¹ Nagnantso zare roa ambin'ny fôlo lahy Izy ary nagnomia anjaré ny hery sy fahefagna amin'iré demonia jiaby ré ary hampahivagna ire aretigna. ² Nalaifa zare hitory ny fanjakan'Andriamanitra sy nampahivagna ny marary. ³ Ahozy taminjare hoe: "Aza mitôndra na ino na ino amin'ny laihanare tsisy tehigna, tsisy tragnom-basy, tsisy môfo, tsisy vôla, ary tsisy akanjo fagnampiny. ⁴ Zay tragno idiranare, de midokaha akô madra- pialanare. ⁵ Na akaiza na akaiza tsy handraisanjare anare, kôfa miala zegny tanàgna zegny anare, de ahitsagno hiala amin'ny tongonare ny vôvôka mbô ho fijoroagna vavolombelogna anohairagna azy ire.'' ⁶ Avake de lasagna zare ary namakivaky ire tanàgna, nitory ny filazantsara sy nagnasitragna. ⁷ Ary regnin'i Heroda mpanapaka dahôlo ra jiaby nitranga zegny, ary de nany fagnahy izy, satrià nivôlagny ny sanagny fô i Jaona mpagnano batisa no nitsangagna tamin'ny maty, ⁸ ary voalaza fô niseho Elia, ary ny sanagny kôza mivôlagna fô raika tamin'ire paminany talôha no nitsangagna tamin'ny maty. ⁹ Ahozy Heroda hoe: Za no nanapa-dôha an'i Jaona, kay zôvy ndraiky zegny ôlo andrignaisako ra karan-jagny?'' Ary nihaizaka ny ahita Ananjy izy. ¹⁰ Kôfa niherigna ire apostoly, de nitantara taminy ire zaha jiaby vitanjare. Avake nindôsiny niaraka taminy zare, ary nandaiha nitôkagna ho amin'ny tanàgna antsôvigna hoe Betsaida. ¹¹ Fô vô naregny momba zegny ire vahoaka, de nagnaraka Ananjy. De niraisiny zare ary nikoragniny azy ire ny momban'ny fanjakan'Andriamanitra, ary nagnasitragna ire zay nila fagnasitragnana Izy. ¹² Ary kôfa ho aligna ny andro, de nagnatogna Ananjy ire rombifôlo kay nivôlagna hoe: "Asaivo mody ire vahoaka mbô hafaka mamonjy tanàgna magnodidigna sy ambanivôlo mbô hahita andriagna sy anigna, satrià amin'ny tany daizaka atsika.'' ¹³ Fô ahoziny taminjare hoe: ''Amiazo anigna zare re!'' Ary nivôlagna zare hoe: Akato kony môfo dimy sy lôka roa foagnay ra tsy manday mividy ho anôlo jiaby re dônko! (Take de nisy lalahy dimy arivo). ¹⁴ Ke nivolagna tamire mpianany Izy hoe: ''Alamino tsy tôkotôkony zare kay tôkony raiky dimapôlo ôlo.'' ¹⁵ Kay nagnano zaigny zare ré, napaitraka ire vahoaka ré. ¹⁶ Nandray ire môfo dimy sy lôka roa ré Izy, de niandrandra ny lagnitra nisôtra de avy te namiany ire mpianany zaigny mbô zarainjare amin'ny vahoaka. ¹⁷ Nihinagna zare kay afa-po, ary nahonkon-jare ilay potipotiny roa ambin'ny fôlo bazary. ¹⁸ Ary kôfa nivavaka manôkagna Jesosy, de niaraka taminanjy ré mpianatra ré. De nagnotaniany ré, natôny hoe: "Atôn'ire vahoaka ré izôvy Zaho? ¹⁹ Namaly zare hoe: "Jaona mpagnano batisa. Fô nisanany nivôlagna fô Elia, fô ny sagnany nivolagna fô nitsangagna tamin'ny maty ré mpaminagny talôha." ²⁰ Ary nivôlagna taminjare Izy hoe: "Ary anaré magnano Anahy izôvy?" Petera namaly ananjy hoe: "Anô ilay Kristy zanak'Andriamanitra." ²¹ Fô nifairany mafy