¹ Kô nikoragna tamin'iré vahoàka i Petera sy Jaona, de tônga iré mpisorogna sy ny lehiben'ny mpiambigna ny eglizy ary iré Sadoseo. ² Vignitra mafy zaré noho i Petera sy Jaona nampianatra ny vahoàka sy nitory ny fitsagagnana amin'ny maty tamin'ny alalan'i Jesosy. ³ Nisambôrigna zaré ary natô tam-ponja mandra pikiaka andro, satrià aifa hariva ny andro tamin'zagny. ⁴ Kanaifa maro tamin'iré ôlogna zay naregny ny hafatra no nino; ary ny isan'iré lalahy zay nino de dimy arivo také. ⁵ Ary kôfa amaraignaniny de niangogna takô Jerosalema ny panapakanjare, zôkiôlogna ary ire panôra-dalagna. ⁶ Te i Anasy pisorognabe, Kaiafa, Jaona, sy zay jiaby havan'iré mpisorognabe. ⁷ Kôfa narôsony tagnivon'i Petera sy Jaona, de nagnontany ananjy iré hoe: "Amin'ny hery ino, no nagnanovanaré zagny?" ⁸ Avy té i Petera, feno ny Fagnahy Masigna, nivôlagna anjaré hoe: "Anô ry mpanapaka ny vahoàka, sy ny lôhôlogna, ⁹ kô nagnotaniagna mômban'ny asa soa natônay tamin'io lalahy narary io tamin'io andro io_tamin'ny fomba ahoana no nahasitrana io lehilahy io? ¹⁰ De aoka ho fantanaré jiaby ary ny vahoakan'Isiraely jiabe, fô tamin'ny agnaran'i Jesosy Kristy avy agny Nazareta, zay nombohinaré, ilay natsagan'Andriamanitra tamin'ny maty_ tamin'ny alalany no ijoroan'itô lalahy tô mahivagna akéto amasonaré." ¹¹ Jesosy Kristy de vato zay natônare mpagnano tragno tsisy dikany kanaifa aifa natô ho lôhan'ny vato fezoro. ¹² Ary tsy misy famonjiagna avy amin'ny hafa, fô tsisy agnaragna hafa ambanin'ny lagnitra namiagna ôlo zay tsy maintsy havonjy antsika.'' ¹³ Ary kôfa nahita ny fasahiagnan'i Petera sy Jaona zare, ary natsapa fô ôlon-tsotra, ôlo tsy nandià fianaragna fô niaraka tamin'i Jesosy i Petera sy Jaona. ¹⁴ Satrià zare nahita lay lalahy zay sitragna nitsangagna niaraka taminjaré, kay tsy nahita ra koragnina hanohairagna zegny zare. ¹⁵ Fô kôfa avy nandidy irè Apostoly hiàla fivoriàgnan'ny filan-kevitra zare, de nifampiraisaka zare. ¹⁶ Ahozy zare hoe: ''Ino no tôkony ho atô amin'ireto lalahy irè ? Noho ny fagagagna vita tamin'ny alalan-jare de fantan'ôlo jiaby mipaitraka akéto Jerosalema, ary tsy azontsika lavigna. ¹⁷ Fô mbô tsy hiparitahan'izegny amin'ny vahoàka, de handô antsika hampitandrigna azy irè mbô tsy hivôlagnanjare zegny agnaragna zegny intsony. ¹⁸ Natsôviny hiditra i Petera sy Jaona ary nivôlagniny zare tsy hivôlagna sy tsy hampianatra amin'ny agnaran'i Jesosy intsony. ¹⁹ Kanaifa namaly azy irè i Petera sy Jaona nivôlagna hoe: "Ra marigna imason'Andriamanitra ny magneky anare mihoàtra Ananjy, de anare no mitsarà. ²⁰ Tsy afaka ny hijanogna tsy hivôlagna momba irè raha hitanay sy regninay zaihay.'' ²¹ Tavafaran'ny fampitandraimagna an'i Petera sy Jaona de navailany nandaiha zare. Fô tsy nahita fomba hagnasaziagna azy irè zare, satrià nidaira an'Andriamanitra irè vahoàka noho ny ra-haifany. ²² Ilay lalahy zay niaigna ny fagagagna sy fagnasitragnana de nihoàtra aifa-pôlo tôgna. ²³ Tavafaran'ny nagnafahagna azy irè, de tônga tamin'ny vahoàkany i Petera sy Jaona ary nitateriny azy irè zay jiaby nivolagnin'ire lôhan'ny mpisorogna sy irè lôhôlogna taminjare. ²⁴ Kôfa regnin-jaré zegny, de niara-nanandratra ny feonjare ho an'Andriamanitra zare kay nivôlagna hoe: "Tompo, anô no nagnano ny lagnitra sy ny tany sy ny ranomasigna, ary zay jiaby aminy. ²⁵ Nivôlagna tamin'ny alalan'ny Fagnahy Masigna tamin'ny vavn'ny panomponô, ny raintsika Davida Anô hoe: 'Nagnino no Vignitra irè firenena Jentilisa, sy irè ôlo zay mieritreritra raha tsisy ilagna ananjy?' ²⁶ Anare mivôlagna hoe: Ire Mpanjakan'ny tany de nitambatra, ary irè panapaka de nivondrogna hanôhitra ny Tompo, sy hanôhitra ny Kristiny.' ²⁷ Fô aifa i Heroda sy Pontsy Pilaty, zay niaraka tamin'ire Jentilisa sy irè vahoàkan'Israely, no niara-niangogna takô an-tanàgna hanôhitra an'i Jesosy panomponare, zay nosoranare. ²⁸ Niara-nivory zare mbô hagnano zay jiaby natôn'ny tagnanare sy irè drafitrare zay aifa notapahinjare ho atô mialôha. ²⁹ Avaizo, Tompo, saha irè fampitandraiman-jare ary amiagna irè panomponô mbô hivolagnany ny teninô an-kasahiàgna tantairaka. ³⁰ Ahinjiro ny tagnanô mbô nagnasitragna, ary hagnamia irè famantaragna sy fagagagna amin'ny alalan'ny agnaran'i Jesosy tomponô masigna.'' ³¹ Kôfa avy nivavaka zare, de nihôzongôzogna ny toeragna zay niarahanjare nivory, ary feno ny Fagnahy Masigna izy jiaby ary nilaza ny tenin'Andriamanitra an-kasahiàgna. ³² Ny ankabaizan'ire zay nino de fo sy Fagnahy raika. Tsisy nivôlagna fô ny raha zay azony de ananjy manôkagna, fô raha niarahan-jare nanagna. ³³ Niaraka tamin'ny hery maventy no nagnambaran'ny Apostoly ny fijoronjare vavolambelogna momba ny fitsagagnan'i Jesosy Tompo tamin'ny maty, ary fasoavagna maventy no tamin'izy jiaby. ³⁴ Tsisy ôlo nanan-draha mahory taminjare, fô zay jiaby nanagna tany na tragno de nambidy ary nitôndra ny vôlandraha jiaby zay lafo. ³⁵ Ary napaitraka tan-tongotr'ire Apostoly, ary nitsaraigna tamin'ôlo tsiraikaraika arak'izay ilainjare. ³⁶ Josefa, Levita raika, lalahy avy agny Sipra zay nantsôvin'ire Apostoly hoe: Barnabasy (zay midika hoe Zanaka lahin'ny Fampahiraizagna), ³⁷ nivarotra tany sy nitôndra ny vola ary namaitraka azy tan-tongon'ire Apostoly.