¹ Nony tônga ny Pantekosta, niangogna tamin'ny toeragna raika izy jiaby. ² Tampoka také avy agny an-dagnitra nisy feo kara rivotra mahery nifofofo, ary nameno ny tragno jiaby zay nipitrahan-jare. ³ Nisy afo niendrika laila maro zay nirasarasa, ary nipaitraka tambônjare tsiraikaraika aby. ⁴ Izy jiaby de feno ny Fagnahy Masigna ary nanomboka nivôlagna tamin'ny fivolagnana maro samy hafa, araka ny namian'ny Fagnahy Masigna hivolagnanjare. ⁵ Ary nisy Jisoy zay nipaitraka takô Jerosalema, ôlon'Andriamanitra, avy amin'ny firenena jiaby amban'ny lagnitra. ⁶ Kôfa naregny zegny feo zegny, de tônga niaraka iré vahoàka sady niasa saigna satrià ny tsiraikaraika de samy naregny anjaré nivôlagna tamin'ny fivolagnany aby. ⁷ Zaré de talanjona sy gaga ke nivôlagna hoe: "Marigna, fô tsy iré jiaby mivôlagna iré mô no Galileanina? ⁸ Magnino ndraiky zaré mivôlagna amin'ny fivolagnantsika tsiraikaraika aby zay natômbo antsika ? ⁹ Partianina sy Medianina ary Elemita, ary iré zay mipaitraka agny Mesopotamia, agny Jodia sy Kapadokia, agny Ponto sy Asia, ¹⁰ Frygia sy Pamfylia, agny Égypta ary Libya hatragny amin'i Kyrena, ary iré mpitsidika avy agny Roma, ¹¹ Jiosy sy Proselyta, Kreatana ary Arabo, de regnintsika miraisaka amin'ny fivolagnantsika mômba ny asa maventy atôn'Andriamanitra.'' ¹² Zaré de magnana ary sahiran-tsaigna; ary nifampiraisaka zare hoe: "Ino no dikan-jegny?'' ¹³ Fô iré sanagny nagneso sady nivôlagna hoe: "Izy iré de mamon'ny divaingna vôvô.'' ¹⁴ Fô i Petera nitsangagna niaraka tamin'izy raik'ambiny fôlo, nampiakatra ny feony, ary nivôlagna taminjaré hoe: "Ry lalahy Jodea sy anaré jiaby zay mipaitraka akéto Jerosalema, ôka ho fantanaré zao, tandremo iré teniky. ¹⁵ Ho an'iré ôlo tsy mamo araka zay heverinare, fô vô laira fatelo amin'ny andro zao. ¹⁶ Fô zao lay vôlaza tamin'i Joela paminagny: ¹⁷ 'Amin'ny andro farany,' Andriamanitra mivôlagna hoe: 'Halatsako amin'ny ôlo jiaby ny Fagnahiky. Iré zanakaré lahy sy ny zanakaré viavy de haminagny, ny ngôndahinaré de hahita fahitagna, ary ny antidainaré hagninôfy nôfy. ¹⁸ Karanjegny koà ny amin'iré panompoko lahy sy ny panompoko viavy amin'iré andro re. Halatsako ny Fagnahiky, ary zaré de haminagny. ¹⁹ Zaho de hampiseo raha mahamagnana agny amin'ny lagnitra ambôny, rà, afo, ary hembokafo. ²⁰ Ny masoandro de hanjary haizigna ary ny davôlagna hanjary rà, mialôhan'ny andro maventy sy miavaka hiàvian'ny Tompo. ²¹ Ary ny ôlo jiaby zay magnantso ny agnaran'Andriamanitra de ho voàvonjy. ²² Ry ôlogn'Israely, tandrignaiso izô teny izô: Jesosy avy agny Nazareta, lay ôlogna nampisehoagna anaré tamin'ny alalan'Andriamanitra mbô ho marigna amin'iré asa maventy, iré fagagagna, ary iré famantaragna zay natôn'Andriamanitra taminanjy tagnivon'iré, araka ny hain'ny taignanaré. ²³ Io lalahy io de natôlotry ny drafitr'Andriamanitra zay aifa nomagnina mialôha sy ny falalagnany, ary ny tagnan'ny mpandinika lalàgna sy anaré, namono Ananjy tamin'ny famantsaiagna Ananjy tamin'ny kakazofijaliagna. ²⁴ Fô Andriamanitra nanangagna Ananjy, nagnafaka Ananjy tamin'iré fanaintaignan'ny fafataisagna, satrià sarotra ho Ananjy ny niala tamin-jegny. ²⁵ Fô Davida