¹ Keti monu kiena ye mpuansa ku? Keti monu kiena ntumu ku ? Keti monu kimona Yesu Mfumu etu kue ? Benu kaluena mbutu wu kisalu kiamu ku mu Mfumu e? ² Go monu kiena ntumu ku mudiambu di bankaka, kansi mudiambu di benu ngiena buna. Kadi benu luena kidimbu ki kintumua kiamu mu Mfumu. ³ Yoyu yi mvutu ami kua bawu ba ku ntalanga. ⁴ Keti betu katuena ye luve mu kudia ye kunua ku? ⁵ Keti betu katuena ye luve mu kubaka nkentu wu kuikila ku, bonsu busalanga ntumua zi nkaka, ye zi mpangi mu Mfumu, ye Kefa? ⁶ Kani kaka Banaba ye monu tufueti sala kaka? ⁷ Nki bi nuani bisalanga mu mfutu yani bibeni? Na wu kunanga sodi di vini ye kondolu dia mbutu? kani nde nani wu vungulanga bibulu ye kondolu nua ma mvumina? ⁸ Keti monu ntedi mambu mana mudiambu di kimfumu ki bantu ? Kadi nsiku ka mitedi mo ku. ⁹ Kadi busonama mu nsiku mia Mosi :" Kukanga nua ngombi ku mu ntangu kata dia nkeni." Nga ngombi kibeni Nzambi ka kebanga ? ¹⁰ Keti kata goyila betu kue ? Dikala disonama mudiambu di betu, kadi yuna wu kunanga kafueti kuna ye kivuvu, ye yuna wututanga nkeni kafueti zo tuta mu kinkuikisi ki ku kabula mbutu. ¹¹ Go betu tu kunanga bima bi kimpefi ga kati kibenu, keti diambu dineni kua betu mu ku luyufula bima bi ga ntotu. ¹² Go bankaka bena ye kimfumu kioki ku benu, keti betu ka tufutidi ku? Kala buna, betu ba tulombedi ki mfumu kioki ku. Munkala, betu tutambudilanga makulu mpasi nde ka tutula mvualangani ku mu nsamu wa mboti wa Klistu. ¹³ Keti benu kaluzeyi ku nde ba basalanga mu kinlongu baba kanga mfutu awu mu kinlongu, ye baba salanga ziku di ngiokila nkayilu ba kabulanga bina bagananga ga ziku. ¹⁴ Mpila mosi, Mfumu wuzenga nde bana ba muangasanga nsamu mboti ba baka mfutu mu nsamu mboti. ¹⁵ Kansi onu kilomdediedi ku kani nkumbu mosi bia biobi. Ye monu kisonekeni mambu ku mpasi nde lu ngangila buna. Mboti nkutu yi fua kansi ka musa ku nde muntu ka nkakidila mu kiesi kiamu. ¹⁶ Kadi go monu ta nsamuna nsamu mboti, kiena nkutu ye mfunu mosi ku mu ku kisema, kadi mfueti dio sala kaka. Ye mpasi ku onu vo monu kisamueni ku nsamu mboti! ¹⁷ Kadi go onu tnsala momu mu luzolu luamu, monu si yikala kaka ye kizitu ki bangana. ¹⁸ Nsendu amu bueyi wena ? Mu ntangu ta nsamuna, monu mfueti gana nsamu mboti wu Klistu kondu kua mfutu ye kondu kusadila luzolu mu nsamu wa mboti. ¹⁹ Kadi kani buna kiena nde monu ngiena ye kimpuansa mu makulu, monu nkumini kisadi ki bakulu, mpasi monu yi baka mfutu wu neni. ²⁰ Mudiambu di Bayudayo, monu yi kumanga bonsu yudayo, mpasi ya nunga ba yudayo. Ku bawu bena ku nsi nsiku, monu yi kumanga ku nsi nsiku mu kikuma ki ku nunga bana bena ku nsi nsi nsiku. Monu yisala mana kani buna kiena nde kiena ku nsi nsiku ku.