¹ Sa kwaya rewa na Yalo Tabu ina gauna i taku sava kwe si bi na tamata e re na deinia dei na vabautia qa ra na yanina viyalo covicovi qa na i vivakvuli ledra na nitu. ² Ina ledra virewai na covicovi, na ledra vakatulewa ere sa na lei rewati ka. ³ E re na tam vinatia me re vilewe na tamata qa re lavakinia me re duwavakinia na magiti ko a bulia na Kalou me lei ciqonu ga ina vakavinavina mai vuara e re vabautia qa re kilatia ne du. ⁴ Va vikwa coko a bulia na Kalou e re vina; qa lala lia na kwa me lei ci qomi ina vavinavina me ke lei duwaraki. ⁵ Do sa lei vatabui i na tata ni Kalou qa na masu. ⁶ Ma ga e taunia na vikwa kwe medra mata na viwekani, o iko ei lia lea dau ni viqwaravi o Jisu Karisito. O sa lei vacolacolataki ina tata ni vabautia qa na vikwa vina o lei vakavuli ka ko sa takuicia no. ⁷ Kuwa ni vinatia na i talanoa koi tam va-Kalou ko re dau takitaki nia na yalewa tuqwaqwa. Ia mo, vataku takui cia na savasava va.Kalou ⁸ Na vakaikaiyago yavia e i tau kea yaga, ia na cola savasava bakalou e ii yaga ina kwa coko. E i lei qulumi ka na kwa ei yalataki na cola kwe qa na cola mai taku. ⁹ Na i tukutuku kwe mo nuitaki ina qa yaga boto muni mo camania vakalevu sara. ¹⁰ Ko sara ga kwe aba cakacaka kaikai qa ba madila ka. Do aba nuitaki no na Kalou koi cola, ko na leda i vakacola na tamata coko, vabitabita vuara na vabautia. ¹¹ Vecera mata na tamata qo vavulici kora na vikwa kwe. ¹² Me kua ni lia ei beci iko beletia e driadria, mo tea i vakarau vuara na vabantia, ina tata, lem i valavala, loloma, yaloduvakaoti qa na savasava. ¹³ Me yacovia lequ lesu ya, wilia vakalevu, ina vilaveti, qa na kwa o vulicia. ¹⁴ Kua ni becia na i solisdi ei tau no iva iko, ko lei ragani ina varovisai, i na ledra derei iko medra lima na tuqwaqwa. ¹⁵ Qaraunia vina na vikwa kwe. Me tau i va iko, na vanua esa ya covia no me re dania muni na tamata coko. ¹⁶ Qarauniko vina sara qa na vikwa o lei vakavuli ka. Togaya ga no na vikwa kwe. Na lem tara ga no kwe, e na vacola ni iko qa kora muni e re rogoi Iko.