¹ Tiako ho fantatraré, ry rahalahy, fô iré babantsika de takô ambanin'ny rahona avokoa ary namakivaky ny ranomasina. ² Ny jiaby de natô batisa ho amin'i Mosesy takô amin'ny rahona sy takô amin'ny ranomasigna, ³ ké ny jiaby de samy nihinagna sakafom-pagnahy mitovy. ⁴ Ny jiaby de nisotro ranom-pagnahy mitovy. Fô izy iré de nisotro tamin'ny vatolampim-pagnahy izay nanaraka azy iré, de Kristy izegny vatolampy izegny. ⁵ Fô Andriamanitra de tsy nankasitraka tsara ny ankamaroan'izy iré, ké ny fatin'izy iré de naparitaka tagny agn'efitra. ⁶ Avaizo iregny raha iregny de ohatra, mbô tsy hagniriantsika raha ratsy karaha ny nilan'izy iré. ⁷ Aza manômpo sampy, karahà ny sanany tamin-jaré ré. Izegny de karahà izay voasôratra hoe: ''Iré ôlogno nipétraka mbô hihinagna sy hisôtro, ké nitsangana mbô hidôla.'' ⁸ Aoka antsika tsy hijangajanga, karaha ny nanon'ny maro tamin-jaré ré. Takô anatin'ny ndraik'andro, de ôlogno telo arivo sy roy algny no naty nohon'ny amin'iregny. ⁹ Aoka hiany koa antsika tsy hitsapa an'iKristy, karaha ny nataon'ny maro tamin-jaré ré ké naringan'iré menarana. ¹⁰ Aza mimonomonona ihany Koa, karaha ny nataon'ny maro tamin-jaré ré ké naringan'ny anjelin'ny fahafantésagna. ¹¹ Ké iregny raha iregny no nipoitra tamin-jaré ré mbô ho ôhatra ho antsika. Nosoratagna mbô ho fampianaragna antsika izy iregny—ho amintsika izay niaviàn'ny fara-andro. ¹² Noho izegny aoka izay mieritreritra ny tegnany ho efa mijôro mitandrigny tsara mbô tsy hianjera. ¹³ Tsisy fakampagnahy nahatratra anaré izay tsy iraisan'ny ôlombelogno jiaby fô ndraiky, Andriamanitra de mahatoky. Tsy haméla anaré ho alaim-pagnahy mihoàtra izay lasanaré Izy. Miaraka amin'ny fakam-pagnahy de hagnamia anré ny lalagna hilifasagna ihany Koa Izy, mbô hafahanaré miaritra izegny. ¹⁴ Noho izegny, ry malalako, milifasa lavitry ny fanompon-tsampy. ¹⁵ Mivôlagna aminaré karaha ny ôlogno manantsaigna zaho, mbô hafahanaré mitsara izay volagniko. ¹⁶ Ny kapokan'ny fisaoragna izay isaorantsika, izio mô zégny tsy fiombonagna amin'ny ran'i Kristy? Ny môfo izay vakiàntsika, izio mô zégny tsy fiombônagna amin'ny vatan'i Kristy? ¹⁷ Satrià araiky foagna ny môfo, antsika izay maro de vatagna araiky. Antsika jiaby de mandray amin'ny môfo araiky foagna. ¹⁸ Zahavo iré fokon'ôlon'Israely: Izio mô zaré izay mihinagna iré fagnatitra tsy mpandray anjara aké amin'ny alitara? ¹⁹ Inö arkà no ho volagniko? Hoe tsisy dikany mô izegny ny sampy? Sa ny hagnina izay natô fagnatitra tamiin'ny sampy no tsisy dikany? ²⁰ Fô mikoragna mômban'ny raha izay anön'iré Jentilisa mpanômpo sampy fagnatitra zaho, fô amian-jaré ré an'iré demonia izegny raha izegny fô tsy an'Andriamanitra. Tsy tiako anré ho mpiombona amin'ny demonia! ²¹ Tsy araka misôtro ny kapokan' ny Tompo sy ny kapoakan'ny demonia anaré. Tsy araka miray aké amin'ny latabatry ny Tompo sy ny latabatr'iré demonia anaré. ²² Sé magnano izay mahasaro-piaro ny Tompo mö antsika? Mahery noho Izy mô antsika? ²³ ''Ny raha jiaby de ara-dalàgna,'' fô tsy izegny aha jiaby no mahasoa. ''Ny raha jiaby ara-dalàgna,'' fô tsy izay raha jiaby no mampandrôso ny ôlogno. ²⁴ Tsisy tôkony hiaragna ny tômbotsohany magnôkagna. Fô ndraiky, ny tsiraikaraika de tôkony hiaragna ny tômbotsoan'ny namany. ²⁵ Araka mihinagna izay jiaby amidy egny abazary anaré, fô aza magnotsafa ny fieritreretanà. ²⁶ Fô ''An'Tompo ny tany, sy izay jiaby misy aké aminanjy.'' ²⁷ Kô misy tsy mpino magnasa anaré ihinagna, ké magniry ny handeha anaré, de hoano izay jiaby mipetraka aké anoloanaré ké aza mametra-panontaniagna ny amin'ny fieritreretagna. ²⁸ Fô kô misy mikoragna aminaré hoe: ''Itô hanigna tô de avy amin'ny fagnatitry ny mpanômpo sampy,'' de aza mihinagna izegny. Izegny de ho an'ilay nampahafantatra anaré, sy ho an'ny fieritreretagna. [Fagnamarihagna: Ny dika-teny talôha sanany de magnampy hoe: ''Fô n'y tany sy ny raha jiaby akô aminy de an'ny Tompo.'' Fô ny dikan-teny tsara indrindra de tsisy izegny. ] ²⁹ Tsy mikoragna zaho hoe ny fieritreretanà magnokana, fô ny fieritreretan'ny ôlon-kafa. Nahoagna no tôkony ho tsarain'ny fieritreretan'ny hafa? ³⁰ Kô mandray anjara amin'ny hanigna am-pankasitrahagna Zaho, nahoagna no tivitivaigna amin'izay nanamiazako fisaoragna? ³¹ Noho izegny, na mihinagna na misôtro anaré, na ino na ino anönaré, de anö ho voninahitr'Andriamanitra avokoa. ³² Aza magnomia fagnafitohinagna ny Jiosy na ny Grika, na ny fiangonan'Andriamanitra. ³³ Miezaka ny hahafaly ny ôlognon-jiaby amin'ny raha jiaby zaho. Tsy miaragna ny tombotsoako zaho, fô ny an'ny maro. Anokö izegny mbô ho voavonjy zaré ré.