¹ O koya sokwe, ni re rauni ti keta tu e i lia na i nono levn na o na i vadudu, me te tauma dei vatikiviki na vikwa bivita qa na i valavala ca te dau tacovi rewarewa ka. Me te wavncia ina vosotia na vitanwavu sa tau no me da mata. ² Me te tola vadodonu ti Jisu, ko a tanlania qa leda i duadua ina vabantia. Ko na maran a lei vagani vua, a vosotia na kauveilatai, a vitalia na kea vamaduwa, qa sa lai nodoki civo no ie lima matau na i seran ru Kalou. ³ Mo ba vanunu koya, o koya a vosotia na visaqasaqa mai vuara nai valavala ca qa i koya, mo ba ma kua ni watete se yalo sewasewa. ⁴ O ba si bere re ni ciqoma se o ba vimulomulo qa na i valavala ca me tase ka na dra. ⁵ O ba sa numidei nia na vivayalogwaqwataki o ba lei vece me wetai oba luvea tagwane: “Luvei an tagwane kna ni numia vataumama na lea i vakavuli na Turaga, se tubu mo watete ma ga e lei vadodovutaki mai vha. ⁶ Na Turaga e i vavulicia ga ko i lomania, qa totogitaki ni kora ga na luvea tagwane ko i lea. “ ⁷ Vosotia na lei vararawataki me wetai ga e lei vakavuli. E i tava va iko na Kalou me wetai vuara ae luvea tagwane. O ei na tama me tam dau vavulici luvea tagwane? ⁸ Ma ga e i lala va iko na leivakavuli, ko i levu na tamata re oka no ka, o iko e tam wili ko tam ni luvea tagwane. ⁹ Sa rantia, me tau o tamai meda vaka tamata ko a re vavulia keta qa te varokorokotaki ni Kora muni. Ivei me wetai na kea levu me te soli keta va Tamai me da vakayalo qa me te colataki! ¹⁰ O kora na tamai meda a ra vavulici keta ina lia botona gauna lekeleke ko re numia me vina. Ia na Kalou e i vavalia keta me te vina ka, me te rewa vu vaivotavota muni ina lea savasava. ¹¹ E i lala lia na i vakavuli na gauna kwe me ke solia na marau, i solia ga na rarawa. Mai taku ina vuataki mai na vuavu vakaceyu ni yalododonu i vuara a ra sa lei vakavuli mai ka. ¹² Vaqwaqwataki nia XXX lima ko i lutucivo no qa mturu koi malumalum. ¹³ Vadodonutaki nia na calevu nim la, baletia na vanua ko i vimosiki no mo kua ni vulekia me vamama vina ga ¹⁴ Gutavia na vivinati qa ra na tamata yalia, na savasava, ma ga i lala kwe e i lala lia ina dania na Turaga. ¹⁵ Ba qaraunia vina sara me kua ni lia e i sewasewa vua na lea loloma ina Kalou, me kua ni lia na waka vu kwa koi kolakola me tubu mai me na vavuleqa, me kua ni bi me re vakacalai ka. ¹⁶ Me kua ni lia me vidomom ko i tam donu se vatara na vikwa i tabu, me wwetai o Iso, ko a lia boto na magiti a vohtaki nia ka lea i tutu vaulumatua. ¹⁷ O ba sa kilatia rewa mai taku, a qei vinatia leqwa me tankemitia na tata ni yalayala, a tam vakadonui, baletia a tam dania a lia na calevu me ke vivutuni, a du ga ni turu ka e wai vu e mata. ¹⁸ O iko si tam yacovia no i lia e dela koi rewa ni lai dere, e dela mamandre, gigilo, tam nuitaki qa draki ca kaca. ¹⁹ E si tam yacovia no na domo ni tavni se I lia na lio koi i kwaya na tata me re kwaya ne rogo me kua ni lia leqwa na kwa me re lai vece. ²⁰ E re tam qulimia rewa na kwa ere lai vakaroti ka: “Ma ga e i lia na manumanu e i yacovia rewa e dela, me lei virilaki i vatu.” ²¹ A vamataku na kwa a lai tolavi ni kwaya o Mosese, “Qi mataku sara ga qa au saqasaqa.” ²² I vina cake, mo laka i na vuluunivanua o Sainoi qa ba lea koro na Kalou cola, na Jerusalemi vakalomalagi, vata qai kora na tini na udolu na a gilosi ina gadre. ²³ E sa laka mai ina soqosoqo ni ulumatua, ko re sa vadonuni rewa mai lomalagi. E sa laka mai vua na Kalou, ko i lewa na kwa coko, vata qa me dra yalo na yalododonu ko e re sa tara me re vina Sava. ²⁴ E sa laka mai va Jisu, na dautataro ru viyalayalati vou, qa na dra ko a turu ko i vina cake mai e dra ni Eveli. ²⁵ Dania mo kua ni duaraki ni kwa koi tata no ya kwe. Ma ga e re tam tubaraki nia na qa re tani vinati ko i vakasalataki ni kora no i vuravura, e re na tam tuba cola muni me ga me re vuki teni mai vua koi vakasalataki ni ko ra no mai lomalagi. ²⁶ A lia na gauna, a kuretaki ni na vuravura ua voraru ni e lio. Ia kokwe a sa yalataki nia rewa qa kwaya, “I na vakalia leqwa qi na kuretia leqwa tam tea vuravura boto, ne lomalagi muni.” ²⁷ Na tata kwe, “vakalia leqwa boto, “kea i balebale me re toso dei na kwa coko ko i rewa ni kuretaki, koya sokwe, ko na kiva raki a re buli, qa na kwa ko i tam lei kuretaki rewa me re tau tu mai. ²⁸ Ko ya sokwe, aqo mia e lia na matamtu ko i tam lei Kuretaki rewa, me te dau vavinavinataki nia i na i vakarau muni kwe te qwaravia ne Kalou i na doka qa na varokoroko. ²⁹ Na leda Kalou e i mamandre kakakati.