¹ Ba rogo lia na i tukutuku oba no qa ra vali kora na vidonioni ko i tam donu, ko i tam vadonui sara ga me tara vuara na tam qwaravi kalou. Me lia na tagwane me qulumia e lewe ni tamaya. ² O ba sa va lavelavetia du! Dodonu mo ba madna ka, o koya tara na kwa kwe me lai mei dei mai va vatikem? ³ E i du qi vele no vaka tamata, vakayalo qi no vali. Qu sa vakaio i na lewa sa tan baleti kwa a tara; me wetai du qu nodoki ka. ⁴ Ma ga oba vasoqom vata ie yaca na leda Momo Levu o Jisu qi no vali mum vakayalo, na kaikai ni leda Momo Levu o Jisu i no muni. ⁵ Ba deinia va Setani na tamata e me varusania e yogo, ina vacolai ga e yalo i na lea siga na Momo Levu. ⁶ Na lem dokadoka i iko i tam vina. E tam kilatia ei vica boto na isi e i vatubunia na buli coko me levu? ⁷ Ba vasavasavataki ni vatikem mai na isi makawa mo ba ma tea i buli vou raki, tam vakatubu, me ni vatikem ga boto. Na Karisito, na leda lami ni Lakosiviya, a sa vacabori rewa. ⁸ Me te mai marantaki kea soqo, tam tea isi makawa, na isi ni vakarau cakaca qa na talaidredre. Kokwe, me tea marau ga ni madra tam vakatubu ni yalo vina qa a du. ⁹ Qu vola yati na lequi vola moba kuani vinaliwai qa i kora na vidomoni koi dukaduka. ¹⁰ Qi tam kwai kora no na tamata dukaduka ni vuravura kwe, se kocokoco, se lawaki ca, se qwaravi kalou matakau, mo laka dei mai vuara i lei vinati mo laka dei mai va vuravura. ¹¹ Ia qi sa vola yati kwe va vatikem ba kua ni vimaliwai qa i lia ko wekam ia i colataki no na vidomom dukadukam ei kocokoco, qwaravi kalou matakau, se dau tata kaikai dau mateni qa lawaki ca. Kua boto re ni kani qara na tamata kwe. ¹² Me qu rewa vaka yava me qu lewai koa na tam lotu? Ia mo na ke tam lewai kora na lotu no? ¹³ Na kalou qa i na lewai kora na tam lotu. “Ba mea dei vatikitiki na tamata cakaca kwe mai va vatikem.