¹ Bubu, mua matadidi mambu ma lusonika benu "Diena di mboti kua muana yakala mpasi nde kasimba muana nkentu ku". ² Kansi mudiambu di mpikumunu mpasi nde ka lusalanga abu ambi ku, bika konsu muana yakala kakala ye nkentu yani mosi, ye konsu muana nkentu kakala ye yakala diani. ³ Yakala kafueti gana ku nkentu ani ma mena mfunu mu longu, ye kumosi nkentu ku yakala diani. ⁴ Ka nkentu ku wena ye kimfumu mu nitu yani kibeni, kansi yakala. Ye kumosi, yakala kena ye kimfumu mu nitu ani ku, kansi nkentu. ⁵ Kalukiyinaku benu ye benu, kaka go luwiseni benu bodi ye mu diabu ntangu yi mana. Lusala mana mpasi lukigana mu lusambulu. Kunima, lulendi vutuka mu kintuadi, mpasi nde satana ka luvukumunaku mu diambu di kondua kua ku kiyala mu benu. ⁶ Monu yiluteledi mambu momu bonsu nduengosu, kansi ka bonsu nsiku ku. ⁷ Monu nzoledi nde benu lukala bonsu monu. Kansi konsu muntu wubaka nkayilu kua Nzambi. Yu mosi wena ye nkayilu wu, ye wu nkaka wena ye nkayilu wuna. ⁸ Ku ba bakondolu kuena ye ku babuidi, onu yi luteledi nde buena bu mboti lukala bantu ba kondolu kuela bonsu munu. ⁹ Kansi go kabatalenda ku kiyala ku, bawu bafueti kuela. Kadi si bukala bumboti kua bawu mu kuela bana ka mukala ye nzinunu ku. ¹⁰ Bubu, kua benu lukuela, monu ngeni nsiku wu(ka monu ku, kansi Mfumu):"Nkentu kalendi gambana ye yakala diani ku. ¹¹ Kansi go yani kueledi, yani si kakala bonsu kena wukuela ku, go nkatu bika kawisana ye yani. Ye yakala kalendi gonda longu ye nkentu ani ku". ¹² Kansi kuma masidi, onu ntedi(monu, kansi ka Mfumu ku) nde konsu mpangi wena ye nkentu kena munkuikisi ku, ye zoledi bazinga yani, kalendi kunyambula ku. ¹³ Ye go muana nkentu wena ye yakala kena unkuikisi ku ye go yani zoledi kavonda ye uana nkentu yuna, muana nkentu kalendi gonda longu ku. ¹⁴ Kadi yakala kena lunkuikisi ku si kakala wa nlongu mu diambu di nkentu ani, ye nkentu kena munkuikisi ku si kakala wu nlongu mu diambu di mpangi. Go kabuaku, bana benu si bakala basumuka, kansi bubu, bawu basilu ku kingenga. ¹⁵ Kansi go yuna kena munkuikisi ku gondele londu, wu nyambula kenda. Mu ntangu yina mpangi yakala kani pangi nkentu kasidi diaka mu luwawanu lolu ku. Nzambi wu bokila tuzingila momu kimpuansa. ¹⁶ Kadi bueyi zayidi ngeyi, muana nkentu, keti si wu vulusa yakala diaku? Kansi ngeyi muana yakala, bue zayidi nde lendi vulusa nkent aku? ¹⁷ Kaka, bika konsu muntu kazingila luzingu luna kangana Mfumu, ye konsu muntu Nzambi ka mbokidila. Diodio diena nsikudusu amu mu mabundu makulu. ¹⁸ Muntu wukala wu zengu mu ntangu ka bokulua mu kuikila ? Katambudila ku ka kisonga bonsu muntu kazengua ku. Muntu kakala wuzengua ku mu ntangu ka bokulua mu lukuikilu? Bika kakala wa zengua ku. ¹⁹ Kadi ka mudiambu di kuzenga ku, kani kukondu kuzengua, bilutidi,ki kilutidi ku lemfuka muna nsiku mi Nzambi. ²⁰ Konso muntu kafueti kala muna mbokolu yina kakala mu ntangu Nzambi ka mbokila mu kuikila. ²¹ Keti nkodi wakala ngeyi mu ntangu Nzambi ka kubokila? Ku kikuamisa ku mu diambu dina. Kansi go ngeyi lendi kala ye kimpuansa, sadila bo. ²² Kadi