¹ Ary tamin'zagny andro zagny Heroda mpanjaka nisambotra iré sanany zay an'ny fiangonagna mbô hahafahany mampijaly zaré. ² Nivoniny tamin'ny sabatra Jakoba ralahin'i Jaona. ³ Ary kôfa hitany fô nahafaly iré Jiosy zagny, de nagnano zay hisambôragna an'i Petera koà izy. Zagny de nandritry ny andron'ny môfo tsisy masirasira. ⁴ Kôfa avy nisambôrigna izy, de natôny tam-ponja izy ary nanendry miaramila aifa-tôko hiambigna ananjy, nikasa hitôndra anazy eo amin'ny ôlogna afaran'ny Paska izy. ⁵ Noho zagny de nitagnany tao am-ponja Petera, fô nivavaka de naton'iré zay tam-piangonagna mafy kokoà tamin'Andriamanitra ho ananjy. ⁶ Ny aligna alôhan'ny titondran'i Heroda ananjy hitsaraigny, Petera de nandry te agnivon'ny miaramila roa, voafatotra tamin'ny rôjo roa, kô mbôla nidôko niambigna ny fonja ny miandry talôhan'ny tamiagna. ⁷ Indro nisy anjelin'ny Tompo niseho Tampoka tankilany, ary nisy hazavagna namiratra tagnatin'ny efitry ny fonja. Namely an'i Petera te amin'ny ilany izy ary namôha ananjy ka nagnano hoe: "Mitsangàna malaky," ary iré rôjony niala tamin'ny tagnany. ⁸ Ny anjely nivôlagna taminanjy hoe: "Magnatôva lamba ary atôvy ny kiraronô." De natôn'i Petera araka zagny. Ny anjely nivôlagna taminanjy hoe: ''Atôvo ny lambanô ivailany ary magnaraha anahy.'' ⁹ De nagnaraka lay anjely Petera ary nivoaka. Tsy fantany fô iré naton'ny anjely de taigna izy. Nihevitra izy fô nahita fahitagna. ¹⁰ Kôfa nandalo tamin'ny mpiambigna vôlôhany sy faharoa zaré,de tônga tamin'ny vavahady vy zay mitôndra mankagny amin'ny tanàgna; nisôkatra ho azy tamin-jaré zagny.Nivoaka zaré ary nirôrogna tamin'ny lalagna raika, ary lay anjely nandô ananjy avy hatrany. ¹¹ Kôfa niherigna tamin'ny taignany i Petera nivôlagna izy hoe: "Avaizo de fantako marigna fô ny Tompo no nandaifa ny anjeliny ary nagnafaka anahy tamin'ny tagnan'i Heroda, sy tamin'ny raha jiaby zay dignaisan'ny Jiosy hiseho. ¹² Kôfa tônga saigna tamin-jany izy, de nankagny amin'ny tragnon'i Maria renin'i Jaona, antsôvigna koà hoe Marka, zay nisy ôlogna maro niangogna sy nivavaka. ¹³ Kôfa nandondogna te am-bavahady izy, nisy mpanompo vavy raika antsôvigna hoe Roda tônga namaly. ¹⁴ Kôfa hainy ny feon'i Petera, tamin-kafaliagna de tsy nahavita nanôkatra tamiagna izy; fô nandaiha niazakazaka nankagny an-tragno izy, nitateriny fô Petera nijoro teo an-tamigna. ¹⁵ De nivôlagna taminjare hoe: "Adala anô." Fô nagnizingizigna izy fô zagny no izy. Nivôlagna zaré hoe: "Ny Anjely zagny." ¹⁶ Fô Petera nanohy nandondogna, ary kôfa nisokafinjaré ny tamiagna, de nahita ananjy zaré ary magnana. ¹⁷ Petera nagnetsika ny tagnany taminjaré mbô hangigna, ary nivolagniny taminjaré ny fomba nitondran'ny Tompo ananjy nivoàka ny fonja. Aozy hoe: "Tatero amin'i Jakoba sy iré ralahy zagny raha zagny.'' De niala izy ary nandaiha tamin'ny toairagna hafa. ¹⁸ Ary kôfa nazava ny andro, de tsy nisy fientanam-pô hely te amin'ny miaramila ny amin'zay hitranga tamin'i Petera. ¹⁹ Kôfa avy nizaha ananjy i Heroda ary tsy nahita ananjy, de nagnadiady ny mpiandry izy ary nandidy aninjaré mbô hivonigna. De nirôrogna avy agny Jodia nankagny Kaisaria izy ary nipaitraka tagny. ²⁰ Ary Heroda de vignitra mafy tamin'ny vahoakan'i Tyra sy Sidona. Niara-nankagny aminjaré. Nandresy lahatra an'i Blasto zaré, lay mpagnampin'ny mpanjaka, mbô hagnampy aninjaré. De nangataka fihavanagna zaré, satrià ny tanagnanjaré de mandray hanigna avy amin'ny mpanjakan'ny tanàgna. ²¹ Tamin'ny andro voatôndro Heroda de nagnatô lamba lamban'ny mpanjaka ary nipaitraka té amin'ny seza fiandrianagna; nikabary taminjaré izy. ²² Niafatra ny vahoàka: ''Zagny de feon'andriamanitra, fô tsy an'ôlogna!'' ²³ Teo no eo de nisyanjelin'ny Tompo namely ananjy; satrià tsy nagnomià voninahitra an'Andriamanitra izy; nohanin'ny kankagna izy de maty. ²⁴ Fô ny tenin'Andriamanitra nitômbo sy nahaimaro. ²⁵ Kôfa vitan'i Barnabasy sy Saoly ny iraka nagnasagna aninjaré, de niherigna avy tagny [Ny sanany amin'iré dika sôratra aifa aila mivôlagna hoe: "Zaré niherigna tagny Jerosalema"] Jerosalema zaré, taminjaré, zay nantsôvigna koà hoe Marka.