¹ O koya so kwe, qu sa vesu tu o au i vua na Momo Levu, qu vanumi iko vabitabita mo ba va i valavala i na kwa o lei co ka. ² Qu vanumi iko leqwa yati mo cola taki na cola e i tetelagi , na yalo e i daveyauyau na yalo malumalum, qa na yalo dau vosotia mo torania vata na loloma. ³ Mo tara sara i na lem I gu taucoko mo maroroya na liavata ni yalo i na i watiwati ni vakacegu. ⁴ Te lia boto na yago qa lia na yalo, me wetai ga na lem lai co, i na lia na vanuinui ni lem lai co. ⁵ So kwe i na lia no boto na turaga, i na lia no boto na vabautia, i na lia boto na vi vavitaisotaki. ⁶ I na lia Kalou na Tama i keta coko qai vuara coko, qa i vuaru kece qai kora kece. ⁷ I va keta yalia , i na vuku ni loloma a soli va keda na i solisoli a vakarautaki me leda o Karisito. ⁸ Me wetai e i kwaya na i Vola Tabu na gauna sa laka ka i yata e i na mera i sewa sa buku tu i na buku, qa vaganira na oloolo i vuara. ⁹ Na yava na kea i balebale ni lea laka mai qa na lea sa no rewa tu i na buto ni vuravura ira. ¹⁰ O koya ga na tamata vata ga a nodoki no ira, o koya muni a nodoki no mai yata, i lomalagi sara i yata, o koya ga e i tawania coko tu na kwa taucoko. ¹¹ A vaganiru na Karisito, a sewa me re avositolo, qa sewa me re Varovita, sewa me re dau kau Lotu, qa me re sewa me re tia Talatala qa Qasenivuli ei sewa. ¹² A vagania na yalo ni viqwaravi, vuara lea tamata i na vuku ni tavi ni viqwaravi , me tara ka i yata e yago na Karisito. ¹³ Me te laka ga no , me te tara i yata e yago , me yacovia te sa rewatia coko na liavata ni vabautia qa na kialatia na kwa, mai na luve ni Kalou me te rewa ni matua ka, qa yacovia na kea varautaki leda matua i va Karisito. ¹⁴ Na Karisito ga i buli keta cake me te kua ni wetai na driadria sewa , e i bili koya vali na Ua qa mei koyavali i na calevu ni vavuvuli somidi qa lawaki ca. ¹⁵ So kwe ,lem tata taki va doudou na du ni loloma me te kwadre i yata i na vi calevu i vua, o koya e ulu, so kwe o Karisito. ¹⁶ Na Karisito i yata na yago coko qa sematia e tiki yasewa kece, me kaikai na viqwaravi qa sobetia vata na tiki ni yago, na gauna e re sa lia vata ka qa sa qei kwadre na yago, sa tara cake vataki ni koya ka i na loloma . ¹⁷ So kwe , me qu kwaya , qa toga leqwa i na vuku ni leda Momo, ni o sa tam colataki ledra cola na tuqwaqwa i na malumalu ni ledra numia. ¹⁸ E i gigilo na ledra sovia na kwa, qa na tam kilatia na lea cola na Kalou , i na sese e i tau i na ledra cola, baletia i na kaikai ni medra yalo. ¹⁹ A re tam madua na sematira tu i na valavala va sisila. qa tam tarovira no na vadere no na valavala gigilo. ²⁰ So kwe i tam tia calevu, lem vulicia na kwa baleti Karisito ka. ²¹ Qi numia ni o sa rogo rewa na kea i tukutuku na kwa o sa lei vacecetaki ka me baletia na du o koya so kwe o Jisu. ²² O lei vece mo dei nia dei na kwa i baletia lem draki ni cola makawa , mo deinia vele na tamata makawa ²³ O lei vakavuli mo vakavoutaki nia na numia nim yalo. ²⁴ Mo tovakinia e i lia na Momo vou, so kwe a buli i na yaloyalo ni Kalou, i na du ni kwa du qa dodonu , qa na yalo savasava ²⁵ So kwe mo laka dei mai i na coricori , qa mo ba tata vakadodonu i va wekam, baletia ni te sa lia boto na i lala. ²⁶ Mo rarawa mo kua ni cala. Kua ni vakadei nia na cece me laka civo, i na lem cola mo gwalala mai na lem borisi. ²⁷ Kua ni solia e i lia na gwalala i vu a na nitu. ²⁸ O koya na dau driva, me kua ni driva leqwa. Me dau cakacaka qa tara na kwa i yaga vakalevu i na cakacaka ni e lima, me rewa ni wase na kwa e i rewatia i vuara na vinatia. ²⁹ Mo kua ni sorovia e i lia na tata e i vuke mo tara i kora i yata, me wetai na kwa e re vinatia. Mo kua ni sorovia e i lia na tata vasisila laka mai i m gusu.Va cedrenia ga na tata e i vuke mo tara i kora i yata, me wetai na kwa e re vinatia i na lem tata, me vukei kora e re rogoi iko. ³⁰ Kua ni vararawataki nia na yaloni Kalou ina vuku ni Koya, o sa vatakilakilataki ka.Mo cola mai na siga i tau ka na i totogi. ³¹ Dei nia vele na yalo katakata, na boriborisi, qa na yalo cakaca, na viborisi, na tata vakariva, qa i kora kece na vimataqali cola e i no ka na nitu. ³² Mo vina i vuara, ba vinumi qo ba vilomani sara ba vivosoti vakataki ni vatikem, me wetai na Kalou, i na Karisito me vosoti iko.