¹ Lãdã sa ju-la Jezi pase pu un plãtasiõ ju dji samdji, so djisip-iela te fë ie kumase hamase fui pu ie mãje. ² Kã fahiseu-iela, ue sa ie dji: u djisip-iela ka fe ki ïteãdji pu fe samdji. ³ Jezi dji: zot pa ãko li sa ki Davi fe kã li te fë ke so kamahad-iela. ⁴ Davi ãthe lãdã Kaz dji Bõdje,i li ke so kamahad-iela mãje djipë ki ofui pu Bõdje. Selmã sasedotxi-iela te gãië dhue dji mãje djipë-iela. ⁵ Zot pa ka li lalua, ki samdji sasesotxi-iela la kaz dji Bõdje ie ka viole samdji më ie ka hete sã fot. ⁶ Mo ka afihmë pu zot sa ki esi li pi ïpohtã pase Kaz-la. ⁷ Si zot te save akisa signifike sa pahol-iela: Mo le kõtãtmã i nõ sakhifis, pa kõdãnë mun inosã. ⁸ Pase Pitxit dji Om-la a Sëie dji samdji. ⁹ Li sotxi dji laba, Jezi ale pu sinagog. ¹⁰ Laba te gãië un om ïvalid dji so lãmë. Ëbe un dê mun te le voie to lasu Jezi ie dji: li bõ djiehi mun malad samdji? ¹¹ Li hepon: akimun dji zot, si gãië un mutõ i li tõbe ofõ un thu samdji, u pa ke fe tut pu txihe li dji laba? ¹² pi gãië vale un om pase un mutõ! Apusa li bõ djiehi samdji. ¹³ Ëbe li dji pu om-la: lõje u lãmë i li lõje so lãmë i li hete bië. ¹⁴ Ëbe fahiseu-iela sotxi ie kumase kose kumã pu ie txue Jezi. ¹⁵ Kã Jezi save dji sa, li ale dji laba, i boku mun suiv li. I djiehi tut mun ki te malad. ¹⁶ Li dji pu ie pa hakõte akimun li sa. ¹⁷ Sa fet pu kõphui sa ki phofet Isaías te dji: ¹⁸ Bõdje dji: sa a mo Pitxit ki mo xuesi, ki mo kõtã ki ka bai mo boku kõtãtmã lãdã no txo. I Mo ke mete mo Lesphui lasu'l pu pase mo pahol pu nasiõ-iela. ¹⁹ Li pa ke bhuiga, i osi li pa ke hele. pies mun pa ke tãde so vue la lahi. ²⁰ Pa kase bhãx bua ki sek, i pa txue djife ki feb, li ke hete kõsa juk kã pahol-la kõphui. ²¹ Lasu u nõ nasiõ-iela ke ãtan. ^{22 23} 26 Si satã thihe satã ie lãdã divisiõ, kumã i ke puve hete lãdã mem kote? 27 Si mo txihe demuë pu xef dji demuë-iela i pu ki mun zot pitxit-iela ke txihe? A pu sa ie mem ke tone zot lidehãs. ²⁴ Më, kã fahiseu-iela tãde, ie dji: li ka txihe demuë lasu nõ dji xef dji demuë-iela. ²⁵ Jezi konet ie majinasiõ li dji: Pei ki pataje ã ghup i ka bhuiga ãt ie mem, osi ke dethi. I lafãmi ki pataje ã ghup ki ka bhuiga ãt ie mem, osi ke dethi. ²⁶ Si satã thihe satã ie lãdã divisiõ, kumã i ke puve hete lãdã mem kote?n ²⁷ Si mo txihe demuë pu xef dji demuë-iela i pu ki mun zot pitxit-iela ke txihe? A pu sa ie mem ke tone zot lidehãs. ²⁸ Lãdã lavehite a pu povua dji Bõdje ki mo ka txihe demuë, i sa a laphuev ki lasosiete dji Bõdje hive