¹ Izikoa tônga ny maraigna, de nikasa hanôhitra an'i Jesosy mbô hamono Ananjy iré lehiben'ny mpisôrogna sy ny lohôlogno jiaby. ² Zaré ré matahotro Ananjy, nitarika Ananjy tagny tivelany, ké nanolotra Ananjy tamin'i Pilato governora. ³ Ary Jodasy, ilay namadika Ananjy, kôfa nahita fô voaheloka Jesosy, de nibebeke izy ké nangerigna iré vôlafotsy telopôlo tamin'iré lehiben'ny mpisôrogna sy iré lohôlogna, ⁴ ké nivôlagna hoe: ''Nanota zaho tamin'ny namadiako rà tsy manan-tsigny.'' Fô zaré ré nivôlagna hoe: ''Ahoànay ino? Anà izégny.'' ⁵ De natsipiny takô an-tempolin'ny iré vôlafotsy, ké nénga, sy niboaka ary nagnatogna ny tegnany Izy. ⁶ Iré lehiben'ny mpisôrogna nalaka iré vôlafotsy ké nivôlagna hoe: ''Tsy ara-dalàgna ny mametraka itô akato amin'ny fitehirizam-bôla, satrià itô de vidin-drà.'' ⁷ Niara-nikoragna ny olagna zaré ré ké nivanga ny sahan'ny mpagnano vilany tamin'iré vôla. ⁸ Ké izégny no antony nagnatsovana izégny saha izégny hoe: ''Sahan'ny Rà'' mandrak'iniany. ⁹ Ké de tanteraka izay voalaza tamin'ny mpaminany Jeremia, magnano hoe: ''Nalaka ny vôlafotsy telopôlo zaré ré, vidy nanombanan'iré fôkon'ôlon'Israely Ananjy, ¹⁰ ké zaré ré nagnamia izégny ho an'ny sahan'ny mpagnano vilany tanimanga, karaha ny natoron'ny Tompo anahy.'' ¹¹ Ary Jesosy nijoro také anolohan'ny governora, ary ny governora nagnontagny Ananjy hoe, ''Anaà mô no mpanjakan'iré Jiosy?" Jesosy namaly ananjy hoe: '' voalazanà.'' ¹² Fô kôfa nampangain'iré lehiben'ny mpisôrogna sy iré lohôlogna Izy, de tsy namaly na ino na ino. ¹³ De nivôlagna taminy Pilato hoe: ''Tsy regninà mô ny fiapangana jiaby atao aminà?'' ¹⁴ Fô tsy namaly na de teny araika aza Izy, nidanaka tantéraka noho izégny ny governora. ¹⁵ Ary isakin'ny firavoravogna de fômban'ny governora no mamôtsotro gadra araika voafidin'ny fokon'ôlo. ¹⁶ Tamin'io fotoagna io, nanagna gadra malaza ratsy antsoigna hoe Barabasy zaré ré. ¹⁷ Noho izégny kôfa niara-niangona zaré ré, de ahozy Pilato taminjaré ré hoe: ''Zôvy no tianaré halefako ho anaré? Barabasy sa Jesosy izay antsovigna hoe Kristy?'' ¹⁸ Hainy fô nohon'ny fialônagna no nanoloranjaré ré an'i Jesosy taminanjy. ¹⁹ Kô nipètraka také amin'ny sezy fitsaragna izy, de nandefa koragna tamin'ny vadiny ké nagnano hoe: ''Tsy managna na ino na ino atao amitô lalahy tsy manan-tsigny itô zaho. Ory loatra zaho niany nohon'ny nôfy azoko mômba Ananjy.'' ²⁰ Ary iré lehiben'ny mpisôrogna sy iré lohôlogna nandresy lahatra ny fôkon'ôlo mbô hangataka an'i Barabasy, ké hampamono an'i Jesosy. ²¹ Nagnontany ananjy iré ny governora hoe: ''Zôvy aminjaré aroa no tianaré alefako ho anaré?'' Aozin-jaré ré hoe: ''Barabasy.'' ²² Pilato nivôlagna tamin-jaré ré hoe: ''Ino no tôkony ataoko amin'i Jesosy izay antsoigna hoe Kristy?'' Izy jiaby namaly hoe: ''Fantsiho amin'ny kakazofijaliagna Izy.'' ²³ De ahozy Izy hoe: ''Nahoagna, ino no heloky natôny?'' Fô vô maika zaré ré nihiaka mafy hoe: ''Fantsiho amin'ny