¹ Ny fanjakan'ny lanitra dé ho karaha ny virjina folo izay nalaka ny jirony ka nandeha nihaona tamin'ny mpampakatra. ² Föka ny dimy tamin'izy iré fa ny dimy ndraika hendry. ³ Kôfa nitondra iré jirony iré virjina föka, de tsy nitondra solika niaraka taminy. ⁴ Fô iré virijina hendry kosa de nitondra fikajiagnan-tsolika niaraka tamin'ny jirony. ⁵ Kôfa tara ny mpampakatra, de taitaitra zaré jiaby ka nandry. ⁶ Fô tamin'ny sasak'alina de nisy nagnantso mafy hoe: "Itô, ny mpampakatra! Mivoaha mba hitrötrö aminy." ⁷ Avaké nifoha iré virijina jiaby kè nikarakara ny jirony. ⁸ Aozin'iré adala tamin'iré hendry hoe: "Mbô amia ampahany amin'ny solikaré izahay fô efa ho faty ny jironay. ⁹ Kè namaly iré hendry kè nivôlagna hoe: "Sao de tsy ho ampy ho anay sy ho anaré, fô mandihana foagna akany amin'iré mpivarotra ké mividiana ho an'ny tegnanaré." ¹⁰ Kô fa nandeha nividy izy iré ré, dé tonga ny mpampakatra, ary izay efa vognona de niara-nandèha taminy ho akô amin'ny fanasam-panambadiagna, kè nividy ny vavahady. ¹¹ Kôfa afaka izégny de tonga ihany koa iré virijiny sasany ka nivôlagna hoe: 'Tompoko, Tompoko, mba vahao izahay'. ¹² Fô namaly izy kè nivôlagna hoe: 'Volagniko marigna aminaré, tsy mahafantatra anaré izaho.' ¹³ Kè noho izégny mihambena, fa tsy fantatraré ny andro na ny ora. ¹⁴ Fô izégny de karaha ny lalahy raika izay handeha ho agny amin'ny firenen-kafa. Nagnantso ny mpanompony izy kè nampitantana ananjy iré ny haregnany. Ny raika taminjaré iré namiagna talenta dimy, ¹⁵ ny raika hafa namiagna roa, ary ny raika hafa ndraiky namiagna talenta araiky. Ny tsiraikaika de somby nandray talenta araka izay fahezagny avy, ké nénga tamin'ny diàny izégny lalahy izégny. ¹⁶ Ny raika izay nandray talenta dimy de nénga takéo kéo ké nampiasa ananjy iré. ¹⁷ Karaha izégny koà ilay raikia izay naharay talenta aroa nahazo aroa hafa. ¹⁸ Fô ilay mpanompo araika kosa, nandeha ké niady lavaka tamin'ny tany, ké nandevina ny vôlan'ny tompony. ¹⁹ Ary tafaran'ny fotoagna ela de nierigna ny tompon'iré mpanompo iré ké nandamin-draharaha taminjaré ré. ²⁰ Niditry ilay mpanompo izay nandray talenta dimy no sady nitôndra talenta dimy hafa. Ahozy hoe: ''Tompoko, namianà talenta dimy zaho. Indro, nanatômbo talenta dimy hafa zaho.'' ²¹ Ahozy ny tompony taminanjy hoe: ''Tsara izégny, ry mpanompo tsara sady mahatôky! Nahatôky tamin'ny raha tsy maro anà. Zaho hampihandraikitra anà amin'ny raha maro. Midira amin'ny fifaliàn'ny tomponà.'' ²² Ilay mpanompo izay naharay talenta aroa de nagnantona sy nivôlagna hoe: ''Tompoko, naminà talenta aroa zaho, indro, nagnatômbo talenta aroa hafa zaho.'' ²³ Nivôlagna ananjy ny tompony hoe: 'Tsara izégny, ry mpanompo tsara sady mahatôky! Nahatôky tamin'ny raha tsimaro anà. Zaho hampihandraikitra anà amin'ny raha maro. Midira amin'ny fifaliàn'ny tomponà.' ²⁴ Avy také ilay mpanompo izay naharay talenta araika nagnantona no sady nivôlagna hoe: ''Tompoko, haiko fô lalahy masiàka anà. Mijinja egny amin'izay tsy namafazanà, anà no sady manangom-bokatra egny amin'izay tsy nambolenà. ²⁵ Natahotra zaho, ké nandeha ké nanafigna ny talentanà takô anatin'ny tany. Zahavo, indro izay anà.'' ²⁶ Ary namaly ananjy ny tompony ké nagnano taminanjy hoe: 'Anà ry mpanompo ratsy sady malaigna, hainà fô zaho de minjinja egny amin'izay tsy namafazako sy manangom-bokatra egny amin'izay tsy namboleko. ²⁷ Noho izégny de tôkony namianà ny mpanjana-bôla ny vôlako, izikoà niherigna zaho de nandray ny anahy miaraka amin'ny antômbony. ²⁸ Noho izégny alévo agny amin'ny talénta ké amezo ho an'ilay panômpo izay managna talénta fôlo izégny. ²⁹ Fô zay jiaby managna de hamegna be kokoà-mihoatra lavitry aza. Fô ho an'iré izè tsy managna na ino na ino koà, na zay hananany aza dia ho esorigna aminanjy. ³⁰ Ariào agny amin'ny mizigna agny ivelagny ny panompo tsy mendrika, agny no misy ny fitômaniagna sy ny fikotrôha-nify. ³¹ Izikoà tônga amin'ny voninahitrany ny Zanak'ôlogna sy ny anjely jiaby miaraka Aminanjy, de hipétraka aké amin'ny sezy fihandrihanan'ny voninahitrany Izy. ³² Ary ny firenegna jiaby de hangonina aké anatrehany, ké hivavaka ny ôlogna iraika amin'iraika hafa Izy, karaha ny mpiandry ondry magnavaka ny ondry amin'ny osy. ³³ Hamétraka ny ondry ho aké ankavanany izy, fô ny osy aké ankaviàny. ³⁴ Ary ny mpanjaka hivôlagna amin'iré zay aké an-tanagna ankavagnany hoe: 'Avià, anarè zay notahian'i Raiko, mandovà ny fanjakana zay efa voahomagna ho anaré hatrizay nagnorenagna an'izao tontôlo zao. ³⁵ Fô voasiloana Zaho de namianaré hanigna; tihinan-drano Zaho de namianaré ho sotroigna; nivahiny Za de nampandrosoinaré; ³⁶ nibolaina Zaho de nampitafianarè; narary Zaho nokarakarainaré; ary tany am-ponja Zaho de nakany Aminahy anaré.' ³⁷ Ary iré marigna de hamaly sy hivôlagna hoe: 'Tompo, oviagna zahay no nahita anà voasiloana ké namahana Anà? Na tihinan-drano ké nampisotroanay? ³⁸ Oviagna Anà no hitanay nivahiny ké nampandrosoinay? Na nibolaigna ké nampitafianay? ³⁹ Oviagna zahay no nahita Anà narary na tagny am-ponja ké nakagny aminà? ⁴⁰ Ary ny mpanjaka namaly ké nivôlagna ananjy irè hoe: 'Vôlagniko marigna aminaré, zay nataonaré tamin'iregny rahalahiky hely indrindra iregny, de nataonaré tamiky.' ⁴¹ Ary izy hivôlagna amin'iré zay akè ankaviany hoe: 'Mialà aminahy, Anaré zay voahozogno, ho agny amin'ny afo mirehitra mandrakizay zay efa voahômana ho an'ny devoly sy iré anjeliny, ⁴² satrià voasiloana Zaho, fô tsy namianaré hanigna; tihinandrano Zaho, fô tsy namianaré hosotroigna; ⁴³ nivahiny Zaho, fô tsy nampandrosoanaré; nibolaigna Zaho, kanéfa tsy nampitafianaré; narary sy takô am-ponja Zaho, fô tsy nokarakarainaré.' ⁴⁴ Kè de hamaly koà zaré rè kéde nivôlagna hoe: 'Tompo! Oviagna zahay no nahita Anà voasiloana, na tihinan-drano, na nivahiny, na nibolaigna, na narary, na tagny am-ponja, ké tsy nanompo Anà? ⁴⁵ Ary Izy hamaly ananjy irè ké hivôlagna hoe: 'Volagniky marigna aminarè, fô zay tsy natônaré tamin'iraika tamin'irè madinika iré, de tsy natônaré taminahy.' ⁴⁶ Iré de halefa ho akô amin'ny fanasazina mandrakizay fô iré marina ndraika akô amin'ny fiainagna mandrakizay.''