¹ Kua ni tata kaikai ni a ei lia na momo tuqwaqwa, vayaloqwaqwa ni koya me wetai ei lia na vava vayaloqwaqwa ni kora na tukaikai me re weta o guanem tagwane. ² O kora na yalewa tuqwaqwa me wetai o kora na nene, o kora na vulau yasewa me wetai o kora na gwanem yalewa ina yalo i savasava. ³ Dokai kove na dawai, o kora na dawai du tu kwe. ⁴ Ma ga e i lia na dawai ei valuvani be i va viagoni, me re lei vakavuli me ra tatakea na ledra dokai kova sila re i mata lea vaniwere. Me ra saumia lesu na kwa vuara na ledra i tubutubu, baletia kwe i vinatia na Kalou. ⁵ O koya ge ei dawai du tu, qa no talia vali e i nuitaki nia na Kalou qa togaya ga no ina kerekere qana masu ina siga qa na bogi. ⁶ Nayalewa e i mavau no vakaseseraurau e i sa mate rewa tu ni si cola vali. ⁷ Vecera rewa yati na kwa kwe, me ma lala ledra cala. ⁸ Ma ga e i lia i tam qwaravia vina lea i tokani, vabibita lea vumweve, e i tam vataken na lea vabantia qa caka ca sava o koya mai i va vua ei tam vabantia. ⁹ E i vadonui ga me dawai ko i sewasewa lea yabaki ni cola i na onosagavulu, qa me lia boto lea tagwane. ¹⁰ Me lai kilati ni tara na kwa vina, ma ga ei qwavavi koru lia driadria, se i qwawavia lia ha vulagi, se a dralia boti re me dra titi ni la na tamata vatabui ni Kalou, se i vaagati kora na lei vakacacani, se I qwavana vakatabakilia na cakacaka vina coko. ¹¹ Vuava na dawai yadria, me re kua ni teli gara kwe. Do ave taleitaki nia na kwa vakayago koi tam ra-Karisito, re vinatia ga me re vakavilewe. ¹² I na caleva kwe re sa loronia i ruara na borisi do re sa deima vatiki tiki na matai ni vunau. ¹³ Na guana veta sokwe, re sa vulicia no na duakara, me re yato rauni i viwerewere. Re tam vu cese boto, re vitalanotaki na kwa ei lala e bete qa re toda, qa re kwaya ne kwa i tau donu. ¹⁴ Qi na vinati kora no ka na yada driadria me re vavilewe, me re valuveni, re lewa vina ledra vuniwere, me re kua ni vagnia ei ha na gwalala vua na meca me vacala ni keta. ¹⁵ Do ava sa vuki dei rewa ka a sewa iva Setani. ¹⁶ Ia ma ga e i lia na vibulou vabautia e i nodoki vua ei lia ne dawai, me vukei kora, me kwe ni vaicolacola ka na lotu, me re lei vuke ka ha dawai du. ¹⁷ O kora na tuqwaqwa re dau vataulewa vina me re lei do kai vakarua, vabitabita o kora aa medila ina tata ga na vivakavuli? ¹⁸ Do i kwaya ha i vola, “Kua ni taunia na i va raele vua ne bulumakau maga i butalaki nia ho ne sila.” Na tamata daucakacaka e i rautia vina na kea i sau.” ¹⁹ Kua ni vabautia ma ga e i lei tauni e i lia na tuqwaqwa vakavo ma ga isa rua sei tolu na i vadudu. ²⁰ Vadodonu taki nia e i lia ei cala me re rewa ni metaku ka ne kea vo. ²¹ Qi sa varotinia ke iva iko, ei mata na Kalou ga Karisito Jisu, qa ra na agilosi lei digitaki, me re qulania kata nai vakaro kwe qa kua ni viu boto e tiki, me ku a ni tare na kwa be kwa ni vi totaki. ²² Kua ni deve vasanri ei lia imlima. Mo kua ni viwase lea i valavale ca e i lia leqwa na tamata. Mo maroroi iko mo savasava tu. ²³ Kua leqwa ni gei som wai. Ia kokwe, mo somia vasewasewa na waini baletia XXXkete qa na lem dau tauvi mate vitaravi. ²⁴ Na ledra i valavala ca ei sewa aa tamata ei dau lai kilati levu, e re na lei tarogi ka. Ia ei sewa aa i valavala ca i qei dau takaci mai. ²⁵ Ina calevu vata sokwe, ei sewa na cakacaka do e vina e I dau lei kilati levu, e i sewa leqwa ei tam rewa ni lei ohtaki rewa.