kakazofijaliagna Izy.'' ²⁴ Fô kôfa hitan'i Pilato fô tsy afaka hagnano na ino na ino izy, kanefa efa nanômboka ny tabataba, de nangala rano izy, nanasa ny tagnany také agnatrehan'ny vahoaka, ké nagnano hoe: ''Tsy manan-tsigny amin'ny ràn'itô lalahy tsy manan-tsigny itô zaho. Fô asanaré zegny.'' ²⁵ Iré ôlogna jiaby nivôlagna hoe: ''Ho aminay sy ny zanakanay anie ny ràny.'' ²⁶ De nalefany ho ananjy iré Barabasy, fô nively karavasy an'i Jesosy izy ké nanôlotra ananjy ho fantsihigna. ²⁷ Avakè iré miaramilan'ny governora nangala an'i Jesosy takô an-dapa ké nagnangogna irè vondrogna miaramila jiaby. ²⁸ Nagnala ny fitafiany zaré ré ké nampagnano akanjo jaky ananjy. ²⁹ Nagnamboatra satro-boninahitra tsilo zarè ré ké nametraka zegny také an-dohany, ké nametraka tehigna také amin'ny tagnany ankavanagna. Nandohalika také agnatrehany zarè ré ké nagneso ananjy, nagnano hoe: ''Arahaba, ry mpanjakan'ny Jiosy!'' ³⁰ Nororainjaré ré zaré, ké nalainjaré ré ny tehigna de namango ananjy im-be de be také amin'ny lohany. ³¹ Kôfa avy nagneso ananjy zaré ré, de nagnala ny akanjo lavany ké nampiakanjo Ananjy ny fitafiany, ké nitôndra Ananjy nivoaka mbô hamantsika Ananjy amin'ny kakazofijaliagna. ³² Kôfa nivoaka zaré ré, de nahita lalahy araika avy agny Syrena antsoigna hoe Simona, zay noterenjaré ré hiaraka aminanjy iré mbô hampilanjaigna ny kakazofijaliagna. ³³ Nankany amin'ny toeragna antsoigna hoe Golgota zarè ré, zay midika hoe ''Toeran'ny Karandoha.'' ³⁴ Namianjarè ré divay mifangaro amin'ny afero Zaré mbô ho sotroiny. Fô kôfa nandramany zegny, de tsy nisotro Zarè. ³⁵ Kôfa nofantsihinjaré ré tamin'ny kakazofijaliagna zaré, de nataonjaré rè loka ny fizaragna iré fitafiany, ³⁶ ké nipetraka zaré ré ké nijanogna niambigna Ananjy. ³⁷ Také ambônin'ny lôhany no nametrahanjaré ré sôratra mivôlagna ny nagnamelohagna Ananjy, zay mivaky hoe: ''Itô no Jesosy, mpanjakan'iré Jiosy.'' ³⁸ Nisy jiolahy roa nofantsihina niaraka taminy, ny araika také ankavanany ké araika také ankavia. ³⁹ Iré zay nandalo de nanevateva Ananjy, nanifikifika ny lôhanjaré ré ⁴⁰ ké nagnano hoe: ''Anà zay handrava ny tempoly ké hagnamboatra zegny draiky akô agnatin'ny telo andro, vonjeo ny tegnanao! Raha Anà no Zanak'Antdriamanitra, midigna avaké amin'ny kakazofijaliagna!'' ⁴¹ Toy zegny kôa iré lehiben'ny mpisorogna nagneso Ananjy, niaraka tamin'iré mpanôra-dalagna sy iré lohôlogno, ké nivôlagna hoe: ⁴² ''Nagnavotra iré hafa Zaré, fô tsy afaka magnavotra ny tegnany. Zaré no mpanjakan'Israely. Avelà Zaré hidigna egny amin'ny kakazofijaliagna, ké de hino Ananjy isika. ⁴³ Natoky an'Andriamanitra Zaré, avelà Andriamanitra hamonjy Ananjy zao, raha mankasitraka ny hagnafaka Ananjy Andriamanitra. Fô na Zaré aza de nivôlagna hoe: 'Zaho no Zanak'Andriamanitra.''' ⁴⁴ Karaha zegny kôa iré jiolahy zay nofantsihigna niaraka taminy nivôlagna fagnevatevagna taminy ndraiky kôa. ⁴⁵ Ké nanômboka tamin'ny lera faha enigna de