¹ O koya kwe mo ba kea i yaloyalo na Kalou, ra driadria dau la lomani. ² Ba dau vilomani, me wetai na lea lomani keta na Karisito ko a solia lea cola me baleti keta, a tea i soro garuvina du me cabovi vua na Kalou. ³ Na vido moni koi tam donu se i lia na kwa dukaduka se na kocokoco mo ba lai tavui ka, na kwa kwe i tam donu vuara na tamata vatavui ni Kalou. ⁴ Me kua ni lia na dukaduka, se na tata koi lialia, qa na viwali cakaca- o koya coko re tam do nu. Ba sagatia mo ba dau vavinavina ga. ⁵ O ba sa kilatia no qo ba vadeitaki nia e i lala na vidomom tam donu, kwa tam savasava se tamata kocokoco – o kora na, qwaravi kalou matakau- me re na ke taukeni tia i lia na kwa ina lea matanitu na Karisito qa na Kalou. ⁶ Me kua ni rewati iko boto i tia ina tata, baletia na vikwa raki kwe e i dau takuicia mai na borisi ni Kalou vuara na luve ni talaidredre. ⁷ O koya sokwe, ba kua ni vitokani qai kora. ⁸ A lia na gauna o gigilo tu, ia ko kwe o sa lei va cecetaki mai vua na Momo Levu. Ba laka vali me wetai o Kora na driadria ni cece. ⁹ (na cede e i vuataki mai na vina coko, na yalo dodonu qa na du), ¹⁰ Dau vatovele mo kilatia vina na yava e i vadonuya na Momo Levu. ¹¹ Kua ni dau vimaliwai qa na cakacaka ni gigilo ko i lala e vua, ia mo vatakei ko na ga mai. ¹² I na va madua me lai kwai na vikwa re tara vailo vali. ¹³ Ma ga i lia na kwa e i lai vatakei mai wa cece, i na lai tolavi mai. ¹⁴ E I lia na kwa e i lei tolavi ko e na cece. Me wetai dau lai kwai, “Mata mai, o iko na daumoce, qo dure mai yata na lem mate tu, o Karisito i na vacece ni iko.” ¹⁵ Dau garaunia na leivo i yatoyato- me kua ni wetai o kora na lialia me wetai ga o kora na vuku. ¹⁶ Vayagataki nia vina na gauna baletia me viseja e i sa cakaca ga no mai. ¹⁷ O koya sokwe, mo ba kua ni riva, mo ba kilatia na yava i vimatia no na Momo Levu mo ba tara. ¹⁸ Ba kua ni mateni na waini, ko i dau vavunia na i tovo cakaca. Ia i dodonu ga, mo bava sinai vutuvutu tu ina Yalo Tabu. ¹⁹ Ba vitatani vataki ni vatikem ina Sawe, qa ha sere na vi sere vakayalo, ba lagatia me rogorogo vina vua na Momo Levu mai vulu vatimem yalo, ²⁰ Ba dau vavinavinataki nia na vikwa coko, I e yaca na bda Momo Levu o Jisu Karisito vua na Kalou na Tamaya, ²¹ Ba lia vata no na varokoroko taki nia na Karisito. ²² Vatikem na vibulou waka vilewe, ba varogo vina sara vuara vatilem momo, me wetai garaga vua na Momo Levu. ²³ Na momo i lea i liuliu na vibulou me wetai na Karisito na i liuliu ni lotu, o koya na i vakacola ni yago. ²⁴ Me wetai na lotu i varogo va Karisito, a kem muni na vibulou vakawati i vuara na lem momo ina kwa coko. ²⁵ Vatikem na momo vakawati, ba loma ni kora vatimem lewe, me wetai ne Karisito lea lomania lea lotu qa soli koya me baletia. ²⁶ Me rewa ni cola vatabui ni koya, qa vasavasavataki ni koya me savati koya ina wai qa na tata, ²⁷ Me rewa ni coqomia na lotu ni rairai totoka tu, lala na kwa ei takavia tu, tam sasaluqiluqi se i lia leqwa na kwa me wetai, me rakorako ga lala lea cala. ²⁸ Na caleva vata sara ga kwe na momo vakavilewe me lomani e lewe me wetai sara ga e yago. I koya i lomani e lewe e lomani koya vataki ni koya ga muni. ²⁹ E i lala lia muni e i cakati koya vataki ni koya, ina maroroi koya qa qaraunia vina, me wetai na lea maroroya qa qaraunia vina na lea lotu na KArisito . ³⁰ Me wetai na leda sa teli me te lea. ³¹ “Ko kwe na vuni lea deini tamaya qa lea nene e i lia na tagwane qaru na sema vata qa e lewe, o kora kwe me ru na lia boto.” ³² E i bi na i tukutuku du e i vunitaki tu – ia o au qi kwai KArisito no qa na lotu. ³³ Vitalia, o vatikem yalia ga mo ba loXXXani kora ga vatimem lewe vataki ni vatikem, ne vibulou i vakavilewe me doka no lea tagwane.