¹ Ko kwe na vabautia na kwa lei vadudutaki na vikwa i lai nuitaki qa sewa na kwa koi tam lai dani. ² Me baletia kwe o kora na vu a ra vadonui ina ledra vabantia. ³ Na vabantia te kilatia ka ne buli ni vuravura ina lea i vakaro na Kalou, me wetai na kwa i lei dani rewa e i tam tara mai na kwa a re lei tolavi tu ⁴ Na vabantia muni a vacabo ka o Eveli vna na Kalou a lia na i soro a vina cake mai va Keni,k ko a lai vatoveli ka me rewa ni yalo dodonu, a qei tata vavinataki ni koya na Kalou baletia na lea i soro, na vabantia si tata ga no ka o Eveli, e i du ga a sa mate rewa. ⁵ Na vabantia a lai mei ka i yata o Inoke me kua ni mada na mate. “A tam qei lai tolavi, do a sa mei koya dei na Kalou. “ A si bere ni lai mei i yata, a sa lai vadudutaki ni dau matakucia na Kalou. ⁶ Ma ga e i lala na vabantia e i tam rewa ni teva matakucia E i dodonu vua i lia e i mata laka ya vua na Kalou me vadunia ni cola vali . o koya qa dau vagania na kwa i vuara na dau vadani koya. ⁷ Na vabantia lei Noa, a lei vagani vua na tukutuku vaka-Kalou me baletia na vikwa a si tam lai tolavi, na lea matakucia na Kalou a tara ka a lia na waqa me ru ma vacolai na lea vuniwere. Na kwa a tara kwe, a Tola civo ni vuravura ka me rewa ni vaivotavota i na yalododonu me wetai na vabantia. ⁸ Na vabantia lea Evavayama, ni lai co, a talairewarewa me laka i na vanna me lei vagani vina me kea i taukei. A laka yati, a tam kilatia re ivei na vanna a laka no ka. ⁹ Na vabantia a lai vainono vali ina vanua lei yalataki me wetai a lia ha vulagi. A vainono vali i na werelaca qa Aisaske vata qa Jekope, o koru na vaivotavota i na yalayala a tautauvata. ¹⁰ A sa tolavia no i mata na siti tau kea yavu, ko na kea dau droini qa kea matai na Kalou. ¹¹ Na vabantia muni, a du a sa yava o Sera, a rewa ga vua me bukute. A yaco kwe a du ga a sa tuqwaqwa sara, a lai tolavi ni vabanti koya ga no a ko a vagania na yalayala. ¹² Me wetai, ko na lia na momo kwe, ko a voleke ni mate- a saon na lea kawa me wetai ne kalokalo ni lomalagi qa tam wili rewa me wetai na volivoli ni matacawa ¹³ Ia na vabautia mum a ra mate coko ka qa ra tam lei vagani na yalayala. Lakalaka, me re dama sqa sota qai kora vakayawa mai, a ra qei vadunia ga ni re vulagi qa re na tam no vakalia no i vuravura. ¹⁴ O kora na kwaya no na kwa kwe e re sa va matatataki ma no ni na vadania no ledra i nono du. ¹⁵ Ma ga e re vanumia no na vanua ko ra laka dei mai ka, a ke tan vuara e i lia na dodonu me re lesu leqwa. ¹⁶ Me wetai ga, re sa vinatia ga e i lia na vanua ko i vina cake sara, ko e valomalagi. I vua he Kalou ina tam maduataki nia me lai co me ledra Kalou, ni sa varantaki nia rewa tu i lia na siti me ledra. ¹⁷ Na vabautia lei Eparayama, na len lei vatoveli, a soli Aisako ka. O luvea tagwane talia boto ko a solia, o koya a lea ne tata ni yalayala coko. ¹⁸ O Eparayama ga ko a lei vece vua, “E vuku boto ni Aisake kora na lem kawa e re na vakayaca ka.” ¹⁹ A kilatia no o Eparayama na Kalou ga e i rewa ni vadwe ni Aisake leqwa mai na mate, a tata no nikilatia, mai vuara ga a lesu leqwa mai vua o Aisake. ²⁰ Na vabantia muni na vikwa me yaco mai lei Aisake a ru vakalougatataki ka o