¹ Ary tamin'zagny tao Ikonioma Paoly sy Barnabasy niara-niditra takô amin'ny Synagogan'ny jiosy kay nikoragna tam-pahavitrihagna ary ny vahoàka marine Jiosy sy Grika de nino. ² Fô ny Jiosy zay tsy nagneky ndraiky de nagnakorontagna ny fisaignan'ny Jentilisa kay nahatônga zaré hanôhitra iré ralahy. ³ Kay nipaitraka aila také zaré, nivôlagna am-pasahiagna niaraka tamin'ny herin'ny Tompo, tamin'ny nagnomiazany porofo mahakasika ny hafatra ny amin'ny fahasoavany. Izy nagnano njany tamin'ny alalan'ny famantaragna sy fahagagagna zay natô tamin'ny alalan'ny tagnan'i Paoly sy Barnabasy. ⁴ Saingy ny ankamaroàn'ny tanàgna de nizarazara: ny ôlogna sanany niandagny niaraka tamin'iré Jiosy, ary ny sanany niaraka tamin'iré Apostoly. ⁵ Kôfa nagnandragna nandresy lahatra ny mpitarika zaré ny jentilisa sy ny Jiosy mbô hamono sy hitôra-bato an'i Paoly sy Barnabasy, ⁶ de nanjary nivony zaré ary nilaifa nalaky tagny an-tanàgnan'ny Lykaonia, Lystra sy Derbe, ary iré tanàgna magnodidigna ny faritra, ⁷ kay tagny zaré no nagnambara ny filazantsara. ⁸ Nisy lalahy raika nipaitraka tao Lystra, malemy ny hongony, avy tan-kibon-dreniny, zay aifa tsy nandaiha hatramin'zay. ⁹ Io lalahy io naregny an'i Paoly nivôlagna. Paoly nagnatrika ananjy tsara teo amin'ny masony kay nahita fô managna finoàgna ny hahivagna izy. ¹⁰ Ke aoizy tamin'ny feo mahery hoe: "Mitsagàna amin'ny tongonô." Noho avy te lay lalahy de nisôtisôty ary nandaiha tamin'ny manodidigna. ¹¹ Kôfa nahita zay natôn'i Paoly iré vahoàka maro be de nanandratra ny feony zaré, nivôlagna tamin'ny fitenin'ny Lykonia hoe: "Nirôrogna avy agny an-dagnitra ho amintsika amin'ny endrik'ôlogna iré andriamanitra.' ¹² Nagnatso an'i Barabasy zaré hoe "Jopitera," ary Paoly ''Merkory", satrià izy no mpandaha-teny. ¹³ Ny mpisoron'i Jopitera, zay ny eglizy de té ivailan'ny tagnàna, de nitôndra aomby sy fehilôha vy té am-bavahady; izy sy ny vahoàka marobe nikasa hagnomià sorogna. ¹⁴ Fô ny Apostoly, Barnabasy sy Paoly, kôfa naregny zagny de nandrôta ny lambany zaré kay nandaiha nalaky agnaty vahoàka, nitaraigna sy nivôlagna hoe: ¹⁵ "A lalahy, nagnino anaré no magnano zô raha zô? Zahay koà de ôlombelogna mitovy fatsapagna aminaré koà. Zay mitôndra ny filazantsara ho anaré, mbô hitodihanaré hiàla amin'zô zava-poagna zô ho agny amin'Andriamanitra velogna, zay nagnano ny lagnitra, sy ny tany, ary ny ranomasigna sy ny raha jiaby zay ao aminy. ¹⁶ Tamin'ny andro talôha, Izy de mamaila ny firenegna jiaby nandaiha tamin'ny lalany manôkagna aby. ¹⁷ Kanaifa, Izy de tsy namaila ny taignany tsy hisy vavolombelogna, taminjagny de nagnano ny tsara Izy ary nagnomià anaré ranon'ôragna avy agny an-dagnitra sy vanim-potoagna mahavokatra, kay hameno ny fônaré amin'ny hanigna sy firavoravoàgna.'' ¹⁸ Fô na de taminjagny teny zagny aza, Paoly sy Barnabasy de tsy nitsahatra nitagna ny vahoàka be tsy hagnano sorogna ho anjaré. ¹⁹ Fô ny Jiosy sanany avy ao Antiokia sy Ikonioma de tônga ary nandresy lahatra ny vahoàka. Zaré nitôra-bato an'i Paoly sy nitarika ananjy hivoàka ny tanàgna, ary nieritreritra fô maty izy. ²⁰ Ary kô mbôla nijoro nagnodidigna ananjy te iré mpianatra, de nitsangagna izy ary niditra ny tanàgna. Ny amaraigna igny,de nandaiha nankagny Derbe niaraka tamin'i Barnabasy izy. ²¹ Avy te zaré nagnambara ny filazantsara tao amin'zagny tanàgna zagny kay nahazo mpianatra maro, tagny Ikonioma, sy tagny Antiokia. ²² Zaré de nanohy nampahery ny fagnahin'iré mpianatra ary namporisika ananjy mbô hanohy ao amin'ny finoagna, no sady nilaza fô: "Tsy maintsy amin'ny fahoriagna maro be no hidirantsika ao amin'ny fanjakan'Andriamanitra." ²³ Kôfa nanendry lôhôlogna ho anjaré té amin'isam-piangonagna zaré, sy nivavaka tamin'ny fifadian-kanigna, de natôlonjaré ho an'ny Tompo zagny, zay ninoanjaré. ²⁴ De nandalo tamin'ny Pisidia zaré kay tônga tao Panfilia. ²⁵ Kôfa nagnambara ny teny tao Perga zaré, de nandaiha nirôrogna tagny Atalia. ²⁶ Avy tagny zaré no niantsambo nirôrogna ho agny Antiokia, zay nahazoanjaré ny fahasoavan'Andriamanitra ho an'ny asa zay vitanjaré avaizo. ²⁷ Kôfa tônga tao Antioka zaré ary nagnokogna niaraka ny fiangonana, de nitatitra ny raha jiaby zay vitan'Andriamanitra taminjaré, sy hoe akôry no namoahany tamiagnan'ny finoagna ho an'iré Jentilisa. ²⁸ De nidôko fotoagna aila niaraka tamin'iré mpianatra zaré.