zare mbô tsy hivôlagna anjany na aminjôvy na izôvy, ²² nagnano hoe: Ny Zanak'Ôlogna de tsy maintsy hijaly amin'ny raha maro ho lavin'ire lôh'ôlogna sy lohan'ny mpisorogna ary ire mpanôra-dalàgna, hivonigny Izy ary amin'ny andro fahatelo de hatsangana." ²³ Ary Aoziny tamin-jare jiaby hoe: "Kô misy tiagnaraka Anahy, de tsy maintsy mandà ny taignany izy ary hitôndra ny kakazofijaliagna kay hagnaraka Anahy. ²⁴ Na zôvy na zôvy te hagnavotr'aignananjy de hagnary zaigny, fô na izôvy na izôvy magnary ny aignany noho ny fitiavany Anahy de hagnavotra zany. ²⁵ Ino mô tsara azon'ôlogna amin'ny fanagnan'izô tontolo zô naifa magnary na mamotika ny aignany? ²⁶ Fa na izôvy na izôvy maignatra ny Aminahy sy fivolagnako, de maignatra ananjy koa ny Zanak'Ôlogna kôfa tônga amin'ny voninahiny, sy ny Papa sy ré anjely masigna Izy. ²⁷ Fô lazaiky aminaré, fô ny sasany aminaré zai mitsangagna akéto de tsy ahita fafataisagna mialôhan'ny ahitany ny fanjakan'Andriamanitra." ²⁸ Ary valo andro tafaran'ny nilazan'i Jesosy ire teny re, de nidôsiny niaraka taminanjy Petera sy Jaona ary Jakoba kay niakatra tanety hivavaka. ²⁹ Kôfa nivavaka Izy, de niôva endrika ny tarehiny, ary nanjary fotsy mangilangilatra ny ankanjony. ³⁰ Indro, Nisy roa lahy nikoragna taminanjy, Mosesy sy Elia, zay nipoitra tamim-boninahitra mamirapiratra. Nikoragna momba ny fialàny Izy, ³¹ zay nindôsiny hotantairahigna agny Jerosalema. ³² Ary Petera sy zay niaraka taminanjy de tihoahandry mafy, kôfa tegna taitra tanteraka zare, de nahita voninahiny sy lalahy roa lahy nitsangana niaraka taminanjy. ³³ Kôfa niala nagnalavitra an'i Jesosy zare, de aozin'i Petera taminanjy hoe: "Tompo, tsara amintsika midôko aketo. Ambilay zahay hagnamboatra fialôfagna telo, raika Aninao, raika an'i Mosesy, ary raika an'i Elia." (Tsy hainy raha koragniny.) ³⁴ Tampivolagnan'zegny izy, de nisy rahogna tônga, nisarogna taminjare, natahotra zare kôfa niditra tamin'ilay rahogna. ³⁵ Nisy feo niboaka avy tamin'ilay rahogna, nagnano hoe: "Itô ny Zanako zay voafidy; tandrignaiso Izy." ³⁶ Kôfa nivolagna ilay feo, de Jesosy raika no hita take. Nitagnanjare foagna ny fahanginany ary tsy nivolagninjare tamin'ôlogna na zôvy na zôvy ny momba izay rehetra hitan'izy ireo. ³⁷ Ary tamin'ny andro magnaraky io, kôfa nirôrôgna avy tan-tanety zare, de vahoaka maro nitrôtro taminjare. ³⁸ Nisy, lalahy raika avy tamin'ny vahoaka no nihafatrafatra mafy, nagnano hoe: "A Ramose o, mikorery aminô zaho mbô zaha koa zanako tô, fô zanakolahy tôkana izy tô. ³⁹ Hitanô, misy fanahy mibeko ananjy de mihiakiaka tampoka izy; ary mahatônga fanintogna aminanjy zegny kay mamôaka ranivy ny vavany. Tsy miala aminanjy zegny ary mandrairaka ananjy. ⁴⁰ Nikorery tamin'ny mpianatranô re za, fô tsy afanjare ilay raha." ⁴¹ Namaly Jesosy ka nagnano hoe: "Anare tsy mpino sy taranaka ratsy fitondran-taigna, oviagna