¹ " Ka lufundisa ku ye benu mpi ka si lufungusu ku. ² Kadi benu si ba ku lufundisa mu mpila fundisa ku lu ta fundisa benu; ye bonsu buena kitesu ki luta sadila mu kutesa, ntesulu yoyu si yi kala diaka u diambu di benu. ³ Ye mu nki diambu ta tadila fi sinda fiena mu disu di mpangi aku, kansi kuta zayaku mfumfu yena mu disu diaka? ⁴ Bue lendi tela ku mpangi aku : " Bika yi kukatula sinda diana mu disu diaku, " nkolu ngeyi mosi wena mfumfu mu disu diaka? ⁵ Nkua disu ku nsi lukaya! Katula nteti mfumfu yena mu disu diaku ye bosi si wu toma mona bumboti mu kukatula sinda diena mu disu di mpangi aku. ⁶ Ka lugana bima bi nlongu ku ba mbua ku ye ka kugeta bongu zenu ga ntuala ba ngulu ku; ga nkatu, bawu balendi diata zo, kunuma si ba baluka ye kulupaka mu ndambu. ⁷ Lu lomba si ka lu gana; lusosa, ye benu si lusolula; lukonkotila, ye si ba luzibudila. ⁸ Kadi yonsu wu lombanga wu bakanga; ye yonsu wu sosanga wu monanga; ye ku muntu yu wu konkutilanga, ba kuzibudilanga. ⁹ Keti gena ga kati kibenu muntu yu wena, go muana ani wu nlombedi ndambu dimpa, wu geni tadi? ¹⁰ Kani wu nlobedi mbisi masa, yani si ka gana nioka? ¹¹ Buna kani buna luena ba mbi benu, luzeyi gana bima bimboti ku bana benu, mbueyi si bu kadila Mfumu weneni ku se dienu di mazulu ka lembu ku lu gana bima bi mboti ku bawu beti kumlomba bio? ¹² Mu dina, biakulu bina luzoledi nde bantu ba lusadila, benu diaka lubasadila bio; kadi gowu yi nsiku ye mimbikudi. ¹³ Lukota mu muelu wu fiatama, kadi wu wuneni yi muelu wu mboti ye wu bangua ngangu ye nzila yi tualanga ku mbungulu, ye gena bantu ba mbidi ba lutilanga muna. ¹⁴ Kadi nzila yi fietama yi muelu wu natanga ku luzingu ye bantu banduelu kaka ba monanga yo. ¹⁵ Lu kikeba mu mbikudi mi luvunu ba kuisanga kuena benu ye mvuatu mi ma memi, kansi mu kiedika bawu yi bambulu ba kuisanga ku benu ye nsatu. ¹⁶ Benu si lu ba zaya mu mbutu miawu. Keti lendi gela bundu di vinu mu nsinga minsedi kani bundu di bugu mu nsolobotu? ¹⁷ Yi buna diaka, mbonsi nti wu mboti wu fueti buta mbutu mi mboti, kansi ka nti mbi wu lendi buta mbutu mboti ku. ¹⁸ Nti wuna wu mboti ka wu lendi buta mbutu mi mbi ku, kani nti mbi ka wu lendi buta mbutu mi mbi ku. ¹⁹ Konsu nti ka wu butanga mbutu mimboti ku wu fueti zengua ye tubua ku tiya. ²⁰ Yi buna, benu si lu bazaya mu mbutu miawu. ²¹ Ka bakulu ku batanga : " Mfumu, Mfumu," si bakota mu kimfumu ki mazulu, kansi kaka bana basanlanga luzolu se diamu wena mu ma zulu. ²² Bantu bambidi si batela muna lumbu kina : " Mfumu, Mfumu", Keti betu katu bikula mu nkumbu aku ku, kula matebu mu nkubu aku ku, ganga mabu mambidi mangitukulu mu nkumbu aku ku ? ²³ Buna monu si yi toma ku batela : Mono kiluzeyi nkutu ku! Lu katuka ga gena monu, benu lusalanga mambi. ²⁴ Yi dina, yonsu widi mambu mamu ye sadidi mo, si kakala bonsu muntu nduenga wu tunga nzo ani ga ntandu matadi. ²⁵ Mvula yi bua, kuteba ye masa kuabula ye mupupi wu luta gana nzo yina; kansi ya wu ka yi bua ku, kadi yawu yi tungama ga na ntandu matadi. ²⁶ Kansi konso muntu wu wanga mambu mamu ye kasadidi mo ku si kakala bonsu muntu mbi wu tunga nzo ani gana zielu. ²⁷ Mvula bu yibua, masa mateba kua kulu, mupepi wu yisa ye nzo yi bua ye yakalu yi fua." ²⁸ Bukikala Yesu bukamanisa ta mambu mama ndonga bantu yitoma yangalala mu ndongolu ani, ²⁹ kadi yani wu balonga bonsu muntu wena ye lulendu kansi kabonsu ba nsoniki ku.