yuna wubokulua bonsu nkodi kua Mfumu, yi muntu wena ye kimpuansa kua Nzambi. Yi buna diaka, yuna wukala ye kimpuansa mu ntangu ka bokulua mu kuikila yani, wena nkodi mu Klistu. ²³ Benu lua sumbua mu ntalu, buna ka lukituka diaka ba nkodi zi bantu ku. ²⁴ Ba mpangi, bonsu buenina luzingu lua konsu muntu bonsu lua kadila mu ntangu ka tambudila, tukadila buna. ²⁵ Lutala, mudiambu di bana kaba kueledieti ku, monu kiena ye nsiku mosi kua Mfumu ku. Kansi ngeni ngindu zamu bonsu muntu yu wena ye nkenda zi Nzambi, mukala ye kinkuikisi. ²⁶ Yidina, monu nginduedi mudiambu di bondua kuena bubu, buena bumboti mukala bonsu buenina. ²⁷ Ngeyi wena wukangama kua nkentu? Kusosa ku nde wu kikutula mu yani. Ngeyi kuena ye nkentu ku? Kusosa nkentu ku. ²⁸ Kansi go ngeyi kueledi, ngeyi kuneti disumu ku. Ye go nkentu kena wukuelaku kueledi, yani kaneti disumu di mosi ku. Kansi bana ba ta kuela si bakala ye mambu mambidi bu ba tazinga, ye monu nzoledi ku lutanina mu mana. ²⁹ Kansi monu ntedi bu zi, mpangi :"ntangu yena yi nkufi, tuka bubu, bika babena ye ba kentu bazingila bonsu bawu kabena ye baketu ku. ³⁰ Bana batadila bika bakala bonsu bawu ka batadila ku, bana ba tayangalala bonsu bawu ka ba tayangalala ku, ye bawu bata sumba bonsu bawu kabawidi kima kimosi ku. ³¹ Ye bawu beti sadila nza, bonsu nde kaba ta yo sadila yakulu ku; nkadulu nza yiyi yi takuma ku nsukani. ³² Monu nzoledi nde benu ka lukala ye ngindu ku. Muana yakala mpumpa wu talanga bima bia Mfumu, ye bueyi kafueti ku muesisa kiesi? ³³ Kansi muana yakala wu kuela wutalanga mambu a nza yayi, bonsu bu kafueti ku kizodisila ku nkentu ani. ³⁴ (yani wena wa kabusua). Muana nkentu kena wu kuelaku kani yuna kazeyi muana yakala ku yani wu kigananga mu bima bi Mfumu, ye bueyi kafueti silua ku lueka mu nitu ye mu mpefi. Kansi muana nkentu wu kuela yani wu talanga bima bi nza, ye bueyi kafueti kizodisila kua yakala diani? ³⁵ Monu ntedi omu mudiambu di ntomosunu yi benu, ye ka mudiambu di kutula bonsu bunkuta ku bua benu. Monu ntedi omu mudiambu di bawu bena ba nunga, pasi benu lukala ba siandama mu Mfumu kondu kua yungasa ngindu. ³⁶ Kansi, go muntu yinduedi nde katoma salanga mamboti ku, muanani wu nkentu ye luzitu(go muana nkentu yoyu wu luta mvu mi kukuela ye momu mafueti kadila buna), yani kafueti sala bonsu bu kayindueledi. Yani kaneti masumu ku. Bawu bafueti kuelana. ³⁷ Kansi yani go bengi ntimani, go yani kena ku nsi lukuamusu ku kansi lendi ku kizaya yani mosi, ye go yani bakidi lukanu mu ntima yani osi mu kusala mo, mu kulunda muanani wa nkentu ndumba, yani si ka basala bu mboti. ³⁸ Buna, yuna si wukuela nkentu ani sadidi bu mboti ye yuna soledi nde ka balendi kuelana ku, tomeni sala bu mboti kibeni. ³⁹ uana nkentu wu kangama kua yakala diani, bu katazinga. Kansi go yakala diani fuidi, yani kumini mu kimpuansa ye lendi kuela bonsu muntu yu bazoledi, kansi mu Mfumu kaka. ⁴⁰ Mudina, mu ngindu zamu, yani si kakala ye mayangi ma mbidi go yani zingidi bonsu buna bena. Ye onu mbeni nde monu ngiena diaka ye Mpefi Nzambi.