¹ Deini kora coko na okati no i nai dagidagi bibita ni bobula me re vatokai kora no na ledra i liulin me rautikora vina na varoko roko coko. Me re tara no na kwa kwe me rewa vu ni kua ni lei coritaki e yaca na Kalou qa na lea i vavuvuli. ² Na bobula ko i vabautia no na lea i liuliu me kua ni vatakea no ni tam rokovi koya, do e ri vitacini. Ko kwe, me qwaravi ko ra ga vakalevu. O kora e re gulumia na kea vina o kora na vabantia qa re lei lomam. Vaka vulitaki qo kwaya me tara na vi kwa raki kwe. ³ Ma ga e i lia e i vakavulitaki no na i tukutuku coritaki qa tam liavata qa na i vitukutuku du me baletia na leda Momo o Jisu Karisito vata qa na i vavuvuli va-Kalou, ⁴ O koya i dokadoka qa tam kilatia e i lia na kwa. E i tam kauwaitaki nia du na visagasaga qa na Viba baletia na tata koi kau mai viqati, tam liavata, vivamaduataki, kasami caka ca, ⁵ Qa na ledru viba e ri rua na tamata ko i lala na kwa vina i dau tase ma i ledru vakasama. Re sa vavelenia na du qa re numia tu na vikwa va-Kalou e i tea calevu vu kea lei rewati e i bi na i lavo. ⁶ Na vikwa va-Kalou ko i lei gadretaki e i tea tubu levu. ⁷ E i lala lia na kwa te kau mai vuravura, e i lala ga muni na kwa te na kau dei mai ka. ⁸ Rautia vina boto kew, me te dau yalovakacogu i na magiti qa na i sulu. ⁹ O kora na vinatia no me re vutuniyau e re dau luta ina vitemaki, I na lia na tai. Re dau lutu ina bi na kwa lialia, qa na vigagadre ko i mosi, qa na vikwa leqwa i sewa ko i da va cidromnia ha tamata me vacakaca ina qa rarusania ¹⁰ Na lomania na i lavo ko i lia e waka na kwa cakaca coko. Re sewa tamata re vinatia a ra sa laka cala dei mai na vabautia qa sa lauti kora i na mo si ko i levu du. ¹¹ Ia o iko, tamata ni Kalou, tubaraki nia mai na Vikwa kwe. Sagatia mo yalododonu, va-Kalou, yalodu, dau loloma, dauvosotia, qo yalo savu. ¹² Vivalataki ko na vivala vina ni vabautia. Mo qulumia kata na cola tamvaiyalayala ko o lei co vura, me wetai na lem vagania rewa na vatutusa vina i me dra mata na i vadudu. ¹³ Qu sa solia na i vakaro va iko i e ma ta na Kalou, ko i vagania na cola, vuara na kwa coko, e mata ni Karisito Jisu, ko a vatusania e mata ni Ponitio Paiato qa tara na vatutusa vina. ¹⁴ Me maroroya na i vunau, lala ha duka se lec tavui me yacovia na lea tase mai na leda Momo o Jisu Karisito. ¹⁵ Na Kalou ina vatakea mai na lea tase mai ha Karisito ina kea gauna koi donu-Kalou, ko na kalougata qa lewa vai koya ga, na Tui koi tam mudu lea lewa, qa na Momo ko i vatulewa. ¹⁶ O koya talia ga e i tam mudu lea cola qa vainono vali ina lia na cece koi tam lai lakatavi rewa. E i lala lia na tamata sa tolavi koya se me rewa ni davu ni Koya. Me leivagani i vua na varokoroko qa na lewa tam mudu rewa. Emeni. ¹⁷ Ve cera rewa na vutuni yau ina vuravura kwe me re kua ni dau dokadoka qa me ra kua ni nuitaki nia no na ledra i yau, ko i tam tau kata. Ia, me re nuitaki nia ga na Kalou. O koya a sa vagani ke ta coko na i yau du me te marau vali ka. ¹⁸ Verea me re tara na kwa vina, me re vaiyan ina cakacaka vina, me re soli kwa qa rewa ni dau viwasei. ¹⁹ I na calevu kwe e re ga korovia no i vuara e i lia na yavu vina ina kwa ina laka mai, me re rewa ni qulumia ina cola koi du talia. ²⁰ Timoci, maroroya vina na kwa a lai vagani va iko. Laka da mai na tam dau vidokai qa na tata lala e bete na numia ko i dau vi saqasaqa ko i coritaki me lai kwai ni tea tuku. ²¹ Re sewa na momo re vadunia na vikwa kwe a qei vavunia na ledra laka dei mai na vabautia. Me lem na loloma.