Jekope qa Iso. ²¹ Na vabantia mum lei Jekope, na gauna a mate ka qa vakalougatataki ni ko ru tu na lwvei Josefa tagwane. A dau lotu ge no o Jekope, na gauna a ta vakataba vali i na lea i toko ²² Na vabantia muni lei Jekope, ni sa voleke tovo mai na lea i cavacava, a sa kwaya rewa na ledra ne deidei mai na driadria ni Isireli mai Ijipita a vecemata ni kora baletia e tua ²³ Na vabantia muni baleti Mosese, na lea sucu, a lei cataki tu me tolu na vula mai vuaru ne lea i tubutubu ni ru dama ni tea driadria rairai vina. A ru tam matakucia na lea i vakaro na tui. ²⁴ Na vabantia muni le Mosese, na lea Sa tuqwaqwa cake no mia, a durarakinia me lei co me ni leveu tagwane o levei Fero yalewa. ²⁵ A digitakinia me lei vakacacam vata qai kora na tamata ni Kalou mai na ledra gadretaki no na maran nivalavala ca ina lia na gauna. ²⁶ A okatia me madra i e vaku i Karisito me te kwa levu cake mai na i yan kei Ijipita, ni sa dama no i mata ne kea i sau. ²⁷ Na vabantia a dei ni Ijipita ka o Mosese. A tam matakucia na lea borisi na tui, a vosotia no me wetai du a sa dani koya no koi i tam lei tolavi. ²⁸ Na vantia muni a maroroya na Lakasiviya qa ha lei vakaturu ni dra, me rewa vua na danivivatei ni ulumatua me kua ni derera ne ulumatua tagwane coko ni Isireli. ²⁹ Na vabantia muni a ra lada tavia ka na ruwai vikaikai me vetai ga e i vanna mamaca. Ni re vatakutakucia ne koi Ijipita me ra ke tara, a ra qei lai okum coko. ³⁰ Na vabantia muni a doki ciro ka na ba kei Jeriko, ni oti na ledra yato raunitia me vitu na siga. ³¹ Na vabantia a tam vakamate qa ra na talaidredre o Reavi na yalewa dau saumi bavo vuara na tagwane, baletia ne lea ciqomiru na yamata vuni ina vakacegu. ³² Na ava me qu kwaya leqwa? I ne sewasewa na gauna mequ kwaya kedrui tukutuku o Kitione, o Peraki, o Samisoni, o Jefeca, o Tevita, o Samuela, qa i kora na parofita. ³³ Na ledra vabantia a ra qaratia ka na vimatanitu, re yalodu, re yalosavasava, qa ledra ka na tata ni yalayala. Re tarovitia na gusu ni laione, ³⁴ A lovia na kaikai ni squto, a tubaraki nia na bati ni sele, ra lei vaqwaqwataki na gauna re malumalum ka, a ra qwaqwa sara na gauna ni vivala, sqa ra vadruka ni kora na mataivalu vulagi. ³⁵ O kora na yalewa a lesu leqwa vuara ko ra ne mate i na ledra du re dcake leqwa mai na mate. A sewa vuara a ra vararawataki, re tam vinatia me ra vagwalalataki, a ra vinatia me re rushtavia e i lia na cola leqwa mai na mate ko e vina cake. ³⁶ A sewa a ra lai varivarivaci, ra kavocai, sewa ara vesalaki na senidodo qa ra bin i wereni vivesu. ³⁷ A ra lei vivilaki i vatu. Re musu rua ina i varo. A ra lei vakamate i ne i sele mau. A ra lai vakataqani i na tabaru sibi qa na taba ni me. A lala na kwa i va kora, sogolaki ne ledra dodonu, qa ra tam lai qwaran vina. ³⁸ Sa tam lia na kwa vu ara o vuravura. A ra dau vilakayaki tu ina vanua drasiga, na vinlunivanna, na qwara vatu qa na qwana i buto ni qwele. ³⁹ A du o kora co ko na tamata kwe a sa vakaio ka na Kalou baletia na ledra vabntia, a tam ledra ga ne tata ni yalayala. ⁴⁰ Na Kalou sa tuvania rewa tu e i lia na kwa e i vina cake me keda, ma ga ake lala l keta, a ra ke tam tara me vina sara.