¹ Na de atô hoe mivolagna amin'ny fivolagnan'iré ôlogno sy iré anjely aza zaho. Fô raha tsy managna fitiavagna, de tônga vy magneno na kipantsogna mikarantsam-peo zaho. ² Na de atô hoe managna fagnomezan'ny faminaniagna ké mahafantatra iré misitery sy fahalalagna jiaby aza zaho, ké managna ny finoagna jiaby afahagna mamindra iré tendrombohitra. Fô raha tsy manam-pitiavagna, de tsinontsinogna zaho. ³ Na de atô hoe magnome izay jiaby anagnako hamahanagna ny mahantra aza zaho, ké manolotra ny tegnako ho doragna. Fô raha tsy manam-pitiavagna, de tsy mahazo na ino na ino zaho. [Fagnamarihagna: Ny ULB sy ny UDB de samy managna dika-volagna maro, mivaky toy izao hoe: ''Homeko mbô ho doragna ny tegnako.'' Ny dika-volagna sanasanany kosa de mivaky hoe: ''Homeko ny tegnako mbô ho reharehako.''] ⁴ Ny fitiavagna de mahari-po sady tsara fagnahy. Ny fitiavagna de tsy mitsiriritra na mirehareha. Tsy miavogna ⁵ na magnano izay tsy mahamendrika. Tsy tia tegna. Tsy mora tezitra, na mitanisa fahadisoagna. ⁶ Tsy mifaly amin'ny tsy fahamarinagna. Fô kosa, mifaly amin'ny fahamarinagna. ⁷ Ny fitiavagna de mandefitra ny raha jiaby, mino ny raha jiaby, matoky raha jiaby, ké mahiratra ny raha jiaby. ⁸ Tsy ho tapitra mandrakizay ny fitiavagna. Kô misy faminaniagna, de ho levona iré. Kô misy fivolanagna amin'ny teny tsy fantatra, hitsahatra iré. Kô misy fahalalagna, de ho levona izegny. ⁹ Fô antsika de mahafantatra amin'ny ampahany ké maminagny amin'ny ampahany. ¹⁰ Fô kô Tonga ilay tegna lafatra, de ho levona izay tsy tantéraka. ¹¹ Tamin'ny mbôla zaza zaho, de nikoragna karaha ny zaza, nieritreritry karaha ny zaza, nisaigny karaha ny zaza. Kôfa mahaventy zaho, de nambelako ny fahazazagna. ¹² Fô avaizo antsika de mahita tsy mivantagna amin'ny fitaratra, fô rahatrizay de hifagnatri-tava. Avaizo zaho de mahafantatra amin'ny ampahagny, fô avy aké zaho de hahafantatra tantéraka karaha ny nahafantaragna anahy tantéraka. ¹³ Fô avaizo de ireto telo ireto no mitoetra: ny finoagna, ny fagnantiniagna rahatrizay ndraiky ny fitiavagna. Fô ny mahavénty indrindra amin'iré de ny fitiavagna.