¹ Izahay de naharegny tatitra fô misy fijangajangagna aké aminaré, karazagna fitondran-tegna tsy medrika izay tsy azo atao aby aké amin'iré Jentilisa. Ny tatitra de hoe misy araiky aminaré miara-madry amin'ny vadiny babany. ² Anaré de tegna miavognavogna! Fô tsy tôkony alahelo vô anaré? Ny araiky izay nagnano izegny de tsy maintsy alàgna aketo aminaré. ³ Fô na de tsy aké ara-batagna aza zaho fô mbôla aké ara-pagnahy, de efa nitsara ilay araiky izay nagnano izegny sahady, karaha ny hoe také zaho. ⁴ Kôfa miaraka mivory amin'ny agnaran'i Jesosy Tompontsika anaré, ary ny fagnahiko de aké koa amin'ny herin'i JesosyTompontsika, de efe nitsara io ôlogna io sahady zaho. ⁵ Nataoko izegny mbô hanoloragna izegny lalahy izegny ho an'ny Satana ho famotehagna ny nôfo, mbô ho vôvonjy ny fagnahiny amin'ny andron'ny Tompo. ⁶ Tsy tsara ny fireharehanaré! Tsy fantanaré vô fô ny lalivay hely de magnôva ny môfo manontolo? ⁷ Diovo ny tegna naré amin'ny lalivay talôha mbô ho tonga môfo vaovao anaré, ke mbô ho tonga môfo tsy misy lalivay. Fô Kristy, lay zanak'ondrintsika tamin'ny Paska, de natô sorogno. ⁸ Noho izegny de aoka atsika hankalaza ny firavoravoagna, tsy amin'ny lalivay talôha, ilay lalivain'ny fitondran-tegna ratsy sy faharatsiagna. Fô ndraiky, aoka atsika hankalaza amin'ny môfo tsy misy lalivain'ny fahadiovam-pô sy fahamarinagna. ⁹ Izaho de nanôratra ho anaré takô amin'ny taratasiko mbô tsy hiarahanaré miasa amin'iré ôlogna mpijangajanga. ¹⁰ Kanefa ny tiako volagnina de tsy ny ôlogno mpijangajanga jiaby aketo amin'izao tontolo izao, na iré tsy mahonon-tegna, na iré mpikatramo, na iré mpanompo sampy, satria mbô hialagna amin'jaré ré de mila miala amin'izao tontolo izao anaré. ¹¹ Nefany avaizo zaho manôratra ho anaré mbô tsy hiara-hiasa miaraka aminjovy na izôvy izay antsôvigny hoe rahalahy kanefa miaigna akô agnatin'ny fijangajangagna, na izay tsy mahonon-tegna, na mpanompo sampy, na mpivôlan-dratsy, na mpimamo, na mpikatramo. Aza hômagna hanigna miaraka amin'ny ôlogno karanin-jegny aby. ¹² Fô akôry no idirako amin'ny fitsaragna iré izay agny ivelan'ny fiangonagna? Mifanohitra amin'izegny, anaré vô tsy tokony hitsara iré izay akô agnatin'ny fiangonagna? ¹³ Fô Andriamanitra de mitsara iré izay agny ivelany. ''Alà aké aminaré ny ôlon-dratsy.''