¹ Ary re mpamory hetra jiaby sy ny mpanota sanany de tônga tamin'i Jesosy te, mbô hitandregny Ananjy. ² Nifampimenimenigna zare Fariseo sy re mpanôra-dalàgna, nivolagna hoe: "I lalahy io de mandray mpanota, ary miara-hômagna aminjare mihintsy aza." ³ Jesosy nagnano zô fagnoharagna zô taminjare, nivolagna hoe: ⁴ " Zôvy aminare, kô managna ondry zato izy ary avake very ny raika aminjare, kay tsy hagnombaila ny sivy amby sivifôlo agny an-tany efitra, ary handaiha hizaha ilay raika very mandra-pahitàny ananjy? ⁵ Kôfa hitany zagny, de apaitrany eo agnavay ary mifaly izy. ⁶ Kôfa tônga an-dragno izy, de antsoviny aby re namany sy re mpiara-monigna aminanjy, mivolagna aminjare hoe: "Mifalia miaraka aminahy, fô hitako lay ondry ana very.' ⁷ Karanjagny koa, mivolagna aminare Zaho, fô hisy fifaliagna agny an-dagnitra nohon'ny mpanota raika zay mibaibaka, mihoatra noho reo ôlo-marigna sivy amby sivy fôlo zay tsy mila mibaibaka. ⁸ Na izôvy no viavy zay managna farantsa kely fôlo, kô very ny farantsa raika, no tsy hamelogna jiro, hamafa ny tragno, ary hizaha amim-pahazotoana mandra-pahitàny zagny? ⁹ Kôfa hitany zagny, de antsôviny aby re namany sy re mpiara-monigna aminanjy, kay hivolagnany hoe: 'Mifalia miaraka aminahy, fô hitako ilay farantsa kely raika zay very,' ¹⁰ Karanjagny koa, Zaho milaza aminare, misy fifaliagna eo agnatraihan'ny Anjelin'Andriamanitra amin'ny mpanota raika zay mibaibaka." ¹¹ Avy te Jesosy nivolagna hoe: "Nisy lalahy raika nanan-janaka roa lahy, ¹² ary ny faralahy taminjare nivolagna tamin'ny babany hoe: 'A baba a, amiavo anahy ny anjara hariagna zay tôkony ho anahy.' Ke nizarainy taminjare re ny fanagnany. ¹³ Tsy aila tafaran'zagny, lay faralahy nagnonkogna ny anjarany jiaby kay nandaiha tamin'ny firenegna raika lavitra te, ary tagny izy no nandany re haraignany jiaby tamin-ditra. ¹⁴ Ary kôfa lanigny aby jiaby, de nisy silôgna be nisahely tamin'io firenegna io, kay nanomboka tagnantin'ny fahasahiragnana izy. ¹⁵ Nandaiha izy nikarama tamin'raika tamin'ire mponigna tao amin'io firenegna io, zay nandaifa ananjy tagny an-tsabony mbô hamahan-dambo izy. ¹⁶ Te hihinagna mafy reo hanin-dambo re izy, satria tsisy ôlogna nagnomia ananjy na ino na ino. ¹⁷ Fô kôfa tônga saigna ilay faralahy, de nivolagna izy hoe: 'Firy amin're manompon'ny babako no managna hanigna mihoatra ny fanôka, ary zaho tô, matin-tsilôgna aketo! ¹⁸ Ialako aketo kay ho agny amin'ny babako zaho, ary zaho hivolagna aminanjy hoe: "A baba, aifa nanota tamin'ny lagnitra sy tamasonô zaho. ¹⁹ Tsy tôkony antsovigna hoe zanakanô aiky za; fô atôvy karaha raiky amin're mpanomponao zaho." ²⁰ Noho zegny nandaiha ilay faralahy kay nankagny amin'ny babany. Kô mbôla lavitra izy, de hitan'ilay babany, ary tohigna nangoraka, kay nihazakazaka ary namihigna sy nagnôroka ananjy. ²¹ Ilay zanany lalahy nivolagna hoe: 'A baba a, aifa nanota tamin'ny lagnitra sy te amasonô zaho. Tsy tôkony antsôvina hoe zanakanô aiky.' ²² Ilay babany nivolagna tamin'ny mpanompony hoe: 'Indosy malaky re akanjo faran'ny tsara kay atôvy aminanjy, ary atôvo pairatra ny tagnany, sy kapa ny hongony. ²³ Avake hindoso atô ilay zanak'aomby matavy, kay vony zagny. Andô antsika hagnana fety! ²⁴ Satria zanakolahy de maty, ary avahizo i velogna ndraiky. Very izy, ary avahizo io hita ndraika.' Avy te de nanomboka nikoragna zare. ²⁵ Ary ilay talagn'ôlo de tan-tsambo. Kôfa tônga nagnantogna lay tragno izy, de naharegny mozika sy dihy. ²⁶ Nagnantso ny raika tamin'ny mpanompo izy ary nanontany ananjy hoe raha misy ino? ²⁷ Ilay mpanompo nivolagna taminanjy hoe: 'Nôdy andragno ny ralahinô kay nivonin'i babanare ny zanak'aomby matavy satria tônga soa aman-tsara izy.' ²⁸ Vignitra ilay talagn'ôlogna, ary tsy niditra, de niboaka ny babany, ary niangavy ananjy. ²⁹ Naifa namaly ilay talagn'ôlogna ary nivolagna tamin'ny babany hoe: 'Zaha, aifa an-tôgnany maro no nanompoako anô, ary mbôla tsy nandika ny lalàgnanô zaho, ary anô tsy mbôla nagnomia na de zanak'osy nahafahako nikoragna niaraka tamin'ny kamaradiko aza, ³⁰ kanaifa kôfa tônga zanakanô lahy, zay nandritra ny fanagnanô tamin'ny mpivaro-taigna, de nivoninô ho ananjy lay zanak'aomby nafahy.' ³¹ Aozin'ilay babany taminanjy hoe: 'Zanakô, anô de miaraka aminay foagna, ary zay raha jiaby anahy de aninô. ³² Kanaifa rarigny ho antsika ny mikoragna sy mifety, satria itô rahalahinô itô de maty, fô avahizo de velogna ndraiky; very izy, ary avahizo de hita ndraiky.'"