¹ Me wetai kwe na ledra dani keta na tamata me te bobula lei Karisito qa tea i talatala ni tukutuku vuni ni Kalou. ² Na kwa Ii lai vinati vuara nai talatala me re tamata lai nuitaki. ³ I tea kwa sewasewa du va au mo ba valewai au se lia na vilewai vatamata. Do qi tam lewai au vataki ni au. ⁴ E I lala na kwa qi dania mequ lai tavui ka, ia i tam donu ti au. Na Momo Levu ga me qei lewai au. ⁵ Ba kua ni taucia lia na lewa ni si bere kea gauna, si bere ni lesu mai na Momo Levu. I na vatakea mai na kwa i vuni tu i gigilo qa kwaya mai na numia ni yalo. Na qei duku dokai ga ne tamata vua na Kalou. ⁶ Taciau qa, qi tara sera ga no nai turatura kwe qa Avolosi me baleti vatikem, mo ba vulicia mai va vatikemam na i balebale ni kwa kwe, “Ba kua ni sivitia na kwa sa volai rewa tu”. O koya sara ga kwe me kua ni lia i watete ka se mo ba visisivi taki. ⁷ O ei i dania na vatikem duidui? Na yava i dodonu mo ba qulu? Maga ba sa qulu rewa, na yava oba kwaya ka ni o ba si tam qulu? ⁸ Ba sa qulu rewa na kwa doa vinatia! O ba sa vutumyan rewa! Qu setaiva, qu vinatia mo ke lai laveti i yata, me ba ma lai laveti muni qai iko. ⁹ Qi vasamataki nia na Kalou a biuti vatikemam me ba i avositolo me ba tea i duciduci no i taku kwe, ina i valavala me wetai i lia na tamata i vakarau totogi me mate. A vadani atikem tu o vuravuraivuara na agilosi qa ra na tamata. ¹⁰ Ba lai varivariva me baleti Karisito, a solia ga na yalomatna va vatikem na Karisito. Na vatilemam malumalum, a vuni vatilem qwaqwa. Oba sa lai dokai ka, a ba lai beci ka o vatikemam. ¹¹ Me yacovia mai kwe ba sa mata kani qa ba karamaca, valoloma vatilemam i sulusulu, ba rubilaki, qa lala na were me ba no ka. ¹² Ba cakacaka va leaikai sara, ba tara na kwa i vatimemam lima boto. Ba lai vacacani, ia a ba vakalougatataki. A ba lai vararawataki qa ba voratia rewa. ¹³ A ba lai vacacani, a ba kwaya ga no na vilomani. A sa duaraki ni vatikemam o vuravura qa ba lai dani ni ba lolovira sara i ra, me yacovia tu mai kwe. ¹⁴ Qi tam vola na kwa kwe mo ba maduataki, ia me vakasalataki ni vatikem boto ni oba vatilemam driadna dau lai lomani. ¹⁵ Me ke tini na udolu sara na lea dau yadra na Karisito, ei tam bi ga o tamai vatimem. O uu o tamai vatikem baleti Karisito Jisu ina vuku ni kosiveli. ¹⁶ Ke uqeti vatikem ba kua ni vakatakutakkuci au. ¹⁷ Ko e na vuni leqi au vatalati Timoci ya, na lequ driadria lai lomani qa yalodu lei na Momo Levu. I na ducia va vatikem na calevu va Karisito, me wetai leqi au vavulicira coko i vivanuaqana vi soqosoqo lotu. ¹⁸ A sewa va vatikem sa watete kolo, me wetai du qi na tam yaco ya va vatikem. ¹⁹ Sa voleke boto me qu yaco ya, ma ga i lewa na Momo Levu. Qi na lai kilatia ka tam tea kwa ere kwaya no boto na watete kolo e, qi na lai dania sara ga na ledra kaikai. ²⁰ Na matanitu ni Kalou i tam tea kwa boto ni tata e i cakacakataki. ²¹ Na yava o ba vinatia? Me qu kau yati lia na kai ni virubi se na loloma qa na yalo vina.