¹ Yesu wu kota mu masuwa, wu yenda kuna sima di nkaka, ye wu wu kuma kuna mbansa yi yani mosi. ² Tala, bawu ba natina muntu wukala koka, wu leka gana kiandu. Bu kamona inu luawu, Yesu wu goga ku muntu wu kala koka : " Muana amu, Kala ye Kikesa; masumu maku baku lemfueledimo." ³ Ndambu yi minsoniki ga goga mu ntima miawu : " Yo muntu ku luedi nsiku." ⁴ Yesu bukazaya ngindu zawu tedi :" Mu nki diambu luenina ye ngindu zi mbi mu ntima mienu?" ⁵ Nki kienina kilemfu mu goga : " Ba kulefokedi masumu maku" kani mu ku goga : " Telema kuaku ye diata." ⁶ Kansi, mu sa nde benu luzaya nde Muana muntu wena ye lendu ga ntotu mu ku lemfukila masumu, ..." Yani wu samuna ku koka : " Telema kuaku, buka biandu biaku, ye nda wenda kuna nzo." ⁷ Ku nima muntu wu telama ye wu yenda kuna nzo ani. ⁸ Mu ntangu ndonga bantu ba mona mambu mana, ba kala ye kititu ye ba kembidila Nzambi yu wu gana lendu kimpila yoyu ku bantu. ⁹ Yesu bu kaluta gana wu mona muntu mosi ba bokidilanga Matayi, yani wu kala wu vuanda mu nzo ba mfutisi mpaku, yani wu ntela : " Wu ndanda." Yani wu telema ye wu nlanda. ¹⁰ Yesu buka vuanda mu nzo mu ku dia, tala, mi mfutisi mi mpaku mimbidi ye bantu ba nkala zi mbi bayisa dia ye yani ye milonguki miani. ¹¹ Mu ntangu ba falisi bamona buna, ba zayisa ku balongoki bani : " Mu diambu di nki Mfumu enu kadila ye mimfutisi mpaku ye bantu ba nkala zi mbi?" ¹² Mu ntangu Yesu kawa buna, wu ta : " Bantu ba bena ye mavimpi mamboti ka bakalanga ye mfunu dokotolo ku, kaka bawu bena ye bimbefu. ¹³ Luenda ye lu longila mambu ma : " Monu nzoledi nkenda kansi ka mikayulu ku" kadi mono ngisidi ka muku bokila ba lunungu ku ba viluka, kansi ba nkua masumu." ¹⁴ Kunima milonguki mi Yowanabayisa kuyani ye bagoga : " Mu diambu di nki, betu ku mosi ye bafalisi tu minanga nsoki, kansi milongoki miaku ka basadilanga mo ku?" ¹⁵ Yesu wu batela : " Bantu babokilanga ku nlongu balendi kala ye kiadi go yu kueledi wena ntangu zakulu ye bawu? Kansi bilumbu bu si bisa ye nkuedi si bankatula buna, bawu si bamina nsoki. ¹⁶ Ka muntu ku wu tulanga kitemba kilendi wu mpa mu mvuatu nkulu, kadi nledi mpa si wu benda mvuatu, ye si wu toma basuka kibeni bu mbidi. ¹⁷ Ka batulanga malafu ma mpa mu malafu mamkulu ku, go lusidi mawu, ma mpa si ma kuba, malafu si ma sangana ye mankaka si mabeba. Kansi batulanga malafu ma mpa mumakaka mena nzensu, ye ma modisi matoma lundama." ¹⁸ Mu ntangu Yesu kakesi ku batelanga mambu mana, tala, mfumu wu yisa kue yani ye wa sambila ga ntuala yani. Yani wu ta : " Muana amu wu nkentu fuidi kansi, za wisa ye tula koku kuaku mu nitu ani, yeyani si ka zinga." ¹⁹ Yesu wu telema ye wu nlanda ye balongoki bani. ²⁰ Ye tala, muana nkentu mosi wukesi belanga kibeni bi mbefu kikusuka menga tuka mvula kumi ye zodi, wu yisa kunima Yesu ye wu simba nsongi ki nkutu; ²¹ kadi yani wu kesi kitelanga : " Go kaka monu nsimbidi binkutu biani, si yi beluka." ²² Buna, Yesu wu baluka ku kukala muana nkentu ye wu nteledi : " Muamu wu nkentu, kala ye kikesa. Minu kiaku kikubeluesi." Muana nketu wubeluka muna ntangu yina. ²³ Ntangu Yesu kakuma muna nzo mfumu, yani wumona bisiki matutu ye ndonga bantu yi mbidi ba kesi sanga mazu ma mbidi; ²⁴ yani tedi : " Luenda kuenu benu kadi muana nkentu kena wu fua ku, kansi yani ledi tolu." Kansi bawu baseya Yesu. ²⁵ Mu mtangu batukisa ndonga bantu ku nzila, yani wu kota ku suku ye wu baka muana nkentu mu koku; ye muana nkentu wu telama. ²⁶ Ba muangasa nsangu zina mu nsi yakulu. ²⁷ Mu ntangu Yesu ka katuka kuna, bantu bodi ba fua mesu ba nlanda. Bawu ba yambula mu ku kayaku mu kuta : " fuila betu nkenda, Muana Davidi!" ²⁸ Ntangu Yesu kakumo muna nzo, bantu bafua mesu ba finama kue yani. Yesu wu bayufula : " Keti benu lukuikidi ku nde monu ndendi sala ana?" Bawu ba vutuls ku yani : "Yinga Mfumu." ²⁹ Buna Yesu wu simba mesu awu ye wuta : "Bika bugangama bonsi buena minu kienu." ³⁰ Ye mesu mawu mazibuka. Kunima wutoma ku ba kanikina ye wuta : " Ka muntu nkutu ku lendi za ya mambu momu." ³¹ Kansi bantu bobuba bodi bayenda ye ba muangasa nsamu gogu mu nsi ya kulu. ³² Kumina bantu bobuba bodi bu bayenda, tala, banata bu Yesu muana yabal wu bala ye wukala ye tebu. ³³ Ntangu bakula tebu, baba wuyantika mu kugoga. Ndonga bantu ya yituka ye ta : " Mou kama teka monika ku nteti mu Yelusalemi. ³⁴ Kansi ba Falisi ba goga : " Yi mu mfuu zi matebu, ka ta kudila matebu. " ³⁵ Yesu wulengana lengana mbansa gakulu ye magata. Yani utatamana muku longa munzo zitukutakanu, kumuangisa nsangu zi ki mfumu kubendusa maladi makulu mampila mu mpila bu koku buakulu. ³⁶ Buka mona ndonga bantu, yani umona kiadi midiambu di bawu kadi bawu bakala ba kuamusu ye kondu kukikesa. Bakala bonso ma memi makondolu mvungi. ³⁷ Yani wu ta kuba longoki bani: " sodi diena di neni kansi bisadi biena binduelu. ³⁸ Yi dina, lulomba ku mfumu sodi, mpasi bafila bisadi mu sodi diani."