¹ Ary Petera sy Jaona niakatra tagny amin'ny tempoly tamin'ny laira fivavahagna, ny laira faha sivy. ² Ary nisy lalahy nalemy letry votairaka nindôsigna isan'andro tagny amin'ny vavahady tsara endriky ny eglizy, mbô hangataka fagnomaizagna ara-bôla agny amin'iré ôlogna zay mandaiha à legilizy. ³ Kôfa nahita an'i Petera sy i Jaona zay handaiha hiditra a legilizy, de nangataka fagnomaizagna ara-bôla tamin-jaré izy. ⁴ Nimbanjigna ny masony niaraka tamin'i Jaona i Petera de nivôlagna hoe: "Zahà zaihay. ⁵ Ilay lalahy malemy nizaha aninjaré, nagnataigna ny ahazo raha avy amin-jaré. ⁶ Naifa i Petera nivôlagna hoe: vôla fotsy sy vôla mena tsy anagnako, naifa zay anagnako, no hamiako anô. Amin'ny agnaran'i Jesosy Kristy avy agny Nazareta, mandihana." ⁷ Nandray ananjy tamin'ny tagnana ankavanagna, i Petera nanangagna ananjy, ary tonga de lasa natantanjaka ny tongotr'lay lalahy sy ny kitrokeliny. ⁸ Nitsambikigna, lay lalahy malemy de nitsangagna ka nanomboka nandaiha; ary niaraka niditra tamin'i Petera sy i Jaona takô alegilizy izy, ary nidaira an' Andriamanitra. ⁹ Ny ôlogna jiaby de nahita ananjy nandaiha sy nidaira an'Andriamanitra. ¹⁰ Tsikaritran-jaré fô izy lay lalahy nangakataka fagnomaizagna ara-bôla tamin'iré ôlogna také amin'ny Vavahady Tsaran'ny eglizy; ary taigna gaga sy talanjogna zaré noho ny raha nitranga taminanjy. ¹¹ Ary noho izy hitagna an'i Petera sy Jaona, ny ôlogna jiaby de nirohitra nankagny amin-jaré tagny amin'ny fialôfagna zay nantsôvigna hoe fialôfan'i Solomona ny ôlogna jiaby ary taigna talanjogna. ¹² Kôfa nahita zagny i Petera de namaly ny ôlogna hoe: "Anaré vahoakan'Israely, nagnino no talanjogna anaré? Nagnino ny masonaré no mandinika anay, karaha hoe herinay na famasinagnanay manôkagna no nampadaiha ananjy?" ¹³ Ny Andriamanitry Abrahama, y an'Isaka, ary an'i Jakoba, lay Andriamanitr'iré papantsika, nagnomià voninahitra an'i Jesosy mpanompony. Izy natôlonaré sy nilavinaré také anoloagnan'i Pilato, tamin'izy nanapa-kevitra ny agnodaifa ananjy. ¹⁴ Nilavinaré lay raika zay Masigna sy Marigna ary naleonaré nangataka lay mpamono ôlogna mbô ho alaifa ho anaré. ¹⁵ Nivoninaré ny Mpagnôrigna fiainagna, zay natsagan'Andriamanitra tamin'ny maty_ary vavolombelogna zagny zahay. ¹⁶ Avaizo, noho ny finoàgna amin'ny agnarany_lay lalahy zay hitanaré sy fantanaré_igny agnaragna igny foàgna no nahatônga ananjy hahery. Ny finoagna avy amin'i Jesosy no nagnomià zo fagnasitragnana feno ananjy akéto agnataihanaré jiaby. ¹⁷ Avaizo, ny ralahy, fantako fô nagnano zagny anaré noho ny tsy falalagnanaré, karaha natôn'iré mpitôndra anaré koa. ¹⁸ Fô iré raha zay voalazan'Andriamanitra mialôha tamin'ny vavan'iré mpaminagny jiaby, hoe tôkony hijaly ny Kristiny, fô aifa tantairany avaizo. ¹⁹ Mibebaha, noho zagny, ary mihiraigna, mbô hivonigna ny fahotanaré, mbô ho tônga ny fotoagna mavelombelogna eo agnantraihan'ny Tompo; ²⁰ ary mbô handaifa an'ilay Kristy zay voatendry ho anô izy, de i Jesosy. ²¹ Izy lay tsy maintsy ho raisin'ny Lagnitra ambara-pahatongavan'ny laira famirainagna amin'ny laoniny ny raha jiaby, mômban'zay nivolagnin'Andriamanitra talôha tamin'iré vavan'iré mpaminagny masigna. ²² Nivôlagna tikoatra i Mosesy hoe: 'Ny Tompo Andriamanitra de nanangagna mpaminagny karaha anahy avy amin'iré ralahinaré. Anaré hitandregny ny raha jiaby zay hivolagniny aminaré. ²³ Hitranga ny hoe zay ôlogna jiaby tsy mitandregny zagny de ho ringagna tantairaka tsy ho ao amin'ôlogna.' ²⁴ Agny, ary iré mpaminagny jiaby nanomboka te amin'i Samoela sy iré zay tônga tafarany, de nivôlagna mafy sy magnambara iré andro iré. ²⁵ Anaré no zanak'iré mpaminagny sy ny fanekegna zay natôn'Andriamanitra tamin'iré razambé, araka ny nivolagnin'i Abrahama hoe: 'Ao amin'ny taranakanô de ho tahigna iré fianakaviagna jiaby eran-tany.' ²⁶ Tafaran'ny nananganan'Andriamanitra ny mpanompony, de nandaifa ananjy ho anaré alôha izy, mbô hitahy anaré amin'ny fialanaré amin'ny faratsiagnanaré.''