mô no tsy maintsy hidôkoako miaraka aminare sy hiaraitako miaraka aminare? Indôsy atô ny zanagnô lalahy zegny." ⁴² Kôfa nagnatogna ilay zaza lalahy, de natsipin'ny demonia tamin'ny tany izy ary nampihinjitsinjitra ananjy. Fô Jesosy nivolagna mafy ilay fagnahy maloto ary nampahivagniny ilay zaza lalahy, de namiany an'ny babany. ⁴³ Ary avy take de variagna daholy zare nahita ny halibiazan'Andriamanitra. Kôfa magnana tamin'ny raha jiaby natôny iny zare, de aoziny tamin'ny mpianany hoe: ⁴⁴ "Ambilao reto teny reto ho tônga laligny an-tandigninare: ny Zanak'Olona de hivadihan'ny ôlogna ka hatolotra eo antagnan'ôlogna." ⁴⁵ Fô tsy azonjare raha tiany volagnina. Zegny de navony taminjare, de tsy azonjare raha nivolagniny, ary mbôla natahotra zare ny hagnontany mômba zegny fagnambaragna zegny. ⁴⁶ Ary nanomboka te de niady pilasy zare ny amin'ilay hitôndra anjare. ⁴⁷ Fa Jesosy, nahafantatra raha tam-ponjare, de nalaka zaza hely raika kay napaitrany tankilany ⁴⁸ ary nivolagna taminjare hoe: "Fa izôvy na izôvy mandray itô zaza itô amin'ny Agnarako, de mandray Anahy; ary na izôvy na izôvy mandray Anahy, de mandray zay nagnasa Anahy. Fô zay faran'ny hely no faran'ny maventy." ⁴⁹ Jaona namaly hoe: "Tompo o, nahita ôlogna raika zahay nagnala demonia tamin'ny agnaranô de nisakananay izy, satria tsy magnara-dia anay." ⁵⁰ "Aza raràgna izy," aozin'i Jesosy, "Satria zay tsy manohitra anare de mômba anare." ⁵¹ Kôfa nariny ny andro ampiakaragna Ananjy, de niatrika ho agny Jerosalema Izy. ⁵² Nandaifa mpitôndra hafatra mialôha ananjy Izy, Ary nandaiha zare ka niditra tan-tanàgnan'ny Samaritana raika mbô hagnomagna raha jiaby ho Ananjy. ⁵³ Fô ny vahoaka tô tsy nandray Ananjy, satria nitodika ho any Jerosalema Izy. ⁵⁴ Kôfa nahita zegny Jakoba sy Jaona mpianatra, de Aozinjare: "Tompoko, tianô mô zaihay kô handaifa afo milatsaka avan-dagnitra mbô hamotika anjare?" ⁵⁵ Fô nitodika Izy ary nivolagna mafy taminjare, ⁵⁶ ary lasana tagny an-tanàgna hafa zare. ⁵⁷ Ary kôfa nandaiha tan-dalagna zare, de nisy ôlogna raika nagnano taminanjy hoe: "Hagnaraka Anô zaho na andaiha aiza na andaiha aiza andihananô." ⁵⁸ Jesosy nivolagna taminanjy hoe: "Ny ambodia managna lavakananjy, ary ny vôrogna an-dagnitra de managna akaniny, fô ny Zanak'ôlogna tsy manana pilasy agnatôvagna ny lôhany." ⁵⁹ Ary Aoziny tamin'ôlon-kafa hoe: "Andô hagnaraka Anahy." Fa aozin-jaré hoe: "Tompoko, avilao bôka zaho handevigny babako." ⁶⁰ Fa Aoziny taminanjy hoe: "Avilao ny maty handevigna ny maty aminanjy. Fô anô, mandihana ka mitorià agny lavidavitra akagny hagnitatra ny fanjakan'Andriamanitra." ⁶¹ Ary nisy ôlon-kafa nagnano hoe: "Tompo, hagnaraka anô zaho, fô avilao bôka za andaiha agnano viloma lay andragnoko agny." ⁶² Jesosy namaly ananjy hoe: "Tsisy ôlogna mitagna angady kay mitodika kay mbôla ho ananjy ny fanjakan'Andriamanitra."