kote zot. ²⁹ Pies mun pa puve ãthe lãdã kaz dji un om ki fo i volo so bagaj-iela, sã phõmië li mahe'l. Selmã kõsa sa mun-la ke puve ale ke bagaj ki gãië lãdã kaz-la. ³⁰ Mun ki pa ke mo ie kõt mo, i mun ki pa ka thavai ke mo lãdã lavehite ie ka thavai kõt mo. ³¹ A pu sa no ka dji: tut pexe i kose mal, mo ka padõnë, më kose mal kõt Lesphui-la pa gãië padõ. ³² Tut sa ki kose kõt Pitxit dji Om-la, gãië padõ, më sa ki kose kõt Lesphui Së, pa gãië padõ pu ie. ³³ Li dji ki tut bõ piebua, so fui-iela bõ, li dji osi tut piebua ki pa bõ so fui-iela pa bõ osi, pase pu kalite dji fui-iela u ka konet piebua-la. ³⁴ has dji siapã! kumã zot puve kose bagaj ki bõ si zot mixã? zot bux ka kose ke ki zot txo lë. ³⁵ Mun ki bõ ka txihe ki bõ i mun ki move ka txihe bagaj ki pa bõ. ³⁶ Mo ka dji pu zot, ki sa ju-la xak mum laba ke djivã Jezi pu ie kose. ³⁷ Pase u pahol-iela ke siavi pu kõdãnë u o pu libiate u. ³⁸ Un dê met dji lalua i un dê fahiseu dji pu Jezi: Met, no le ue u ka fe un mihak. ³⁹ Jezi hepon: kumã sa mun dji atxielmã ie mixã i ie pa gãië espua! zot ka dumãde pu mo fe un mihak, më mihak dji phofet Jonas a diãië sin ki mo ke bai. ⁴⁰ Pase akõsa kumã Jonas hete thoa ju i thoa nuit ofõ van dji gho puasõ akõsa osi Pitxit dji Om-la ke hete thoa ju i thoa nuit ofõ late. ⁴¹ Lãdã sa Ju dji Kõdënasiõ pov dji Nínive ke leve kõt zot, më ie ke hepãtxi dji ie pexe kã ie tãde Jonas ka pase pahol-la. I Mo ka dji sa ki esi plis ïpohtã pase Jonas. ⁴² Lãdã sa Ju dji Kõdënasiõ ke leve un lahen dji (Saba) li ke kõt zot, pase li vini dji luë pu kute kumã Salomõ ka mõthe. I Mo ka dji sa ki esi plis ïpohtã pase Salomõ. ⁴³ Jezi kõtxinë: Kã un lesphui djimal sotxi dji ãle un mun, li ke maxe kote ki pa gãië djilo, li ke sase kote pu li hete, më li pa ke thuve. ⁴⁴ Ëbe li ke dji: mo ke hutonë pu sa kaz dji kote mo vini, kã li ke hive, li ke ue kaz vid, phop i hãje. ⁴⁵ Aphue li ke sotxi, ale sase uot set lesphui-iela ki plis mixã i ie tut ke hete laba. kõsa situasiõ dji sa mun-la ke hete plis vilë pase ãvã. akõsa ke fet ke sa mun ki move dji atxelmã-iela. ⁴⁶ Kã Jezi te ka kose ke mun-iela so mãmã ke so fue-iela hive, ie hete deho ie dumãde pu ie kose ke li. ⁴⁷ Ëbe li gãië un mun ki dji pu Jezi: u mãmã i u fue-iela deho ie le kose ke u. ⁴⁸ Jezi dumãde: akimun ki sa mo mãmã i mo fue-iela? ⁴⁹ Ëbe li mõthe pu so djisip-iela li dji: Gade esi mo mãmã i mo fue-iela. ⁵⁰ Pase mun ki ka fe volõte dji mo Papa, ki laba lahosiel, a mo fue, mo so, i mo mãmã.