¹ Tafaran'ny dimy andro, Ananiasy lay mpisorognabe, re lôhôlogna sanagny, ary mpikabary antsôvigna hoe Tertylo de nandaiha tagny. Re lalahy re de nitôndra fiampangagna an'i Paoly talôlohan'ny governora. ² Kôfa nitsangana talôhan'ny governora i Paoly, de nanomboka niampanga ananjy i Tertylo kai nivôlagna hoe: "Noho anô de managna fiadanagna maventy zahay, ary ny fahitanô de mitôndra fagnovana tsara amin'ny firenegnanay; ³ kay am-pankasitrahagna tantairaka no handraisanay ny raha jiaby zay ataonô, ry Feliksa taigna tsara." ⁴ Mbô tsy hitanaka anaré aila loatra, de mangatakafotoagna fôhy aminaré zaho mbô hitandregny anahy am-pahatoniagna. ⁵ Fô io lalahy io de hitanay fô mpagnakorôntagna ary iraika zay nitarika ny Jiosy jiaby magnairagna izao tontolo izao hikomy. Izy no mpitarika ny sekta Nazareana. ⁶ Ary izy koa niaizaka ny handoto ny tempoly, ka de nisambôrinay izy. (Fagnamarihagna: re antontan-taratasy talôha de nagnampy hoe: "Tianay ho tsaraigna araka ny lalàgnanay izy.") ⁷ (Fagnamarihagna: Re antontan-taratasy talôha de ahitagna ao amin'ny andinigny faha 7 hoe: "Fô Lysia, mpiandraikitra, tônga ary nalaka ananjy an-keriny tan-tagnanay.") ⁸ Kôfa magnontagny an'i Paoly mikasika regny raha jiaby regny anô, de ho hainô ny mikasika regny fiampangagna natônay momba ananjy regny." (Fagnamarihagna: Re antontan-taratasy talôha de nagnampy ao amin'ny tapany vôlohany amin'ny andininy faha 8 hoe: "Nandaifa anay taminô.") ⁹ Re Jiosy foagna koa de nagnampy trotraka regny fiampangagna regny, ary nagnamafy fô marigna aby regny. ¹⁰ Fô kôfa notondroen'ny mpanapaka hivôlagna i Paoly, de namaly Paoly hoe: "Fantako fô anô de aifa mpitsara taketo amin'itô firenegna itô nandritry ny tôgna maro, kai de faly ny taignako magnazava aminô. ¹¹ Ho fantanô fô tsa mbôla nihoatra ny roa ambin'ny fôlo andro zay no niakarako nidaira tagny Jerosalema. ¹² Kôfa hitanjaré tan-tempoly zaho, de tsy niady hevitra na tamin-jôvy na tamin-jôvy zaho, ary tsy namporisika ny vahoaka, na tamin'ire Synagoga, na tan-tanàgna. ¹³ Tsy afaka magnaporofo aminô re fiampangagna zay atôny aminahy avaizo zaré. ¹⁴ Saingy zaho magneky zô aminô, araka ny Fampinaragna zay antsôvinjaré hoe sekta, de karanjany koa no hanompoko ny Andriamanitry ny razambentsika. Zaho de mahatoky amin'ny jiaby zay ao amin'ny lalàgna sy re voasôratr're mpaminagny. ¹⁵ Managna ny fahatokisagna an'Andriamanitra kara re ôlogna re zaho, fô hisy ny fitsanganan'ny marigna sy ny ratsy fagnahy amin'ny maty. ¹⁶ Noho zagny zaho de miaizaka mandrakariva mbô hanagna fisainagna madio agnatraihan'Andriamanitra sy ny ôlombelogna. ¹⁷ Ary tafaran'ny tôgna maro de tônga zaho hitôndra fagnampiagna ho an'ny fireneko sy fagnomaizagna ara-bôla. ¹⁸ Kôfa vita zagny, nisy Jiosy vitsivitsy avy agny Asia nahita anahy tagny amin'ny fetin'ny fagnadiôvagna tao amin'ny tempoly, tsy niaraka tamin'ny vahoaka na tabataba. ¹⁹ Re ôlogna re de tôkony ho agnatraihanaré avaizo kai hivôlagna zay hiampanganjaré anahy, kô magnana raha zaré. ²⁰ Na koa, re ôlogna re foagna no tsy tôkony hivôlagna zay hitanjaré tsy mety aminahy kôfa nitsangagna talôhan'ny filan-kevitry ny Jiosy zaho, ²¹ kôfa tsy hoe momba ny raha raika zay niafarako kô nijoro tagnivonjaré zaho: 'Zagny de mikasika ny fitsanganan'ny maty zay hitsaragna anahy aketo agnatraihanaré gniagny.' ²² Ary Feliksa, zay nampahafantarigna tsara mômba lay Fampianaragna. Izy de nivôlagna hoe: "Kôfa mirôrogna avy agny Jerosalema i Lysia mpandidy, de hanapa-kevitra ny amin'ny raharahanô zaho." ²³ Avy te izy nandidy lay kapiteny fô i Paoly de tôkony hiambaisagna, fô mbô hisy fahafahagna de tsisy amin'ire namany ho sakanagna amin'ny fagnampiagna zay raha ilaigny. ²⁴ Andro vitsivitsy tafaranjany, de nierigna niaraka tamin'i Drosila vadiny i Feliksa, zay viavy Jiosy, kai nalaifa ho agny i Paoly ary naregny taminanjy mômba ny finoagna ao amin'i Kristy Jesosy. ²⁵ Fô kôfa niady hevitra niaraka taminanjy i Paoly mômba ny fahamarinagna, fahonognan-taigna, sy ny fitsaragna ho avy, de nanjary natahotra i Feliksa kai nivôlagna hoe: "Mandihana manomboka zao. Fô kôfa managna fahafahagna zaho afara akô de handaifa ho anô." ²⁶ Nandritr'zagny fotoagna zagny foagna, de nanantaigna izy fô hagnomia vôla ananjy i Paoly, noho zagny de nandaifa ho ananjy matetika izy ary nikoragna taminanjy. ²⁷ Fô kôfa afaka roa tôgna, de lasa governora nandimby an'i Feliksa i Porsio Festosy, saingy Feliksa te hahazo sitraka tamin're Jiosy, de navailany ho hambainagna koa i Paoly.