mu kuta ku konso muntu. Nda wenda ye wu kisonga ku ngudi nganga ye gana kayilu Moyisi ka sikidisa mpasi wu kala kimbangi ku bawu." ⁵ Mu ntangu Yesu ka kota ku Kapenayumi, mbuta binuanu wu yisa ku yani. ⁶ Yani wu bombidila Yesu wu ntela : " Mfumu, kisadi kiamu kiledi kuna nzo yani bakameni ku maladi ma koka ye ta toma mona mpasi zi mbidi." ⁷ Yesu wu nteledi : " Monu si kisa kuna kuena ngeyi ye si ti belusa." ⁸ Kansi mbuta binuani wu geni mvutu : " Mfumu, ngiena wu fuana ku u sa nde ngeye wu kota nu nzo amum kansi goga kaka gogu mosi ye kisadi kiamu si ka beluka." ⁹ Kadi monu diaka ngiena bunsu lulendu lu muntu, ye ngiena ye binuani bi yitumanga. Monu yi tanga ku yu "Nda wenda", ye yani wedi; ye ku yu wu nkaka " Nza wiza" , ye yani wisidi. Ye ku bisadi biamu " sala kisaki ki" ye yani wu salanga kio." ¹⁰ Kunima bukawa, Yesu wu yituka ye wuta ba bakesi ku nlandanga :" Monu yi luteledi mukiedika, ki muenieti untu wena ye minu kimpila yo yuku mu Yelusalemi." ¹¹ Monu yiteledi, bambidi si ba tuka ku Esiti ye ku Wesiti ye bawu si ba vonda ga mesa ye Abalayamu, Izaki ye Yakobi mu kimfumu ki mazulu. ¹² Kansi bana ba bimfumu si bagetua ku nzila mu mpimpa, kuna si kukala bidilu ye nkuetusu menu." ¹³ Yesu wu ta ku mbuta binuani : " Nda wenda! bu kiena nde ngeyi kuikidi, bika ma kusadimana bonsu buna." Ye kisadi dibeluka muna ntangu yina. ¹⁴ Mu ntangu Yesu kakuma mu nzo Petelu, yani wu mona nzitu Petelu wu mbefu wu leka ye mpasi zi yuku yuku. ¹⁵ Yesu wu nsimba mu koku ye kimbefu kisuka. Buna, yani wutelama ye wu yantika ku nsadila. ¹⁶ Mu ntangu nkokila yi bua, bantu banata ku Yesu bantu bambidi bakesi kuamusuanga ku matebu, ye mu gogu mosi kaka, yani wu kula mpefi zi mbi, ye belusa bakulu bakala ye bimbefu. ¹⁷ Mu dina, ma goga mbikudi Ezayi malungana: " Yani wubaka yani mosi bi mbefu bi betu ye wu kituika yani mosi bifu bieto." ¹⁸ Mu ntango Yesu ka mona ndonga bantu yi nzungidila, yani wu gana wu tuma ba sabuka kuna simu dinkaka di mbu Ngalili. ¹⁹ Kunima nsoniki mosi wu yisa ku yani ye wu goga : " Nlongi, monu si yiku landa konsu kuna si wenda." ²⁰ Yesu wu gana mvutu : " Ba mfuengi ba vuidi luka ye nuni zi zulu zena ye mazala, kansi Muana muntu kena kutu ye fulu ka lendi sila ntu ku." ²¹ Yu mosi mu balongoki wu nteledi : " Mfumu, wu ngana nzila nteti ngie zika tata." ²² Kansi Yesu wu nteledi : " Wu ndanda ye yambula ba fua ba zikasana ye bafua." ²³ Mu ntangu Yesu ka manta mu masuwa, ba longoki bani ba nlanda. ²⁴ Tala, mupepi ngolu wu telema mu mbu , masuwa ma fikama ku mupepi, kansi Yesu wu kala ku tulo. ²⁵ Minlongoki bayisa kue yani ye bamvumbula ye ba ta : " Wu tuvulusa, Mfumu betu tukumini lukufi mu ku fua!" ²⁶ Yesu wu batela : " Mu nki diambu luenina ye kititu, bantu ba minu ki nduelu ?" kunima, Yani wu telema ye goga ku mupepi ye ku mbu, ye ku kala kutoma lembama. ²⁷ Bantu bakala ye Ngitukulu ye ba goga : " Nki pila muntu yoyu, mu sa nde kani mupepe ye mbu biwila?" ²⁸ Mu ntangu Yesu kakuma kuna simu di nkaka ku nsi yi besi Ngadala, bantu bodi bakesi tuadusuanga ku matebu bayisa buabuana ye yani. Bawu ba tuka ku maziami ye kala ye ngansi zimbidi, mudina ka muntu ku wukesi lutilanga kuna. ²⁹ Tala bawu bayantika mu ku kaya ye goga : " Nki mambu mena betu ye ngeye, Muana Nzambi? Keti ngeyi wu yisidi kuku mpasi wutu kuamisa tekila ntangu yi basila?" ³⁰ Yana gakala, ki buka ki bangulu kineni bakesi dianga. ³¹ Matebu ka bayambula bombidila Yesu ku mu kugoga : " Go ngeyi zoledi kutudikita, wu tufila muna kibuka ki bangulu." ³² Yesu wu ba teledi : " Luenda". Matebu ma tuka ye ma kota mi bangulu; ye tala, kibuka ki bangulu kiakulu ki yenda mu sualu zi balumuka mu nteba na te ye kuna mbu ye zi fua mu masa. ³³ Bantu ba bakesi talanga ngulu ba lemuka, bayanda kuna mbansa ye ba ta makulu, bawu batoma zayisa ma maluakila ku bawu bakesi tuadusuanga ku matebu. ³⁴ Tala, bakulu bakesi vondanga kuna mbansa batuka mu ku monana ye Yesu. Mu ntangu bawu bamona Yesu, bawu ba mbombidila ka batuka ku nsi awu.