¹ Ry Galatiana Mahôla! Iza no namosavy anan-dre? Teo amasonan-dre no nanehoana an'i Jesosy kristy vaombo. ² Izô ihany ny raha tiako ianaragna aminan-dre: Nandray ny Fagnahy tamin'ny asan'ny lalàna sa tamin'ny finoagna regninare anan-dre? ³ Mahôla marigna ve anan-dre? Niantomboka tamin'ny Fagnahy anan-dre, de hiafara amin'ny nofo ve amin'izo? ⁴ Mô niharitra raha maro tamin'ny tsisy dikany ve anan-dre fa raha tegna zava-poagna tokoa ary izegny? ⁵ Mô ve izy izay magnome ny Fagnahy anan-dre sy magnano asa mahagaga ake aminan-dre dia magnano izany amin'ny finoagna? ⁶ Kara i Abrahama ''nino an'Adriamanitra ary nisaigna ho famarinagny izegny,'' ⁷ dia kara izany, fantako, fa ire izay amin'ny finoagna dia zanak'i Abrahama. ⁸ Ny Sôratra Masigna, nahita taloha fa Andriamanitra hagnamarigna ire jentilisa amin'ny finoagna, dia nitory ny filazantsara talohany tamin'i Abrahama, nivolagna hoe: ''Avy amino no hitaiagna ny firenegna jiaby.'' ⁹ Ka, ire izay amin'ny finogna dia voatahy miaraka amin'i Abrahama, lay olognan'ny finoagna. ¹⁰ Ire izay miankina amin'ny asan'ny lalàgna dia eo ambanin'ny ozogna; fa vôsoratra hoe: ''Izay tsy magneky raha vôsoratra jiaby dia voahozogna ao agnatiny boky ny lalàgna, sy magnano iregny.'' ¹¹ Amin-jo fotoagna dia mazava fa tsisy ologna izay hamarinigna eo anatrehan'Andriamanitra amin'ny alalan'ny lalàgna, satria ny marigna dia ho velogna amin'ny finoagna. ¹² Fa ny lalàgna dia tsy araka ny finoagna, fa koza, ''Ny ologna ize magano ny asanagn'ny lalàgna dia velogna aminan-dre. ¹³ Kristy nagnavotra antsika tamin'ny ozognan'ny lalàgna tamin'ny nahatongavany ho ozogna ho an-tsika fa vôsôratra hoe: ''Vôhozogna ize mihantogna amin'ny kakazo''_ ¹⁴ mbô hotonga amin'ny Jentilisa sy fitahian'i Abrahama ao amin'i Kristy Jesosy, mba ho amin'ny finoagna no ahazahoantsika lay fampagnantenagna ny Fagnahy. ¹⁵ Ry rahalahy, ambilè zaho hivolagna araka ny fatôn'ny ologna. Ako amin'ny fifagnarahagna atôn'ny ologna, tsisy afaka magnafoagna na magnampy ize ako, raha tafapetraky ny lalàgna izany. ¹⁶ Ary ire fampagnantenagna dia nivolagnina tamin'i Abrahama sy taminire taranagny. Tsy mivolagna izegny hoe: ''Ho an'ny taranaka,'' manondro ny ologna maro, fa koza ologna raika ihany,'' hoan'ny taranaka,'' dia i Kristy. ¹⁷ Ary izô no tiako hivolagnina: '' Ny lalàgna ize tônga telo-polo sy efa-jato taogna taty afara, dia tsy hahafoagna ny fanekegna ize efa napetrak'Andriamanitra taloha. ¹⁸ Fa raha avy amin'ny lalàgna ny lova, dia tsy avy amin'ny fampagnantenagna intsony. Fa Andriamanitra nagnome ize an'i Abrahama tamin'ny alalan'ny fampagnantenagna. ¹⁹ Ino, ary ny tanjognan'ny lalàgna? Nasaigna izany noho ire fandikan-dalàgna, mandra-pahatongan'ny taranak'i Abrahama eo amin'izegny ananovagna ny fampagnantenagna. Ny lalàgna naton'ny mpitari-dalàgna raika ho manan-kery tamin'ny alalan'ny anjely. ²⁰ Fa ny mpitari-dalàgna dia midika ologna mihoatra raika, kanefa Andriamanitra dia raika. ²¹ Moa ve ny lalàgna manohitra ire fampagnantenagnan'Andriamanitra? Satria izany! Fa raha nisy lalàgna nomegna ize afaka magnome fiaigna, dia avy tamin'ny lalàgna tôkoa ny fahamarinagna. ²² Fa ny Sôratra Masigna no nampigadra ny raha jiaby ambanin'ny fahotagna. Nagnano izegny Andriamanitra mbô hagnomezagna ho anire mino ny fampagnantenagna ny hagnavotagna antsika amin'ny alalan'ny finognan'i Kristy. ²³ Ary talôhan'ny nahatongavan'ny fianoagna, antsika dia nitanagna ho babo tô ambanin'ny lalàgna, nogadraigna mandra-pivoahan'ny finogna. ²⁴ Koa avy ny lalàgna dia lasa mpiambigna antsika mandra-pahatôngavan'i Kristy, mbô ho voamarigna amin'ny finoagna antsika. ²⁵ Fa izô dia tonga izegny finoagna izegny, ka tsy ambanin'ny mpiambigna intsony antsika. ²⁶ Fa anan-dre jiaby dia zanak'Andriamanitra ako amin'ny finoagna an'i Kristy Jesosy. ²⁷ Fa maro aminan-dre izay natô batisa tao amin'i Kristy, no nandray an'i Kristy. ²⁸ Ary tsisy intsony na Joisy na Grika, na andevo na ologn'afaka, na lahy na vavy, fa raika ihany anan-dre ako amin'ny Kristy. ²⁹ Koa raha an'i Kristy anan-dre, dia taranak'i Abrahama,sy mpandôva araka ny fampagnantenagna anan-dre.