¹ Ia O au qu sa tani kwaya rwea va vatikem na vei bulou, me wetai va khora a ra a vayaio, me wetai va khora a ra sa vakayago. Va khora muni na driadria i na ledra no vali vata qa Karisito. ² Qu vagania va iko na wai-ni-sucu ka lala na magiti, ni Vatikem a tam rewatia, ni kua muni o ba sa tam rewatia. ³ O ba sa vayago vali, ba sa lala ni vayago tu qa valavala va-tamata, ni ba sa no va vatikem na yalo-ca qa ua vei borisi. ⁴ Sa kwaya e lia, qu sa lei Vaula, kha lia leqwa kwaya, qu sa takuci Avolosi. ⁵ Ia O cei o Avolosi se o cei o vaula. A tara i vali boto oba sa vabautia, me wetai sa vagania mai na Momo vo vatiketa yalia. ⁶ Qu tea vali, o koya sa valulutakinia, ia sa bi du ga na Momo. O koya sa vatubunia. ⁷ A kwa wale o koya sa launia, qa ni o khora sa valulunia, la sa lialia ga na kalou o koya sa vatubunia. ⁸ O koya a launia qa ni koya a suia rewatia na keai sau me wetai na lea cakacaka. ⁹ Ba sa cakacaka vata qa ni koya na leda kalou, ba sa were ni kabu qa ba sa sue ni kalou. ¹⁰ Ina lea loloma ni kalou sa vagania mai va keta, me wetai. O khora na dau tara were. Ia na tamata yalia me lewaia va vina na i valavala ni lea tara kha. ¹¹ Ba tam rewatia e lia na tamata me vivitakinia na yavu teni, O koya boto sa vivitakinia tu, O Jisu Karisito. ¹² Ia wetai me lia na tamata tara yata na lea yaru i na koula, siliva qa na Vatu talei, a Kai, si na vu-ni-sila. ¹³ Na lea cakacaka i na vatakilati i na kwa kece, baletia na siga na kau mai na raraina. Ia ina vakatovolei ina quto udre qa na cakacaka yalia. ¹⁴ Welai o khoa sa tudei ina lea cakacaka e lia na tamata ina rewatia na kenai sau. ¹⁵ Ia sa bula ina vele vua na keai sau, o Kora sa vacolai e na wetai na cola mai quto udre. ¹⁶ O ba tam kilatia ni vatikem na sue ni kalou kha no muni vo vatikem na yalo ni kalou. ¹⁷ Ia me wetai na lia na tamata varusania na sue ni kalou ina varusani koya na kabu baletia na sue ni kalou e savasava qa ni vatikem muni. ¹⁸ O ba kua ni vakaisinitaki vatikem. Ba sa numia sa vuku vaivuravura. O koya a lialia a sa vuku mai kha. ¹⁹ Na kwa vuku sa mai vua na kalou ni Vuravura kwe. A sa volai, sa rewai khora na vuku i na ledra lawaki. ²⁰ Sa kilatia ko koya na ledra numia na vuku ni sa tam yaga. ²¹ Akwe mo vatikem kua ni dau kwakwai baleti khora na tamata. Ni sa vatilem kece na kwa taucoko. ²² O vaula se o avolosi, O kifa, vuravura, na cola. Si mate, vatilem kecega na kwa taucoko. ²³ Vatikem sa lei Karisito, ia sa lea na kalou o Karisito.