¹ Betu tuawidi nde kuena ye kinsunsa ga kati ye benu, nkalulu yi mpila yoyu kayena nkutu yi mboti ku ga kati ki ba payini. Betu tuwidi nde yumosi ga kati ki benu weti leka ye nkentu ase diani. ² Ye benu lueti kitumpikisa! Keti kalulendi kala ye kiadiku benu? Yuna tasala mana kafueti katuka ga kati kibenu. ³ Kadi, kani buna kiena nde kiena ye benu ku mu kinsuni, kansi ngiena yenu mu ki mpefi, monu ya fundisi kala yuna wu sadidi diambu di mpila yoyu, bonsu nde monu ngiena ye benu. ⁴ Go benu lukutakeni mu nkumbu yi Mfumu etu Yesu , ye mpefi amu yena ye benu mu lendu kia Mfumu etu Yesu. Monu fundisi kala muntu yoyu. ⁵ Monu yisadidi mana mpasi ya tula untu yoyu ga moku ma satana mu kubunga nitu ani ngatu muela ani wulendi vulusua mu lubu kia Mfumu. ⁶ Kivuni kienu kia kena kimbotiku.Keti benu luzeyi nde lufunusu lu nduelu lufunisanga fufu diakulu. ⁷ Luviluka benu mu lufunusu lua nkulu, mpasi benu luakuma mfumfu ya mpa bukiena nde bubu benu luena dimpa di kondolu lufunusu. Kadi Klistu, muana memi etu wa paki, wa komua. ⁸ Yidina bika tukembila nkinsi, ka mu lufulu luankulu ku, lufulu za nkadulu zi mbi ye maketu. Kansi ye dimpa dikondolu lufunusu lu vedila ye lukedika. ⁹ Monu yi lusonekeni mu nkanda amu mpasi kalukala kintuadi ye bantu bena ye nkala zi mboti ku. ¹⁰ Kadi monu kilusimini ku mukala kintuadi te bibulu biakulu bi nza yiyi, kani bankua kikotu kotu, kani mi mvuni, kani minsambidi mi biteki, keti mu bawu nga benu lufueti katuka mu nza. ¹¹ Bubu, monu yi lusonekeni nde kalukala kintuadi ye yonsu muntu babokedi mpangi, kansi wuzingilanga mu kinsunsa, kani ndia a mbongu mu luvunu, kani nsambidi a biteki, kani muangisi a bantu, kani kinua malafu. Kalu dia nkutu ye muntu mpila yina ku. ¹² Mudina, bueyi monu mfuti kadila mu kufundisa bantu kebena mu dibundu ku? Mudin, keti benu kaluena ani mfundisi mi bantu bena mu dibundu kue ? ¹³ Kansi Nzambi wufundisanga bantu bena ku nzila. "Lukatula yuna wena wu mbi ga kati kibenu".