mivôlagna mômba ananjy hoe, "Nahita ny Tompo tagnatraihako mandrakariva za, fô akéto an-tangnanan-kavanako Izy kay tsy tôkony hangôzohôzo za. ²⁶ De taigna faly ny fôko ary niravoravo ny lailako. Ary koà, ny nôfoko hivelogna amin'ny fatokiagna. ²⁷ Fô tsy nialanô ho agny amin'ny Fiainan-tsy hita nagnombaila ny Ray Masinô ho lô anô. ²⁸ Nampafatatra anahy iré lalan'ny fiainagna Anô; Anô de hameno fifaliagna anahy amin'ny endrikanô.' ²⁹ Ry ralahy, afaka miraisaka aminaré am-pitokiagna mômba an'i Davida Patriarika za: aifa maty izy no nalevigna, ary ny fasagnananjy de akéto amintsika mandrakigniany. ³⁰ Noho zegny, paminagny izy ary fantany fô aifa nifanta tamin'Andriamanitra, fô ny taranany no ho amin'ny sezy fiandrianany. ³¹ Aifa hitany zegny de niraisaka mômban'ny fitsanganan'i Kristy tamin'ny fafataisagna, sady izy tsy navaila takô amin'ny fiainan-tsy hita, no tsy nagnano ny nôfony ho trakatrin'ny falovagna.' ³² Io Jesosy io- Andriamanitra no nanangagna Ananjy, kay vavolombelon'izegny zaihay jiaby. ³³ Noho zegny kôfa nasandratry ny tagnana ankavanagnan'Andriamanitra Izy de nandray ny Fagnahy Masigna nampagnantigniany avy tamin'ny Ray, aifa narotsany zegny, zay hitanare sy regninare. ³⁴ Fô Davida de tsy niakatra tagny an-dagnitra, fô izy nivôlagna hoe: 'Ny Tompo nivôlagna tamin'ny Tompoko, ''mipitraha akéto an-tagnana ankavanagnako, ³⁵ mandra-pagnanôvako ny favalonô ho fitoeran-tongotranô.''' ³⁶ Noho zegny, ôka ho fantatry ny jiaby ny tragnon'Israely fô Andriamanitra no nagnano Ananjy ho Tompo sy Kristy, ilay Jesosy zay nifantsianaré.'' ³⁷ Ary kô naregny zegny zaré, vôtsindrogna ny fônjare, ary nivôlagna tamin'i Petera sy irè Apostoly ambiny hoe: ''Ralahy, ino no tôkony ho atônay?'' ³⁸ Avake Petera nivôlagna taminjaré hoe: ''Mibaibaha magnanôva Batisa, anaré tsiraikaraika aby, amin'ny agnaran'i Jesosy Krisity ho familagna ny fahotanaré, sy handraisanaré, ny fagnomaizan'ny Fagnahy Masigna. ³⁹ Fô ny fampagnatiniagna de ho anaré sy ny zanakaré ary iré jiaby zay lavitra, kay ho baitsaka iré ôlo zay ho antsôvin'Andriamanitra Tompotsika.'' ⁴⁰ Niaraka tamin'ny teny maro hafa no nijoroany ho vavolambelogna sy nandrisihanany anjaré; nivôlagna izy hoe, ''Vonjé ny taignanaré amin'itô taranaka ratsy fagnahy itô.'' ⁴¹ Ary izy iré nandray ny teniny kay natô Batisa, ary tôkony fagnahin'ôlo telo arivo aké no nampiagna tamin'io andro io. ⁴² Nanohy sy niaraka nagnano ny asa fitoriagna sy ny fampianaragna ny apostoly zaré, tamin'ny fanapahagna ny môfo sy ny fivavahagna. ⁴³ Tônga tamin'ny fagnahin'ny tsiraikaraika ny tahotra, ary fagagagna sy famantaragna maro no vita tamin'ny alalan'ny Apostoly. ⁴⁴ Iré jiaby nino de niangogna ary nanagna raha nitovy, ⁴⁵ ary zaré de nivarotra ny taniny sy ny fanagnany kay nizara zegny tamin'iré jiaby, arak'izegny nilainy aby. ⁴⁶ Ary isan'andro isan'andro de nitohy nanompo tamin'ny fomba fijery mitovy, ary takô an-deglizy zaré, sy nanapaka ny môfo tan-dragno, ary nizara hanigna tampifaligna sy fo feno fanitrian-taigna; ⁴⁷ nidaira an'Andriamanitra ary nahazo fankasitrahagna tamin'ôlo jiaby. Isan'andro ny Tompo de nagnampy ny isan'ire zay voavonjy.