¹ Yidina bika batubaka, bonsu bisadi bi Klistu ye bakebi ba mansueki ma Nzambi. ² Mudiambu diodio, bu lombuanga nde nkebi kafueti kala kibeni ye kinkuikisi. ³ Kansi go mu monu kabufueniku nde yi fundusua kua benu kani nde kua konsu konsu nzo ya mfundu yi bantu. Kadi onu kibeni ki kifundisa ku. ⁴ Monu kibeni kieti bambukila mfundu mosi ku wu ba mfunda, kansi diodio ka dieti songa ku nde monu ngiena wa nunga. Yani Mfumu fueti ku mfundisa. ⁵ Yidina kalukifundisikaku tekila ntangu, tekila ngisulu Mfumu. Yani si katula kia mu mansueki mampimba ye si kamonikisa makani ma ntima. Buna, muntu muntu si kabaka nsendu ani kua Nzambi. ⁶ Bubu, ba mpangi, monu yi songedi mambu momu kua Apolo ye kua monu mosi mudiambu di mamboti menu. Musa nde mudiambu di betu benu lu longuka mu zaya masueluku :"Kaluluta mana masonama ku" musa nde ka muntu ku kakala ye kimvuni kua benu ye benu. ⁷ Kadi nani wumonanga nsuasana ga kati ki benu ye ba nkaka? Nki bieba yenu bikalu baka mu mpamba ku benu? Go benu lubaka mu mpamba, mu nki diambu lueti kisemina benu bonsu benu kalu bakila bio mu mpambaku? ⁸ Benu luna ye biakulu bi lulendi zola! Nkutu benu lukumini ba mvuama! Benu luyantikidi mu yala, mutina betu tulendi yala ye benu. ⁹ Kadi monu tangindula nde Nzambi wu tusonga zi ntumu mukala bonsu nlonga wu nsuka wu ndonga ye bonsu bantu bazengolu nkanu lufua. Betu tukumini bonsu kimpa ki kutala u nza, ku zi mbasi ye ku bantu. ¹⁰ Betu tuena bizengi mu diambu di Klistu. Kansi benu luena ba nduenga mu Klistu. Betu tukondolu ngolu, kansi benu luena ye ngolu. Benu ba takulu zitisa, kansi betu tukondolu zitusu. ¹¹ Nate ye u ntangu yiyi, betu tuena ye nzala ye nsatu masa, betu tueti vuata bonsu bonsu. Betu tueti zubua, ye betu tukondolu fulu kitu fueti leba. ¹² Betu tueti sala mu ngolu, tusalanga mo moku metu. Go batu fingidi, betu tuku basakumunanga. Go batakutu kuamisa, betu tutabudilanga. ¹³ Go batakutufinga betu tu tuvutulanga ye kiesi.Betu tukituka ye betu tumonikanga bondu buna, tuena bantu bagetua kua bakulu ye bonsu nde katuena nkutu mfunu ku. ¹⁴ Monu kita kulusonikina mambu momuku mukulumuesa nsoni, kansi mukulu luengisa bonsu bana bamu ba toa zolua. ¹⁵ Kani nkutu luena ye mafunda kumi ma balongi mu Klistu, kansi kaluena ye mase mambidi ku, kadi monu yikituka se dienu mu Klistu Yesu mudiambu dia nsamu wa mboti. ¹⁶ Mudina, monu kieti kulusiamisa mukala bifuani biamu. ¹⁷ Yidina monu yilufidisi Timoti, yu yitoma zolanga ye muan wukuikama mu Mfumu. Yani si kalubambula mbundu mu malongi mamu mu Klistu bonsu ya longila mo kuakulu ye mu mabundu makulu. ¹⁸ Bubu, ba bankaka ga kati kibenu bakumini kuki tumpikisa, batasala bonsu nde monu kisi kisa diaka buna kuena benu ku. ¹⁹ Kansi monu singisa kuna benu mu nsualu, go Mfumu zoledi. Buna kisi kizayakana mambu ma bantu ba kukitumpidika ku, kansi onu si yitala lendu kiawu. ²⁰ Kadi ki mfuu ki Nzambi ka kienina mu mi ngogu ku kansi mu lendu. ²¹ Nki luzoledi benu? Keti ngisa kuena benu ye nti kani vo ngisa ye zola ye mu mpefi yi lembama.