nandrakotra ny tany jiaby ny aizigna ké hatramin'ny lera fahasivy. ⁴⁶ Také amin'ny lera fahasivy, de nihiaka tamin'ny feo mafy Jesosy ké nagnano hoe: ''Ely, Ely, lamà sabaktani?'' Zay midika hoe: ''Andriamanitro, Andriamanitro, nahoana no nandao Anahy Anà?'' ⁴⁷ Kôfa ren'ny sanany tamin'iré zay nitsangagna také zegny, de ahozy iré: ''Magnantso an'i Elia Zaré.'' ⁴⁸ Také no aké de nihazakazaka ny araika taminjaré ré ké nangala spaonjy, namonto zegny tamin'ny vinaingitra, nametraka zegny tamin'ny tohitohigna bararata, ké nagnamia zegny Ananjy mbô ho sotroigna. ⁴⁹ Ny sanany taminjaré nivôlagna hoe: ''Avelà Zaré. Hitantsika aké raha ho tônga hamonjy Ananjy Elia.'' ⁵⁰ De nihiaka tamin'ny feo mafy draika Jesosy ké nagnolotra ny fagnahiny. ⁵¹ Io, ny lamban'ny tempoly nitriatra roa hatragny ambony ké hatragny ambany, ké nihorohoro ny tany, ké vaky nisasaka iré vatolampy. ⁵² Nisôkatra iré fasagna, ké ny fatin'iré ôlon'Andriamanitra maro zay nodimandry de natsangagna. ⁵³ Zaré rè de nivoaka avy takô amin'ny fasagna taorian'ny fitsanganany tamin'ny naty, niditra ny tanàgna masigna, ké niseho tamin'ny maro. ⁵⁴ Ké iziré kapiteny sy iré izè nizaha an'i Jesôsy raha nahita ny hôrohôron-tany sy iré raha izè nivoàka, de lasa nataotra mafy ké nagnano hoe: ''Zanak'Andriamanitra marigna itô.'' ⁵⁵ Nisy viavy fôntry izè nagnaraka an'i Jesôsy hatragny Galilia mbô hikarakara ananjy také nizaha avy agny lavitry. ⁵⁶ Tamin'jaré ré Maria Magdalèna, Maria renin'i Jakôba sy Josefa, ké ny renin'iré zanakalahin'i Zebedio. ⁵⁷ Kôfa haligna ny andro, de nisy lalahy araiky manan-kariagna avy akagny Armatia tônga, antsovigna hoe Joséfa, zay mpianatr'i Jesôsy foàgna koà. ⁵⁸ Nagnatogna an'i Pilato izy ké nangataka ny fatin'i Jesosy. De nobékon'i Pilato amiagna ananjy izégny. ⁵⁹ Nangalaka ny faty Joséfa, namôno izégny tamin'ny lamba rongôny mady, ⁶⁰ Kè nampandry izégny tamin'ny tragno manara vôvô izè nangadiàny tamin'ny vatolampy. De namaringarigna vato mahaventy hanohigna ny tamiagnan'ny tragno manara izy ké nivoàka. ⁶¹ Maria Magdalena sy irè Maria hafa de také, nipétraka takè ampitan'ny tragno manara ⁶² Ny andro magnaraka, zay andro afaran'ny Fanomagnana, de niaraka-nitangôrogno tamin'i Pilato iré lehiben'ny mpisôrogna sy irè Fariseo. ⁶³ Ahozy njaré ré hoe: ''Tompokô, tsaroànay fô tamin'ny mbôla velogno igny mpamitaka igny, de ahozin'Izy hoe: 'Afaran'ny telo andro, de hitsangagna ndraiky Zaho.' ⁶⁴ Ké noho izégny, mandidihy mbô ho ambénagna ny tragno manara hatramin'ny andro fahatelo, kô tsy izégny iré mpianany mety ho tônga ké hangalatra Ananjy de hivôlagna amin'ny ôlogno hoe: 'Nitsangagna tamin'ny naty izy,' ké ny fitaka farany de ho ratsy noho ilay tamin'ny vôalôhany.'' ⁶⁵ Ahozy Pilato tamin'jaré ré hoe: ''Mangàlaka mpiambigna. Mandéhana ké ambéno tsara araka izè vitanaré izégny.'' ⁶⁶ De nandéha zaré ré ké niambigna ny tragno manara, nagnisy tombo-kase ny vato ké namétraka ny mpiambigna.