¹ Bubu, mudiambu di madia bayokanga ku biteki; betu tuzeyi nde" betu kulu tuena yi ngindu", ngindu zi kutu wunanga, kansi zola ku tunganga. ² Go muntu yinduedi nde yani zeyi bima, muntu yuna kazeyiku bonsu bu ka tazodila kazaya. ³ Kansi go untu wuzolanga Nzambi, muntu yuna zayakeni kua yani. ⁴ Mudina, mu mambu ma kudia madia mayokulua kua biteki, betu tuzeyi nde " mu nza yiyi, kiteki ka kia ku" ye" Nzambi yi osi kaka yena". ⁵ Kadi kani ngatu bi nzambi nzambi biena, kani ku zulu kani ga ntotu, bonsu buenina"bi nzambi nzambi" ye " zi mfumu". ⁶ Kansi mudiambu di betu, " Nzambi yi mosi kaka yena, Se, kuyani kutukanga bima biakulu, ye mudiambu di yani betu tuzinganga, ye Mfumu mosi, Yesu Klistu, mu yani bima biakulu biena, ye mu mudiambu di yani, betu tuenina." ⁷ Mudina, mabansa mana kamena ku bakulu ku. Kansi, ba nkaka basadilanga mfukamunu yi biteki, ye badianga madia mana bonsu biawi biena bima bia nkayilu wu kiteki. Mabansa mawu mena mambi mudiambu kamena ngolu ku. ⁸ Kansi madia ka malendi ku tunata kua Nzambi ku. Betu katuena bafuanaku go ka tudidi mo ku, kani ba lutila go tudidi mo. ⁹ Kansi lu kikeba mpasi nde kimpuansa kienu ka kikuma ki kadudulu ki mbuilu ku ku yuna kondolu ngolu mu lukuikulu. ¹⁰ Kadi tuyindula bonsu muntu wena ye ngindu wu lumueni ta dia madia mu kinlongu ki biteki. Ngindu zani zi kondolu ngolu, ka si zingana ku kikesa mu kudia bina ba tayoka nkayilu ku biteki. ¹¹ Mudina, mudiambu di nzayilu enu, mudiambu di nkadulu yi kiedika yi biteki, mpangi kondolu ngolu, mudiambu di yani Klistu kafuila, si ka bungua. ¹² Mudina mu ntangu ta nata masumu ku zi mpangi zaku ye kulueka mabansa mawu makondolu ngolu, ngeyi neti masumukua Klistu. ¹³ Mudina, go madia manatanga mpangi amu u masakuba, monu kilendi dia diaka mbisi ku mpasi nde ki tesisa mpangi amu masakuba ku.