¹ Ary tamin'izegny andro zegny, kôfa nihanitômbo ny isan'ire pianatra, de nanomboka nisy fitaraignana natôn'ire Jiosy mivôlagna amin'ny teny Grika hanohairagna irè Hebreo, satrià natônjare tsy dikany irè mpitôndra-taignany tamin'ny firasagna hanigna isan'andro. ² Ny ro ambiny fôlo de nagnantso ho agny aminjaré sady nivôlagna hoe: "Tsy mety ho antsika ra miàla ny tenin'Andriamanitra mbô hikarakara irè latabatra. ³ Noho zegny anare de tôkony mifidy, ry ralahy, fito aminare, lalahy tsara laza, feno ny Fagnahy sy fahindriagna, mbô ho tendrenay hikarakara zegny raraha zegny. ⁴ Raha ny aminay, de hanohy hatragny amin'ny fivavahagna sy amin'ny fampianaragna ny amin'ny teny zaihay.'' ⁵ Nafinaritra ny ôlo jiaby ny teny natônjare. Kay nifidy i Stefana zare, lalahy feno finoàgna sy Fagnahy Masigna, ary i Filipo, Prokoro, Nikanora, Timona, Parmena ary Nikoleo, Proselyta avy agny Antiokia. ⁶ Irè mpino de nitôndra irè lalahy tagnatraihan'ny Apostoly, zay nivavaka sy namaitraka ny tagnany taminjare. ⁷ Kay nipaitraka hatragny ny tenin'Andriamanitra, ary ny isan'ny pianatra takô Jerosalema de nianitômbo be, ary mpisorogna maro ne no lasa mpagneky ny finoàgna. ⁸ Ary i Stefana, feno fasoàvagna sy hery, de nagnano fagagagna sy famantaragna maventy tamin'ny vahoàka. ⁹ Fô nisy vahoaka sanagny nitsangagna zay an'ny Synagogan'ny Libertina, sy an'ny Kyreniana sy Aleksandriana, ary ny sanagny avy agny Kilikia sy Azia. Ire ôlo irè de niady hevitra tamin'i Stefana. ¹⁰ Izy irè de tsy natôhitra ny fahindriagna sy ny Fagnahy zay nivolagnin'i Stefana. ¹¹ Avake de nisy ôlo nagnanôvan-jare kolikoly mbô hivôlagna hoe: ''Aifa regninay i Stefana nivôlagna ratsy momban'i Mosesy sy Andriamanitra.'' ¹² Nanaitra ôlo zare, ny lôhôlogna, sy ny panôra-dalagna, de nagnatogna amin'i Stefana zare ary nanambotra ananjy sy nitôndra ananjy tagnatraihan'ire panôlotsaigna. ¹³ Ary zare de nitôndra vavolambelogna diso, de nivôlagna hoe: "Itô lalahy itô de tsy midôka mivôlagna ratsy itô toeragna masigna itô sy ny lalàgna. ¹⁴ Fô zaihay de naregny ananjy fô i Jesosy avy agny Nazareta io de handrava itô toeragna itô sy hagnôva irè fomba zay natôlotr'i Mosesy antsika.'' ¹⁵ Ire jiaby zay nipaitraka tamin'ny toeran'ny panolotsaigna de nandinika ananjy kay nahita fô kara anjely ny tarehiny.