¹ Miara-miasa aminanjy, zahay foagna koà de mamporisika anaré tsy handray ny fahasoavan'Andriamanitra fahatany. ² Fô nivôlagna izy hoe: ''Tamin'ny fotoagna mety de naregny anaré Zaho, ké tamin'ny andron'ny famonjena de nagnampy anaré Zaho. Zahavo, avaizo no fotoagna mety. Zahavo, avaizo no andron'ny famonjegna. ³ Tsy mametraka vato fagnafitohignana aké agnoloanjôvy na zôvy zahay, fô zahay tsy magniry ny haharatsy laza ny asa fanompoanay. ⁴ Fô kôfa, zahay de magnaporofo ny tegnanay amin'ny asanay jiaby, fô mpanompon'Andriamanitra zahay. Zahay no mpanompony amin'ny fiaretagna be, fahoriagna, fahatiriagna, fahasarôtagna, ⁵ iré vango, fagnagadragna, fikomiagna, amin'ny asa mafy, amin'iré aligna tsy misy torimaso, amin'ny havasilôgna, ⁶ amin'ny fahadiovagna, fahalalagna, faharetagna, fahatsoram-pô, amin'ny Fagnahy Masigna, amin'ny tegna fitiavagna. ⁷ Zahay no mpanompony akô amin'ny tenin'ny fahamarignana, akô amin'ny herin'Andriamanitra. Zahay de managna ny fiarôvan'ny fahamarinagna ho an'ny tagnana havanagna ndraiky havia. ⁸ Zahay de miasa amin'ny voninahitra sy amin'ny fahafam-baraka, amin'ny fagnaratsiagna ndraiky fideragna. Zahay de vômpanga ho mpamitaka kanefa zahay de marigna. ⁹ Zahay de miasa karaha iregny tsisy mahafantatra iregny kanefa zahay de mbôla fanta-daza. Miasa karaha ny ho foaty zahay-jeré-mbôla miaigna zahay. Miasa zahay karaha ny saziagna nohon'ny asanay nefa tsy karaha ny vôheloka ho foaty. ¹⁰ Zahay de miasa karaha ny malahelo, kanefa de mifaly lalandava. Zahay de miasa karaha ny mahantra, kanefa de mampanan-kariagna ôlogno fôntry zahay. Miasa karaha ny tsy managna na ino na ino zahay kanefa karaha ny managna ny raha jiaby. ¹¹ Zahay de nivôlagna ny marigna jiaby taminaré, ry Korintiana, ké ny fônay de misôkatra malalaka. ¹² Ny fônaré de tsy nofihezinay, fô anaré no namehy iré fihetseham-pônarè manôkagna. ¹³ Ké ho valiny ara-drariny-mivôlagna aminaré karaha ny amin'ny zaza aho-voay halalaka ny fônaré. ¹⁴ Aza mifamatotra amin'iré tsy mpino. Fô ino no iraisan'ny fahamarinagna ndraiky fandikan-dalàgna? Fô ino no iarahan'ny mazava amin'ny maizigna? ¹⁵ Ino no mety ho fifanarahagna aké amin'i Kristy sy Beliala? Na ino no tôkony anjara anagnan'ny mpino araiky sy amin'ny tsy mpino araiky? ¹⁶ Ké ino no fifagnarahagna misy aké amin'ny tempolin'Andriamanitra ndraiky sampy? Fô atsika de tempolin'Andriamanitra velogno, araka ny efa novolagnin'Andriamanitra hoe: ''Hipetraka aké aminjaré ré Zaho ké handeha aké aminjaré ré. Zaho de ho Andriamanitr'izy ré ké Izy iré de ho ôloko.'' ¹⁷ Noho izégny, ''Miboaha hiala aké aminjaré ré, ké mitokagna,'' ahozy ny Tompo. ''Aza mikasika raha maloto, ké Zaho handray anaré. ¹⁸ Zaho de ho Baba ho anaré, ké anaré ho zanako lahy sy ho zanako viavy,'' ahozy ny Tompo Tsitoha.